ساعدوني طلبتكـــــــــم

[حربيه سعوديه]

السلام عليكم ورحمه الله وبركاته

شلونكم ان شاء الله طيبين .......والله لو مااعتبركم خواتي كان مانزلت موضوعي فيذا ......


انا مشكلتي مع اهل زوجي مدري من وين ابدي بس اهم بالحيل تغيروا معي يعني اهم طيبين بس هاليومين ملاحظه عليهم شوي تغير .....

الموهم اقولكم وش مواقفي وعطوني الحل ......

تخيلوا اخته اللي اكبر منه بسنه مب متزوجه كنت ابي اتداخل معها كنت ادق فالبدايه وعادي ترد وبعدين صرت ادق ولا ترد علي ولا عادترجع تدق علي وجت فتره وانحرقت شريحتها ولا عطتني الرقم واصلا انا قلت والله ماخذه منها خاصه انها كم مره اذا تبي مني شي تاخذ جوال امها اللي هي خالتي وتدق منه عشان ماتبي اعرف رقمها مالت عليها مو شي يقهر .......

وتخيلوا مره جت صديقتها وامها واستقبلوهم في مجلسي لانه مره مشاء الله فخم الموهم انا ماعلي وعادي والبيت بيتهم بس تخيلوا عزمت بنت خالتها وجارتهم واخواتهم الكبار وانا ولا بمجامله محد نادنا ع الجلسه المشكله انه بيتي ,, المجلس فيه باب فاصل يعني كانه بشقه ثانيه فاهمين وش كان المفروض اسوي ادخل والا لا؟؟؟
لاني انا الغبيه تركتهم ولا رحت عندهم الموهم هل انا سويت الشي الصح والا زين مني اني مارحت ؟؟؟

تخيلوا بعد هذا كله راحوا حتى سلام محد سلم علي اللهم خالتي جت سلمت وعطتني من الحلى والقهوة بصراحه خالتي شوي تعطي وجه حلو يعني طيبه بالنسبه عن خواته اللي مسوين يعنني ثقل بس مب علي انا بعد الحمدلله ثقيله وااااجد .......

انا الحين ابي استشارتكم هالبنت هذي باذات شلون اتعامل معه ؟؟؟ وزوجي اشكيله يقولي حكي الحريم لاتدخليني فيه انا ابيه بصفي شلون اكسب قلبه مواحرضه على اهله لاتفهموني غلط بس يعني اذا تكلمو علي عنده يدافع عني ...

مع العلم الحين لي شهر مازرتهم قلت مره بقلل زيارتي يعني بالمناسبات اروحلهم انتم وش نصحيتكم ........

اي على فكره انا اصغر منها استحي منهم مره يعني مب اجتماعيه مثلهم ...

ادري انا قر قر واجد :016: بس سامحووووونــــــــي وربي انا مقـــــــــهـوره حيــــــــل.:rgewrg:......

 

[احلى سماء]

اهل زوجج طقيهم بالطوفه وانسيهم
زينين معاج حطيهم على الراس
ما يبونج عامليهم بالمثل
اللي ما يبيني ما ابيه وما يشوف شر
وزوجج لا تدخلينه احسن
ولا ياخذون منج حمواتج كلمه ممكن تحسب ضدج عشان لا يشيشون عليج زوجج

 

[حربيه سعوديه]

فديتك احلى سماء لاعدمتك يالغلا .......

وربي انتس صادقه مايبلهم الا كذا المشكله هي اني طيبه وانسى ااااه بس .......

 

[تركواز]

احلى سما ليش تحرضين البنت على اهل رجلها تبين زوجها يكرهها ويقول مو مهتمله باهلها
هي قالت انهم طيبين بس تغيرو شوي بدال لا تقولين لها اسالي شالي صار لانهم طيبين من البدايه
اسمحيلي انتي كلامج يخرب بيوت

ماعليج منها اختي اسالي وعامليهم بالطيب حاولي تشوفين شنو المشكله هذولي انتي عايشه وياهم مو بكوكب ثاني انتي

 

[احلى سماء]

تركواز

ياللي مو فاهمه شي

انا عطيتها قانون

ماشيه عليه البشريه

لا ضرر ولا ضرار

اهل زوجي زينين معاي

احطهم فوق راسي

اذيه ومو زينين ويستفزوني ويغثوني

اقلل اختلاطي معاهم الا بالمناسبات والعزايم فقط واكون رسميه وسلام وبس
حتى ما يحتاج اسولف معاهم واذا سالوني عن اي شي بالدنيا ارد رد لايمكن يحتسب علي واذا سمعت كلام ما عجبني اسكت
عشان لا ارد عليهم ويشيشون رجالي

هذا قانون كل متزوجه لو تمشي فيه مع اي حموله ما يضرونها

ولا احرض ولا شي

انتي فاهمه غلط

 

[حربيه سعوديه]

تراكوز فديت مرورك العطر ........


احلى سما فديتك ولاعدمتك ....... والله ياتركواز لما تحسين بالتعامل اللي يعاملونك فيه بتقولين صح لازم اكون رسميه عشان اتجنب المشاكل ولا اخسر احد لازوجي واهله وسلامتكم

 

[تركواز]

لا يا سما بس هي من البدايه قالت انهم طيبين وفجا تغيروووووو
ليش تكون رسميه اصلا محد يقدر يتحمل يعيش مع ناس 24 ساعه رسمي محد يقدر يتحمل هالشي الا المنافق وهي مو منافقه
مدام انهم طيبين اجل في سبب للتغير انتي ععلى طول عبالج كل العايلات نفس عايله اهل رجلج
ترا اصابع ايدج مو سوا

 

[احلى سماء]

الحموله تبي جذي تكونين معاهم رسميه والله طابوا زين على زين
اقلبوا خلاص تمسك نفسها وتوجب وتخلي العلاقه حدود السلام وبس
في حموله تبي جذي ماتبي تعمق العلاقه مع الجنه
فعشان ما ياخذون منها كلمه ممكن يقلبونها تكون رسميه
الدنيا جذي
ولو في سبب للتغيير يواجهونها

مو كل شي لازم سبب دام هي واثقه من نفسها انها ما سوت شي لحماتها

 

[حربيه سعوديه]

ايــــــــه والله يعلم الله اني شقد احترمهم لاني احب زوجي وعمري ليومكم هذا ماغلطت بكلمه بس احيان اقول ان البنت تغار.........

 

[الزعيمه2]

رد : ساعدوني طلبتكـــــــــم

يعطيك العافيه اختي

وانا مع كلام تركوزي

للعلم يا ختي المعامله الطيب تجني ثمارهااا


وان قطعتيهم وصرتي رسميه تري هالشيء بيكون مع امك واكيد ماتحب هالشيء لهاااا


وكما تدين تدان ان كبرو عيالك بيعاملونك نفس معاملتك لاهل زوجك واكيد هالشيء مايرضيك


الانساانه الواعيه لازم تراعي شعووور من حولها وتحسن تعامل معاهم لان اكثر وقت عندهم مو عند اهلك


ونصيحه لك اختي ارضاااء زوج من ارضاااء اهله ولا تخربين حياتك بيدك

 

[حربيه سعوديه]

فديت مرورك العطر يالزعيمه لاعدمتك بس في بعض الناس الطيبه ماتنفع معهم يحسبونك مالك شخصيه وبيزيد قله احترمهم لك ......

وبعضهم ينفع معهم وانا خالتي راح اعاملها بالطيب لانها طيبه معي بس اخته راح احقرها ولا اكلمها ومشكوريــــــن......

 

[ms.al7lwa]

من صجج حبيبتي ليش مكبره الموضوع يمكن بالموضوع انه صدقيني..!!
اهما حسب كلامج كانوا زينين معاج بس الحين تغيروا مو مني والطريج يمكن صايره حق اخت زوجج شي او شغله
وما يبونج تعرفينها عاد يعني يكون كلش اهما عشان جذي قاعدين يتحاشونج وبعدين راح تبين السالفه وبتعرفينها
بس الحين لا تبينين لزوجج وقعدي وضحكي وسولفي لا تحسسينهم بشي والله العالم ان السالفه تخص الاخت
هاذي لنها رفضت تعطيج رقمها لنها ما تبيج تسالينها شلي صاير وجذي وليش جذي تعامليني فما عليج الحين الا انج تنطرين وكل شي بيبن بس خلج ملاحظه عشان تعرفين ..!!

 

[يارب أغفرلي]

رد : ساعدوني طلبتكـــــــــم

حربيه

يمكن نفسيات لان الواحد نوب تتغير نفسيته
عادي انتي اسكتي هالمره
واذا تكررت روحي لحماتك طبعا بشكل مزح اضربها على كتفها وقوليه وشدعوى الحلو تغير ؟؟>>>يعني من هالكلام
بس اهم شي زوجك لاتقــــــــــــــــــــــــــــــوليله شي والله اني ناصحه لك اي شي تشوفينه لاتقوليله
ومدام خالتك عســـــــــــــــــــــــــل هذا اهم شي
يالله بتوفيق
وعلى فكره انا احب الحرررروب وه بس ياحبيلهم

 

[حربيه سعوديه]

الحــــــلوة فديت مرورك ايه والله انه جو خطاب وخطبوها بس للاسف ماصار نصيب بس ماعتقد هالسبب لان اكيد زوجي راح يخبرني بالسالفه ع العموم فديت مرورك الغالي........

 

[حربيه سعوديه]

يارب اغفرلي فديتس يالغلا وحب الرحمن ان شاء الله وانا امووووت عليتس وحبيتس بعد يلبا قلبتس ......

 

[شذى2007]

حبيبتي ماعليج من اخته عليج من امه اكسبيها بما انها طيبه عامليها بالمثل بس

اذا تضايقتي من تصرف اخته قوليلها عادي باسلوب حلو

 

[حربيه سعوديه]

تسلمين شذاوي ع المرور الله يعطيك العافيه.......

 

[تركواز]

احلى سما انتي تفكيرج غلط يمكن صح على المكان الي عايشه فيه لانج صعبه
بس هي مشكلتها مو مثلج اهل رجلها مو مثل اهل رجلج يت
هم طيبين قالت جذي هي بس في موضوع لازم تعرفه لازم تعيش معاهم مثل بنتهم مو طول الوقت رسميه
انا صراحه ماتحمل اكون رسميه دقيقه وحده شلون اعيش ببيت طول الوقت رسميه لاززم تشوف الاسباب عشان تحلها
مو تخليها معلقه جذي
هذولي اهل رجلها اجداد عيالها والمصيبه عايشه وياهم بالبيت يعني تعتبرهم اهلها هي

 

[الحسن كله]

أنا برايي خالتج ثم خالتج ثم خالتج إذا ناويه تكسبين زوجج خليج زينه وواصله لخالتج لأن مهما شاف بينج وبين خواته علاقه رسميه ما راح يهمه دامج زينه مع أمه ومهما صار هذي خالتج لاتقاطعينها ومن كلامج إنها مره طيبه وهذا شي حيل حلو .. برايي مايهموني حمواتي دام المره العوده طيبه أزورها وأسلم واللي مو عاجبه كيفه .. بالنسبه لحماتج خلي علاقتج فيها رسميه لأن شكلها إهي تبي جذي كيفها بس إذا حاجتج لا تزفينها وإبتسمي بوجها وسلمي بس لا تطيحين الميانه أحسن .. لكن دير بالج تقاطعين خالتج حرام ..
والله يارب يسعدج بحياتج يارب

 

[ryoonah]

ـ والله طقى حماتج بعرض الطوفه صج ماتستحى والله ولا اتعبرينها متا ماصارت ادمية اتسنع بروحها وهذى شكلها معقدة وماكو ثقه بالنفس ييييع طنشيها مو شي مهم اهيه اصلا