**(( ساعدوني طبق طالبه ريلي وماني عارفه اضبطه ))**

[*مارلين_مونرو*]

السلام عليكم ..







بـــنــاااااااااااات ريلي يبيني اسويله صينية دياي بالكريمه وجبن كررفت وفوقها بطااط مبشووور ..

ماكلها عند رفيجه و متولللع فيهاااا ..

سوويتها اليوم طلعت فاااشله

الكريمه مااي مايووه ... الجبن المبشور ماااضبط لما قليته تلصق كلله ببعض ..

ابيكم تسااعدوني شلووون اقلي البطاط المبشوور و يصير مفررق ..

وشلووون اخلي الكريمه تصير ثقيله نفس كريمة البشاميل ؟؟​

 

[وجدان الكويت]

شوفي انا مو وايد مع الطبخ بس هالطبق دايما اسويه

اول شي احط توست مقطعة اطرافة واذا ماتبين كيفج وادهنة بمايونيز خفيف بعدين احط حمسة الدياي اكون مسويتة مع فلفل اخضر وجزر مقطعتة طويل واذا تبين مشروم هم يطلع حلو

وتغطينة مرة ثانية بتوست

وتخلطين نص كريمة مع جبن كرافت وتدهنينة فوق التوست بعدين تنثرين فوقة جبن موزاريلا

اخاف اللي ذاقها ريلج مو بطاط مبشور جبن موزاريلا لاني دايما اكلها برة يكون فوقها موزاريلا مو بطاط


ترى سهلة وايد انا الفاشلة بالطبخ اسويها

 

[زمردة الكويت]

هذي طريقتي جربييها و بتضبط معاج و بتطلع لذيييييييييذه و قولي زوزو ما قالت ههههه


طبعا اذا ما تبين المشروم الغيها بس احنا نحبها مع المشروم

دجاج بالكريما الحامضه و المشروم

يبشر البطاط و ينقع في الماي و يغير ماؤه كل نصف ساعه لمدة ساعتين و بعدها تقلينه في زيت غزير

يتبل الدجاج المخلي من العظام و الجلد و المقطع مكعبات ب ملح – فلفل اسود – ليمون – نص ملعقة ثوم

يحمس البصل المفروم مع نصف ملعقة ثوم – زنجبيل – مكعب ماجي خضارحتى يذبل البصل
ثم يحمس الدجاج ثم يوضع المشروم حتى يستوي الدجاج
و فوقهم 1 كريما حامضه و 1 كريما حمرا الليي صارت زرقا حاليا ههههه

و يحمس لمدة دقيقتين ثم يوضع بالفرن لمدة نصف ساعه ثم يوضع فوقه البطاط المبشور المقلي

و عواااافي

و اذا طبقتيها مو تنسين تصورينها لنا و تحطينها بمنتدانا هههههه

 

[*مارلين_مونرو*]

مشكووورين حبايبي والله ماااقصررتوا ..

بس ريلي بي اللي كلاها عند رفيجه بالضبط مااايبي شي غير !!

 

[ام الدرر]

مشكووورين حبايبي والله ماااقصررتوا ..

بس ريلي بي اللي كلاها عند رفيجه بالضبط مااايبي شي غير !!

ماكو الا يسأل رفيجه عن الطريقة ويخلي زوجته او امه او اللي سوتها تكتب الطريقة
ولا يسوونها حق ريلج لما يمل منها​

 

[كويتية و لكن]

اذا تبين كريمة ثقيلة لا تزيدينها ماي حطي معاها قيمر كي دي دي وبعدين اخر شي الجبن المشور قبل الفرن

ولا تنسين تدهنين التوست جدام و وري وبالعافية

 

[جارة القمر]

رد : **(( ساعدوني طبق طالبه ريلي وماني عارفه اضبطه ))**

حبيبتي أنتي راح تقلين الجبن ولا البطاط

تفضلي طلبك
http://www.q8yat.net/showthread.php?t=657009


http://www.q8yat.net/showthread.php?p=16818626

http://www.q8yat.net/showthread.php?t=293776

المقادير:

صدور دجاج مقطعه مربعات صغيره + بصله مفرومه + 2فص ثوم مفروم+ مكعب ماجي



بهارات: بابريكا + بزار + فلفل اسود + كركم + بهارات المعكرونه

من كل شي ملعقه شاي وملح حسب الرغبه

كاس كريمه + 2 ملعقه طعام جبن كرافت



4 حبات بطاطس مبشور ومقلي



كوب ذره + علبه كبيره مشروم مقطع



الطريقه:

نحمس البصل والثوم ثم الماجي وبعدين نضيف عليه الدجاج ونخلط حتى ينشف ماء الدجاج



وعقب نضيف عليه البهارات



واخر شي نضيف الذره والمشروم والكريمه والجبن ونخليه على النار 5 دقايق ونضعه في طبق البايركس





ونضعه في الفرن ختى يحمر من فوق بس



واخر خطوه نحط عليه البطاطس المبشور واستمتعي بالطعم



اتمنى يعجبكم ..دعواتكم

منــقــــوووووول

 

[فطووومة]

مشكورين خواتي

انا بعد كنت ادورها

 

[تعبـت آشكـي]

ودي افيدج لاكن على قولتهم العين بصيره واليد قصيره
لووووووووول
انشالله تسويها بطرق البنات وتزبط وياك وتعجب ريلج وتطلع احلى من حقت مرت رفيجه
وطمنينا عفيا لاطلعت مثل مايبي

 

[*مارلين_مونرو*]

اليوووم ريلي يابلي المقااادير من رفيجه !!

ياااربي نفس اللي انا سووويته بس موووضااابطه معاي الكريمه

والبطاط المبشوور مااني عارفه شلوون اقليه !!

احطه بالفرن ؟؟

 

[شندوخه]

رد : **(( ساعدوني طبق طالبه ريلي وماني عارفه اضبطه ))**

الكريمه حطي معاها جبن قلاص وراح تصك وتثقل
والبطاط لاتقلينه دفعه وحده قسميه كذا دفعه وخليج واقفه عليه وبالقفشه حوسي الدهن

وفي بمنتدى ثاني شفت وحده مسويه الطريقه هذي بس البطاط بشرته وحطته بالفريزر تالي قلته بس مادري ليش سوت جذي

 

[bint_q8]

ان شاءالله تضبط معاج .. البنات ماقصرواا

موفقه يارب

 

[زمردة الكويت]

اليوووم ريلي يابلي المقااادير من رفيجه !!

ياااربي نفس اللي انا سووويته بس موووضااابطه معاي الكريمه

والبطاط المبشوور مااني عارفه شلوون اقليه !!

احطه بالفرن ؟؟

مثل ما قلتلج نقعيه بماي و شوية ملح و غيري مايه مل نص ساعه و اقليه بزيت غزير و لا تكثير كمية البطاط فيه و دايما قلبي فيه

 

[*مارلين_مونرو*]

مشكووووريين حبايبي مااااااقصرررتوا فيكم الخير و البركه :*

 

[ذهبيه مرصعه بألماس]

حبيبتي انا اسويها بس بطريقه ثانيه و كل من ذاقها استخف عليها ( ابتكري لزوجج شي احلى من اللي ذاقه)

:
المقادير يالغاليه :
بطاط نايس الأعواد هذا :

جبن مزتزاريلا بوك:

كريمة كي دي دي او المراعي :

جبن التعاون او المراعي الزرقا:
اخذي الحجم الصغير او نص الحجم الكبير ( آخر اثنين بالصوره)

حمسه الدجاج:

صدور دجاج مقطعه مكعبات صغيره :

كوب جزر مبشور كوب ذره مثلجه حبات وكوب بصل مقطع صغير و ثوم وحبه وحده كبيره فليفله طوال و ضعاف :

صلصة الصةيا نص استكانة شاي :

ملعقه صغيره سكر تذوب ب إستكانة ماي

ملعقة صغيره كركم:

ملعقه صغيره فلفل اسود:

مكعب ماجي واحد :

الطريقه :

تاخذين الدجاج و تحطينه بالجدر و تحمسينه مع شوية زيت نباتي مع الفلفل الاسود و البصل و الفليفله اول شي لأن اكثر شي يحتاجون وقت اهم هالثلاثه .. و ترشين الكركم ... عقب ما تحسين ان الدجاج استوا ...
بعدها تضيفين باجي الخضره كلهم و تذوبين مكعب الماجي مع الصويا و السكر واستكانة الماي كلهم تخلطينهم ... و تصبينهم و تقلبين و تخلينهم على النار ليييين تحسين ان الخضره استوت و ان ذابت مع بعض ...
عقب تكونين مجهزه البايركس...
تحطين حمستج كلها ... وتفرشينها بالطبق ..
عقبها تحطين البطاط الاعواد انا افضل اللي بدون نكهه احلى شي في ماركه ثانيه غير كتكو الماركه القديمه بس مالقيت لها صوره ..
تحطين 3 علب الى 4 كل ما كثرتي البطاط كان احسن ..
تكونين خالطه الجبن التعاون او المراعي الازرق مع الكريمه بروحهم اما نص جبن قلاص كبير او جبن واحد صغير ..
ترشينه شوي شوي على البطاط بالقفشه عشان يتوزع و يتشربها الطاط و آخر شي ترشين جبن الموتزاريلا ..

الفرن تكونين مبطلته من تحت بس ..
تخلينه 15 دقيقه الى 20 دقيقه لمن تحسين ان الكريمه ثقلت شوي تسكرين اللي تحت و تبطلين النار من فوق بس عشان تحمرين الجبن شوي مو تخلينه اسود ... بس يصير متحمش سكري النار ..
و ذوقيها و ادعيلي و تراها من اختراعي الخاااااااص ...

و في طريقة بعد بدال البطاط الاعواد تحطين بطاط ودجز ... لذييييذه حدها ...
و بالعافيه