ساعدوني شنو الصرفه معاه زهقني حياتي

[: غلاتي غير :]

تكفون انصحوني قبل اسبوع قلت لزوجي بروح لامي لان امي ماعندها غيري وانا وحيدتها وكانت مريضه الله اخليها لي المهم وداني لامي وقام حجزله تذكره وسافر وتخيلوا ادق عليه يومين ورا بعض مايرد علي ادزله مسجات مايرد علي دزلي مسج عقب ثلاث ايام من سفرته كاتبلي مشتاقلج وخلاص لاتزعجيني في سفرتي دزيتله الدكتوره تقول فيني ولاده ومارد علي ومطنشني اهم شي عنده وناسته وانا بس قاعده وابكي تغير علي قبل يرد على تلفوناتي الحين ادق الف مره يصكه بوجهي ويغلق جهازه وربي احس بضيق وبس قاعده وافكر حتى امي لاحضت علي وانا ما ابي اضايق امي فيها الي مكفيها وهو بيرجع بعد خمس ايام بيجي ياخذني من امي وحدي شلون اتصرف معاه اذا رجع من السفر تكفون انصحوني انا تعبت من اهماله وعدم اهتمامه همه بس نفسه ووناسته مليت شسوي اذ رد ؟

اسفه طولت عليكم ... بس من الضيق الي فيني ​

 

[غـرامـي أنـت]

الله يعنك اهم شي نفسك لاتتضايقين وراك ولاده

خليه يوولي لا تفكررين فيه

 

[كتكات احمر]

انا اتوقع من كثر ماتلاحقينه زهق منج

لا تفكرييييييييين فيه طنشيه عطي مجال لنفسج تعيشين بدونه

مو شرررررط ريال بحياتي

وبتشوفين بعدها شلون يركض وراج

انتي بس لا تراقبينه وتتبعين حركاته

 

[(*ام عهــــد *)]

الله يسخره لج

 

[ثريا الكون]

امبيه ليش الرياييل جذيه سوالف شيب الراس​

 

[iLLuMinaTion]

الله يعينج حبيبتي

اهم شي الحين الله يقومج بالسلامه

 

[Gatwa DaloO3a]

طنشييييه ،، ... خليه اخر همك .. واذا جا .. لا تناقشينه ولاتحطين له اعتبار لين ما يحس على دمه ..

خلي ردة فعلك غير متوقعه بالنسبه له ، احرقيه ببرووودك .. ما رده يحتاج لك ..

 

[طبعي مزاجيه]

ممكن سؤال \ شلون تولدين وانتي ماصارلج الا 7 شهور متزوجه؟؟!!!!

ولادة مبكره يعني ؟ امبيه الله يعينج

مالج الا تدعين ربج ان الله يهديه ولا تبينين له انج مهتمه وصدقيني باجر لاشلتي ضناج بين ايدينج تنسينه وتنسين طوايفه عطيه طاف وترى الرجال مايحب اللي تركض وراه اذا طنشتيه وسويتي المطلوب منج اهو اللي راح يركض وراج

عسى الله يهديه لج ويسخره لج

 

[مولاي الفرج]

حركته تبط الجبد يسافر بدون مايقول

بس خلاص دام تدرين انه مسافر وبيغير جو

عطيه احلى طاف

شغلي نفسج بالوالده ولاتتضايقين وان شاءالله تقومين بالسلامه

 

[الأميرة جوري]

الله يعينج بس امج حرام لاتحس انج متضايقه تتعب اكثر..وتفاهمى معاه بهدوء موهواش...

 

[Beautiful soul]

الله يسخره لج
عليج بالدعاء

 

[موج-البحر]

لاااااااااااااااااااااتسكتين غلط المرة تعود الريال على السكوت

صارحيه وافتحي قلبج له واعرفي شنو صاير معاه سحبي منه الكلام واعرفي ليش متغير عليج

 

[Freakya]

اهتمي بأمج و بولادتج و مالج شغل فيه

المسافر المفروض اهو اللي يدق على اهله و يطمنهم مو العكس

 

[روحي تحبه غصب]

حبيبتي الله بقومج بالسلامه
الريال مايحب الحنه مالج الانطنشينه ليمن يرد
بعدين قعدي معاه وصارحيه باللي مضايقج من تصرفاتها
الحين استانسي ولاتفكرين فيه
الله يسخره لج ويهديه

 

[لياليـ]

اب
اب
لعيونج

 

[ran drop]

هلا اختي الله يعينا عليهم بس انا من وجهت نظري اذا مطنشج وموعاملج حساب يعني ازعلج بيزه والمره الذكيه اللي تعرف شلون تجيبين راسه من ناحيه اكرفه اخليه يعوف السفره اطلعها من جبده من الطلبات مثلا عطني فلوس بروح اوجب وحده والده ماعندي حتي لو انتي موظفه ثانيا اذا شفتيه طالع ومستانس دقي عليه سوي روحج بتموتين من عوار راسج ومن هالحركات واذا عندج اعيال قولي فلان رجع خنوديه الطبيب واذا رحتي الطبيب قطي الدويات بالزباله او خشيهم قولي مااكل من بره مطعم وماراح يصير فيه شي يعني باختصار اكره حياته بدون مايحس ههههههه واذا علي الزعل قطيه ورا ظهرج ولاتهتمين فديتج

 

[جادل سبيع]

لا تعطينه اكبر من حجمه انتي معطيته وجه بزياده اهتمي بنفسك حبيبتي وطنشي وارتاحي وراك ولاده استغلي هالايام بالتجهيز مو فيه..انتي ماتعطينه مجال يسال عن اخبارك كل شيء اتقولينله اول باول خليه يفقدك وايحس ابمكانك مو وراه وراه.

 

[[[ عيون جابر ]]]

الله يهديييه بس
انا اقول حاولي تحقرينه وشيلي نفسج عنه واهو الي بيلزق وقتها فيج

 

[نشيج الروح]

طنشي فيه ولا تتصلين عليه لا طلع ولا رد .... ولا تقطين روحج عليه .... عيشي حياتج بكل معانيها واستانسي .... بس لازم تقعدين على يوم تقولين له هذا يوم المصارحة .... وليما تصارحيينه لا تبينين له أنج ميته عليه ... بيني له بس أنج تبين مصلحته...
والله يوووووووووفقج

 

[اميره1980]

اختي المفروض ان اهو اللي مسافر و يتصل مو انتي
و انتي الحامل و لازم يتطمن عليج
هذي نتيجه الركض ورا الريال و الحنه عليه