انا اكتر ودة صريفة بس لما بدي وفر بوفر شوفي كيف من الخردة جمعت 20 دينار بثلاث أسابيع
1-اول شي كل ما يكون معي حتى لو 1 فلس بحطه بحصالة حديد ولما بفتقر بفتحها بلاقي فيها من 5-20 دينار وكل ما كان معي فراطة مثلا 50 ربع حتى لو دينار بحطهم فيها بس بحالتك انت حطي و لا تفتحيها غير لما تشوفيها تقلت منيييح
2- انا اذا معي بطاقة البنك بنغري اسحب فشو عملت كل مبلغ بدي وفروا عطيته للبابا يحطه عنده و ما اللي دعوة فيه بنساه ونشكر الله عملت هيك لانوا كذا مرة اجتني دفعة لا على البال و لا الخاطر و تورطت فاخدت من فلوس اللي عند بابا ودفعتهم
3- عم حاول ما اصرف كتير بالدوام يعني اخذ الماي و الغدا من البيت لحد ما اوصل البيت و اتغدى و باكل من برة بس بعطل نهاية الاسبوع
4- انا مدمنة شوبينغ فصرت شو اعمل اشتري من المحلات اللي بتقبل ترجيع الملابس و استلام قيمتهم النقدية اذا ما عجبتني قطعة او بنزل اول مرة مصفرة لحتى شوف السوق واذا عجبتني قطعة بحطا براسي وبصبر لتاني يوم اذا فعلا محتاجتها و رح استفيد منها بنزل بشتريها
5- عم حاول استثمر كل اللي ادخرتوا ففكرت بس يصير معي مبلغ محترم حطه بصندوق كيبكو للتقاعد وبيضل ليومي الاسود و بيضل يزيد من هون مثلا لـ 15 سنة او لحد ما بدي اشتري شي مهم مثلا بيت او سيارة او افتح مصلحة اخذ منها دخل اضافي
6- اشتغلي بارت تايم 4 ساعات باليوم بتطلعيلك مبلغ براني ممكن توفريه لتشتري شي بيعجبك او تطلعي سفرة مع الاهل
7- استثمري وقتك اشغلي نفسك بشي مفيدمثلا قوي لغتك الانكليزية او الكومبيوتر او اتعلمي مهارة جديدة او ادخلي دورة رسم او شي بتحبيه .
هيدي نصائحي وتجاربي و ادعيلي اقدر ضل عهل الخطة لانوا جايتني دفعة بتقص الظهر ...
تحياتي ..
