ساعدوني شسويله

[ادريبكـ]

بسم الله الرحمن الرحيم

السلام عليكم بنات
*
انا ابي فزعتكم معاي تكفون مااستغني عنكم وعن افكاركم الحلوه*
زوجي قريب بيتخرج ومو عارفه شسوي وأبي اكون انا السباقه بكل شي قبل أهله وكل اللي بهنونه قولولي شسوي اسوي عشا ولا هديه وشنو نوع الهديه مخي مقفل مااعرف أهدي ريال متعوده على البنات ههههههه اسويله ليله خاصه بس مااعرف شلون يسونها غشيمه شوي علي تكفون ساعدوني فزعتكم*

 

[New_bride]

جهزي المكان اللي بتتجمعون فيه مثلا الصاله او المجلس

وحطي بالونات
و كيكه عليه صورته بلبس التخرج ومكتوب عليها عبارات
وجهزي طاوله فيها صحت تقديم الحلويات اللي يكون طبقات حطي كب كيك مناسب لهالمناسبه
و اطباق ثانيه ممكن سندويشات او شرايح فواكه مقطعه
تحطين شموع كبيره وحولها ورد
وطبعا ماننسى الهديه غلفيها بطريقه حلوه

في فالانستغرام او حتى لو تكتبين في قوقل تجهيز حفلات تخرج ممكن تشوفين الصور وتاخذين افكار

 

[مدّهره !]

وعليكم السلام والرحمه ..’


إن شااء الله يفيدوونك البنااات .’

 

[شيخة آلغيد]

مرحباا خيتوو ..
اول شي تفكرين فيه كشختج انتي حق هالمناسبه
وعقب هدية زوجج ,, ممكن تاخذين له مجموعة عطور من عطورات الجزيرة
وااايد ححلوه اذا عندكم فرع له ,, واذا المادة ماتسمح اخذي من عطور اجمل
اكيد عندكم فرع عندج عطر شادو من اجمل روووعه وعندهم عطور فرنسيه ب
رجاليه رووعه ,, وغلفيهاا وحطي معاها باكيت ورد واخذي له كيكه واكتبي عليها
الف مبروك التخرج .. وجهزي الفواله اذا كنتي شاطره بالطبخ
او استعيني بمحلات السويت يااكثرررهم

والحين تجهزين غرفتج وتغيرين المفارش ..

وخلاااص الامور سهالات بس جهزي قبلها بوقت عشان كل شي يكون تماام

واي سؤااال انا حاضر وبالشوفه

تحيااااتي لج

 

[فروحته]

اول شي حاول ترتبين البيت بطريقة هو يحبها
يعني نفس ما قالت اول وحدة ردت عليج
و بعدين فكري فالاكلآت الي اهوا يحبها
وجمعي الاهل و الناس الي اهوا يحبهم
و جيبي هدية مثلآ ساعة او عطر يحبه وانتي بعد تحبينه
سويله تي شيرت يكون عليه اسمه و شعار للتخرج
او طبعي على اكواب هالشي و حطيهم بالحفلة بس مادري ادا تحبينه
ادا تعرفين تصممين فيديو حطي فيه صوره و انشودة حق النخرج بيكون أحسن بيستانس
وانا مستعدة اساعدج و اسويلج فيديو للتخرج ادا ما تعرفين<< ادا وافقتي دزيلي مسج عالخاص
او إنج تشوفين ناس متخصصة بهالمجال اهما يسوونه لج
وربي يسعدج و ان شاء الله تقدرين تسعدينه يا رب و تكونين السباقة

 

[فروحته]

إي و نسيت اقولج اختاري فستان اهوا يحبه او على دوق
و خلي غرفتكم بشكل حلو ورومنسي و شموع و اضواء
يعني ومن هالاشياء عشان يستانس أكتر
موفقة

 

[امـ خــزامـى]

الله يوفقكم


ومبارك التخرج مقدما وربي يرزققكم ماتمنون ويهنيكم


الافكااار كثييييره واغلبها متشابهه بس بلمساااتك تكووون خاصه فيك


اولا انت احسبيها الحفله والبوفيه والهديه اذا بتكلفك مبلغ كبير

انصحك تختصرين هالخبه كللها

وتكون هديتك سفره لدبي تستانسون وتقضون وقت خاص فيكم
واكيد محتاجينه

 

[فوفو22]

التخرج فرحه عامه

اعملي له عشا وتجمع عايلي

فوفو

 

[سندس 90]

الف مبرووك التخرج وربي يووفقه

وان شالله البنات يفيدونج

 

[Smchoocha]

ضيفي هالاكاونت بالانستغرام اذا عندج baloonzgreeting
عندهم بالونات حق التخرج وايد كشخه و ذربه
و اخذيله كيكه على كاب التخرج او على شكل التخصص اللي متخرج منه
و عشا و عزمي العايله
و لا تنسين كشختج بالعشا و بليل
و مبروك التخرج

 

[ماكدونلز]

البنات ما قصروا