ساعدوني شريت قطوه

[FAlmutairi]

قوه بنات شلونكم شخباركم ؟
بناات بلييز ابي مساعدتكم .. توني شريت قطوه قبل 4 ايام الريال قالي عمرها شهرين و 10 ايام بس شكلها كبيره يعني تحت ال4 اشهر .. حاطه صورتها بالرمزيه قولولي شنو نوعها
و عندي جم سؤال
1- اي نوع دراي فود و المعلب اشتريلها ؟ ( تاكل الحين Friskies (adult & kittens) بس ابي اشكل لها لول )
2- اذا ابيها تمتن شنو اوكلها ؟
3- ابي اعودها على اكل البيت شلون ؟ ( لان مو كل يوم اقدر اروح اشتريها L )
4- متى تبلغ ! .. مادري شفيها 24 ساعه مياو و مياو وصوتها رايح وتعطس غير عن اول مايت ..
لا وديتها البيطري بس يطعمها ولا اقوله يعطيها شي محدد ؟ وبس مشكوريييين اتمنى تردون ما تسحبون ادري طولت بس خايفه لانها بذمتي !!

 

[TasneemJD]

أنا ما اعرف وايد حق القطاوه بس جنها ٢-٣ اشهر، وديها الطبيب يفحصها و بقولج جم عمرها و حاولي اتطعمينها اب اسرع وقت.
موفقه ان شاء الله و تتربى ابعزج لوووول

 

[اربيلا]

قطوتج فيها ثلاث شهور ونص وبالنسبه للاكل دراي فود بس وجبه الغدا معلب واحلى شي يكون وسكس وفريسكس وايد حلو وبالنسبه انه اشتري كميه بالبيت وحطيها عشان مو كل يوم بالجمعيه واذا على اكل البيت حطيلها صدر دياي مسلوق وقطعيه لها وتاكله وبالنسبه للتسمين انا قطوتي بطوط كنت اسويلها اعطيها فيتامينات وفاتح الشهيه وإعطيها " 4 " وجبات في اليوم وكنت اخلط مع الدياي جزر وبطاط وراح تمتن انشالله وبالنسبه انها تعطس وايد يمكن الارض بارده عليها او مكيفكم حيل بارد ديري بالج لا تاخذ برد وتمرض وبعدين ترجع خففي مكيف بيتكم وبالنسبه للبلوغ يكون في عمر ال ٩ لي السنه
اتمنى اني فدتج ويعطيني العافيه 

 

[اربيلا]

اي نسيت لا رحتي البيطري شرحي له الحاله وقولي له كل شي انها تعطس وتقول مياو مياو واهو يقرر ويطعمها واذا اظافرها طوال يقصهم
ويمكن اهي تموء مستغربه المكان وبعدين راح تتعود كل القطاوه جذي لكن انتي خليج عندها على طول ولعبيها ومسكيها عشان تتعود عليج بسرعه وتحبج*

 

[رتبه دبلوماسيه]

اب اب ماقصرو البنات معاج

 

[رتبه دبلوماسيه]

اب اب ماقصرو البنات معاجج

 

[aoky kaito kid]

- اي نوع دراي فود و المعلب اشتريلها ؟ ( تاكل الحين Friskies (adult & kittens) بس ابي اشكل لها لول ) عطيها دياي مفيوح بس يكون مطبوخ عدل و عطيها تونه و انا ماعطيهم قطاوتي دراي فود
2- اذا ابيها تمتن شنو اوكلها ؟ قطوتي اوكلها ككاو تموت عليه
4- متى تبلغ ! .. مادري شفيها 24 ساعه مياو و مياو وصوتها رايح وتعطس غير عن اول مايت .. بنت 7 شهور و صبي 8 شهور

 

[VET-Nour]

بس عندي ملآحظه ,,
آلعضوه Aoky Kaito Kid , ما يصير تعطين قطوتج ككآو , يضرهآ ,
و هذا موضوع عن خبرتي بالقطآوه
http://www.q8yat.com/t905971.html
يعني كل تجآربي أو أشيآ عن القطأوه فيهآ دشي و اقري ,
​