ساعدوني:سالت بنتي تحبين ماما قامت تبجي بحزن شديد

[بنت الديرة2009]

تكفون ساااااعدوني

بنتي قطعت قلبي

اول شي

انا حاليا بامريكا صار لي 3 شهور ونص

وعندي بنتين وولد

بالكويت

طول الأسبوع عند خالتي((ام زوجي))

وخميس وجمعة وسبت عند امي

في يوم من الايام...

كلمت بنتي الكبيرة ((5سنوات))

قلت لها تحبين ماما

قالت اي

قلت وايد ولا شوية؟؟؟

قامت تبجي بجي يقطع القلب

قالت ماما انا ابيج متى تردين

والله وانا قاعدة اكلمها ابجي معاها

وقلت لها انشالله راح ارجع

على فكرة

انا موجودة بامريكا بسبب ظروف علاج ولدي الصغير

بس ليش بجت لما سالتها تحبين ماما ولا لا

والله من يومها وانا نفسيتي تعبانة وابي ارجع اليوم قبل باجر

بس ليش بجت لما سالتها

والمشكلة انها تبجي بجي يقطع القلب كأن فيها شي

ساعدوني و ريحو قلبي

الله يريح قلوبكم
.................................................. ......

 

[{الجارحه}]

انا بجيت عسى الله يخليها لج
ويردج سالمه

 

[غلاتي ♥ الكويت]

لا حبيبتي لا تخافين ولا تحاتينها دام انها عند امج
اكيد اهي ما بجت الا واهي مشتاقتلج
ووما يشوف شر ولدج وانشالله ترجعون لنا سالمين غانمين
وتشوفين بنتج اللي عورت قلبج وقلبي ... الله يخليها لج انشالله

 

[سعودية!!!]

ياقلبي قطعتي لي قلبي انا بكييييت اكيد مشتاقة لك...الله يجمعكم ع خير ...

 

[Australia girl]

بعد عمري مشتاقه لج الله يشافي ولدج ويردكم لبعض

 

[بــ زايد ــنت]

الله يصبرج على فراق عيالج

والله يشافي ولدج

حبيبتي والله شكلج اول مره بتعدين عنها

 

[مناير البيت]

ياعمري انا تاثرت

حبيبتي اكيد بنتج مشتاقتلج ,,

هذا اللي بجاها ريحي بالج والله يردج سالمه غانمة انتي وولدج

 

[بنت الديرة2009]

يسلمووووووووو على الردووووووود

اي والله انا اول مرة ابعد عن عيالي

الله يردني لهم انشالله

 

[الحالمه]

الله بشافي ولدج
وتطمني بنتج مشتاقه لج بس

الله يجمعكم باقرب وقت بالصحة والعافيه

 

[بنت الديرة2009]

شكرا اختي

الحالمة

يمكن فعلا البنت مشتاقة وولهانة

الله يردني لهم انشالله

 

[مغتربة 2006]

يا حياتي انا بجيت بعد
طبيعي اهيا بنت صغيره محتاجه لج يمها بس شتسوين الظروف
انا لما كان عمري 12 سنه وامي تسافر كنت اسوي مناحه فما بالج بنت صغيره
ما عليج الله يسهل عليج وتردين لها سالمه غانمه

 

[بنت الديرة2009]

تسلمييييييييين عالمروووووور

اختي
مغتربة 2006

الحمدلله كلمتها اليوم ونفسيتها احسن وااااااايد

دعواتكم معانا

 

[* بنت المطر *]

سالي امج وخالتج عنها اذا فيه شي مضايقها ؟؟؟ ووصيهم عليها حيل

بعدين ساليها مره ثانيه بس قبلها ونسيها قوليلها شريتلج وشريتلج اشيا حلوه واذكريها كم شغله تحبها

بعدين ساليها بطريقه ثانيه : قوليلها احد مضايقج ؟؟ وان شالله مافيها الا العافيه .

والله يردج ويردنا بالسلامه

 

[بنت الديرة2009]

مشكوووووووورة اختي

كويتيه باستراليا

وانا الحمدلله كلمتها ونفسيتها كانت وااااااايد احسن.........

 

[الدنيا حلوة]

بعد هذي سوالف البنات
البنت حساسه ومدامهم عند امج وعند خالتج لا تحاتينهم كلش ترى ما عز من الولد الا ولد الولد معروف هذا المثل والديرة بخير وانشاء الله ما كو شي بس اكيد اهيا مشتاقتلج ولا شي بس حاولي انج ما تكلمينها علشان لا تشتاقلج يعني كلميها بس شويه مو وايد ولمن تكلمينها قوليلها انا احبج وااااايد وشريتلح لعبه حلوة ونفنوف حلو بيبلج ياه وبس بعد لا تكلمينها بشي ثاني ووصي امج وخالتج عليهم وبس ما كو الا العافيه واللله يشافي اوليدج ويرجعج لديرتج عند اهلج وعيالج يارب

 

[بنت الديرة2009]

بعد هذي سوالف البنات
البنت حساسه ومدامهم عند امج وعند خالتج لا تحاتينهم كلش ترى ما عز من الولد الا ولد الولد معروف هذا المثل والديرة بخير وانشاء الله ما كو شي بس اكيد اهيا مشتاقتلج ولا شي بس حاولي انج ما تكلمينها علشان لا تشتاقلج يعني كلميها بس شويه مو وايد ولمن تكلمينها قوليلها انا احبج وااااايد وشريتلح لعبه حلوة ونفنوف حلو بيبلج ياه وبس بعد لا تكلمينها بشي ثاني ووصي امج وخالتج عليهم وبس ما كو الا العافيه واللله يشافي اوليدج ويرجعج لديرتج عند اهلج وعيالج يارب

يسلمووووووووو عالمشاااااركة والمروووووور بالموضوع

 

[om mishaal]

بنتك صغيرة 5 سنوات طفلة وأكيد لما سألتيها حست بشوق كبير
ما يفهمون الأطفال بهذا العمر انه انتي تركتيهم لشي ضروري
هم يفهمون انك تركتيهم وبس وهالشي يحرق قلبهم الله يسلمهم
إن شاء الله يشفى ولدك الصغير وترجعون بالسلامة للكويت وتفرحين مع عيالك
بالتوفيق إن شاء الله

 

[بنت الديرة2009]

بنتك صغيرة 5 سنوات طفلة وأكيد لما سألتيها حست بشوق كبير
ما يفهمون الأطفال بهذا العمر انه انتي تركتيهم لشي ضروري
هم يفهمون انك تركتيهم وبس وهالشي يحرق قلبهم الله يسلمهم
إن شاء الله يشفى ولدك الصغير وترجعون بالسلامة للكويت وتفرحين مع عيالك
بالتوفيق إن شاء الله

تسلمين اختي ام مشاعل عالمرور والمشاركة

وان شالله ارجع لهم باسرع وقت

 

[Dalo3a in Texas]

لا تخافين البنات حساسات شوي

على قولت البنات دايما قوليلها شريتلج وسويتلج

وعادي والله لا تحاتين سهالات ان شالله

والله يردج لهم بسلامه وليدج ان شالله

 

[shayom al-q]

امبييييييييييي قطعتي قلبي بنتج :eh_s(2):
الله يخليها لج يارب ولا يحرمكم من بعض ولا تحاتين ما فيها الا العافيه بس تلقينها ولهت عليج وصج مثل ما قالوا البنات البنت حساسه وبسرعه تبجي
بس انتي لما تكلمينها لا تعورين قلبها حاولي تضحكينها كثر ما تقدرين قولي لها شنو بتشترين لها وشنو سوت
حاولي تنسينها
واذا رديتي بالسلامه طمنينا عليج امانه
حافظكم ربي