ساعدوني ربي يفرج همكم وهمي

[وحيده قصب عني]

بنات الله يخليكم قولوا لي شنو اللي قاعد يصير وياي

انا من فتره فحصت عتد دكتورتي وقالت لي عندج قرحه في الرحم لانه كانه عندي افرازات وقالت لازم تسوين كي بالتبريد

وسويته شهر خمسه اللي طاف بس خلال الشهر ماعطتني ولا مضاد او تحاميل ومنعتني من الجماع لمدة شهر و اخر شي من الشهر عطتني 3 تحاميل البوثيل اعتقد نسيت اسمهم وقالت اذا جت الدوره ونظفتي تعالي افحص لج القرحه واشوفها

رحت لها وفحصتني بعد الدوره قالت راحت القرحه بس فيج رطوبه من داخل قلت لها مو انتي قلتي الكي يوخر كل شي
المهم قالت لي اذا جت الدوره مره ثانيه في اخر ايامها حطي تحاميل البيتادين

الحين انا تنزل عندي افرازات لونها اصفر بس مو وايد ومالها ريحه ولا عندي حكه
شنو معناتها وشنو اسوي والحمل مافيه الحين
انصحوني جزاكم الله خير​

 

[حبي زوجي فديته]

والله مادري بس حبيت ادعيلج ربي يقرج همج اامين

 

[روعه الأحساس]

اختي علاجك عند حريم الطب الشعبي احسن لك من الأطباء نصيحه روحي امرخي عند حرمه وإلا إذا ماتبين مرخ اكلي أدويه الدوره والله يابنات أنتوا مادري ليش ماتنضفون ارحامكم بالأدويه الشعبيه وإذا نفعت ماتضر وإذا تبين وحده تبيع أدويه تنظف الأرحام دزيلي مسج على الخاص وادزه لك والله يعين

 

[عــود كمــبودي]

ماعندي فكره وعسا الله يرزقج يااارب

 

[حلمي الأمومة]

لازم تاكليين اعشاب وقت الدورة


لهوم وحسو وطبيخة روحي حق الحريم الحواجات يعطونج

واكلي عدل ايام الدورة وخلي مع كل وجبه شوربة حطي معاها حلبة وفلفل اسود

وعليج بالمرة طحنيها مع شوية محلب وعنزروت من العطار خلطيهم مع بعض ومع فنجال القهوة حطي شوي وتقهوي واذا ما تشربيين قهوة نقعي ملعقة كبيرة من هالخلطة مع بطل ماي
وشربية منه شوي بس خليه دافي الماي

الصبح تمر مع رشاد زييين انظف الارحام تنظيف

وماتشوفيين شر انتي يبلج اهتمام وقت الدورة

 

[Miss.tota]

اختي علاجك عند حريم الطب الشعبي احسن لك من الأطباء نصيحه روحي امرخي عند حرمه وإلا إذا ماتبين مرخ اكلي أدويه الدوره والله يابنات أنتوا مادري ليش ماتنضفون ارحامكم بالأدويه الشعبيه وإذا نفعت ماتضر وإذا تبين وحده تبيع أدويه تنظف الأرحام دزيلي مسج على الخاص وادزه لك والله يعين

صح كلامج انا مثل راايج احنا من بلغنا واحنا نستخدم ادوية الدورة والاعشااب والحمدالله بعد الزواج لا مشاكل رطوبه ولا تاخر حمل الحمدالله انا انصحها تروح عند مره تعالجها قبل ما يلعبون فيها الدكاتره

عسى ربي يشاافيج ويرزقج ويرزق كل محروومه الذرية الصالحه بقرب وقت

 

[الريشة]

ليش ما تجربين تتبخرين عشان تروح الرطوبة اللي فيج
انا قريت من البنات انهم يتبخرون بشاي أخضر أو كمون مع مرّة.

 

[مربى و قيمر]

الله يرزقج ويشفيج ماعندى فكره

 

[تل السكر]

استخدمي اللهوم والحسو وقت الدوره وبعد العصيده يعني كانج نفاس وشربي المرقدوش مثل الشاي يوميا حتى بعد الدوره
وسوي غسول من قشر رمان ومره وغسلي فيه ينشف
والله يشفيج والحمد الله

 

[شمخانيه]

خليك مع دكتورتك
هذي شكلها فاهمه وتبي تتدرج معاك
مو ماديه وعطتك منشطات

 

[غلا عيوني]

ااااااااااااااااااااب لعيونج والله يرزقج ان شالله

 

[إبشر بعزك]

الله يسهل امورج وبرزقج الذريه الصالحه

 

[دآنة آلرشآيده]

الله يشافيج
بس بنصحج روحي لـ مرآه تمرخج
والله يرزقج عآجل غير آجل وتبشرينآ بحمآلج

 

[وحيده قصب عني]

اشكركم بنات من كل قلبي
الله يفرج همومكم وهمومي

الحين طرأ بالموضوع شي جديد
جاني عوار برحمي من يومين ورحت سويت سونار وصدموني احمد الله واشكره على كل شي
طلع غندي كيسين على رحمي من ناحية اليمين كيس دم وكيس ماي
بنات شسوي الحين انا سويت عند دكتور مصطفى بدار الشفاء وقالي لازم عملية منظار وبنج كامل انصحوووني
انا بروح عند دكتور محمد قطب عشان اتأكد قبل لااسوي اي شي

اللي عندها خبر بمثل حالتي ياليت تفيدني​

 

[الريشة]

أحسن لك روحي حق الدكتور محمد قطب و تأكدي من كلامه قبل لا تسوين أي شيء

 

[مشغول وشاغلنى]

نفس كلام اختي { الريشه }

والله يقومج بالسلامه ويشفيج وتحملين بعد العلاج علي طول

وطمنينا عليج حبيبتي