ساعدوني ...خلال هالاسبوع

[سديم111]

السلام عليكم ورحمة الله وبركاته ..............

انا راح اغير اصباغ غرفتي هالاسبوع ان شاء الله .....وابي صباغ حلو وياليت يكون من درجات البنفسجي لاني وااايدد احب هاللون

ياليت تقترحون علي كيف يكون الصباغ وايش الالوان اللي تمشي مع البنفسجي بس ابي درجات فاتحه شوي لان غرفتي صغيروووونه نوعا ما ...فساعدوني باسرع وقت

ملاحظة ...ترى انا خريجة جامعة وعمري 24يعني كبيرة خخخخ لاتقترحون علي الوان وردي وفوشي وزرق واصفر ههههههههههههههههه


انتظر الردود اللي بتنورالموضوع ان شاء الله

 

[نور مغليها]

آهم شي الملآآآآحظه لووول ..
بالنسبه لشنو تحطين وما شنو اي صبآغ او شركة اصباغ تتعاملين وياهم و تجيبينه يسوي الغرفه وستآيلهآ .. بيجيب ويآه أشكَآل وصور وإنتي تختارين فـ إختآري الي يعجبج ....
آما بالنسبه للألوآن دآمج تبين بنفسجي حطي ويآه أوف وآآيت
أو خلي الاسآس اوف وآآيت بَس اللون يكون فآتح ومآيل للبيج ودخلي علييه البنفسسسجي
​

 

[القلم المبدع]

مافي حل الا اني اصوور لك غرفتي
هههههههههههههههههه

برررررب لي عوووده

 

[لمسة حنية]

حبيبتي انا ماانصحج ان تصبغين الغرفة بنفسجي اولا لان من الالوان اللي تجلب الكآبه وثانيا ماهو لون عملي
تقدرين تحطينه بطقم السرير او السجاد وممكن تدخلينه بالصبغ بشكل بسيط جدا اتمنى مايكون كلامي ضايقج وعقبال يارب ماتصبغين غرفة بنومج في بيت ريلج آآمين

 

[القلم المبدع]

شووفي غرفتي



تقريبآ نفس اللون اللي تبغيه

 

[سديم111]

جزاكم الله خير
كللللكم ماقصرتوا وارحب بجميع الاقتراحات والآراء بجميع شكالها

اختي القلم المبدع
جزاك الله خيرعالمجهود وغرفتك ماشاء الله روعه بس لون الصباغ غامق جدا


نورمغليها
جزاك الله خيرعالافاده ومشكووووره



لمسة حنيه
مشكووورة وصاادقه بكل كلمه قلتيها وانا اقتنعت بشكل مبدئي برايك وشكلي راح اعتمده
وجزاك الله خيرعالدعوة ويارب يستجيب دعوتك ودعواتنا اجمعيين

 

[momoqatar]

أختى أنا أقترح عليج أنج تصبغين الثلاث جهات بلونج المفضل وبالدرجة اللي تحبينها ويفضل تكون أفتح درجة
وجهة وحده اللي راح يكون فيها راس السرير تكون بدرجة أغمج بطريقة الأفيكت - اللي هي ضربات من الدرجة الأغمق على اللون الأفتح الأساس
أو تختارين ورق جدران يكون بلون مقارب للون الأساسي لباقي الجدران أو مثلا خطوط طوليه بدرجات اللون
راح تكون النتيجة روعه
الله يوفقج

 

[سديم111]

مشكووورة اختي
جزاك الله خيرعالاقتراح الاكثر من روووعه
بعد حطيت اقتراحك من ضمن الاختيارات اللي راح اعتمدها

 

[الشيخة@]

اخوي دخل الفضي مع البنفسجي طلع روعه

 

[ورود كويتيه]

قوه ياحلوه ..... :eh_s(17):

شرايج ...؟
روعه :rerrerek:



شي :rerrerek: ..



شرايكم .. :eh_s(8):

 

[سديم111]

هلا خواتي الله يقويكم

مشكوووورة ماقصرتوا صراحة كتبت الموضوع وانا مشتته ماعندي فكره
بس الحين بعداقتراحاتكم تكونت عندي افكار من اللي ذكرتوها وراح اعتمد وحده منها بحول الله

من جد ماني عارفه كييف اشكركم

جزاكم الله خير

وبعد اللي عندها اقتراحات تذكرها هنا ان شا الله نستفيد ونفيد منها

 

[سديم111]

هلا خواتي الله يقويكم

مشكوووورة ماقصرتوا صراحة كتبت الموضوع وانا مشتته ماعندي فكره
بس الحين بعداقتراحاتكم تكونت عندي افكار من اللي ذكرتوها وراح اعتمد وحده منها بحول الله

من جد ماني عارفه كييف اشكركم

جزاكم الله خير

وبعد اللي عندها اقتراحات تذكرها هنا ان شا الله نستفيد ونفيد منها

 

[المصممة رورو]

اخر صوره ماهي بنفسجي بس شوفي الديكور كيف وانتى اذا حابه خليها بنفسجي
وانشالله اكون افدتك حبيبتى

موووووفقه
​