ساعدوني(حامل ومعاي التهاب شنييع بالمهبل ينزل من المهبل صديد ودم ابي اعشاب واشياطبيعيه

[برنسيسة2007]

السلام عليكم
بنات ساعدوني معاي التهاب عوااااار بالمهبل لدرجة ينزل دم وصديد والدكتوره قالت هالدم من فتحة المهبل مو من الرحم

وعطتني حبوب مظاد وكريم خارجي وغسول خارجي وقالت ما اقدر اعطيج تحاميل او اي شي ثاني

بنات تكفووون في شي طبيعي اشربه او استخدمه

وتتوقعون المضاد بشافيني ان شا الله؟؟؟!
لانًاذكر قبل لا احمل لمى التهب ماينفع الا التحاميل واللي مخوفني انها الحين شنيييعه اقوى من اي مره

 

[<<الأميره>>]

التزمي بعلاجج وارقي حالج
وتوكلي على الله
ولاتستخدمين اعشاب انتي حامل ويمكن تضرج
لاسمح الله

 

[اخت خالتهم]

التزمي معاها لان الاعشاب اللي اعرفه تنظف الرحم واخاف تضرج
لو مو حامل جان نصحنا باعشاب معينه

 

[Potato]

حبيبتي اللتزمي بعلاج الدكتوره و كثري ماي و غيري ملابسج الداخليه كل شوي و يستحسن ما تلبسينه علشان تتهوى المنطقه و دايم نشفيها

 

[جوجوحبي]

غسلي بماي وملح
و نقعي مره وخليها غسول لج كل مره تشطفي فيها

باذن الله تفيدج

 

[RO0O7Y KUWAITYA]

غسلي بمره وبابونج وملح ولافندر

وكملي علاجج

 

[حشمه]

حبيبتي التهابج على كلامج قوي ليش تلعبين بنفسج

سمعي كلام الدكتوره واخذي المضاد وغسلي بالغسول

لاتجربين اي شي ثاني ولما يخف الالتهاب راجعي مره

ثانيه وكلميها عن التحاميل تعطيج ولا لا

لاتجربين اي شي مو من دكتوره دامج حامل

 

[حبيبي مالكني]

من صجج اي اعشاب واي خرابيط
انتي حامل
يعني لازم تاخذين علاج ما يضر الجنين
روحي حق دكتورة امراض نساء وولادة تعطيج علاج يناسب حالتج الصحية

 

[حرمه المصون]

الله يشافيج يارب
كثري ماي وروب واستمري على العلاج

 

[حرمه المصون]

الله يشافيج يارب
كثري ماي وروب واستمري على العلاج

 

[Mrs.H]

اعشاب لا..

بس عندج عصير التوت البري اللي يكون شكله مدور جنه عنب -مو اللي نفس التوت الاسود- .. هذا زين للالتهابات والروب يوميا

والاهم كثري ماي ولبسي قطن وسيع وماتشوفين شر الله يحفظج

 

[خاشعة للرحمن]

الله يشأفيح ئاقلبي والاعشاب مؤ زينة لإنج حامل خلج على إلي عطتج إياه الدكتورة

 

[7opyq8]

نفس اللي صار معاي التزمي بالمضاد وكثري ماي بس لاتشربينه دفعه وحده لا وزعيه ع اليوم كله لان الماي دفعه وحده يجرح المثانه هذا اللي فهمته من الدكتوره عشان جذي ينزل دم والله يشافيج

 

[احساس نادر]

اشربي مره مرتين باليوم انا كان فيني التهاب حاد شربت المره راااح الحمدلله بدون ادويه وخرابيط انتي كملي على ادويتج واشربي مره وصدقيني بترتاحين

 

[ام الحلوااات]

اللـــه يــشــفــيـــج

 

[M!SS.LOBY]

الله يشفيج