ساعدوني جزاكم الله خير @ شرايكم بالدكتورة منال السيد ؟@

[mony1981]

السلام عليكم ..

بنات انا بدش بالموضوعها على طول انا صارلي سنه وللحين ماحملت ورحت حق دكتورة فوزية وما ارتحت لها ماكان عندها اهتمام كلش وبمعني ضليت اعالج عندها لمدة 9 اشهر ورحت غيرت الدكتوره اسمها منال السيد في الشعب التخصصي ورحت سويت عندها تلقيح صناعي وماضبطت حبيت اسأل عن الدكتورة اذا سامعين عنها ما ادري قاعدة افكر اغيرها .... ابي استشارتكم وياريت تفيدوني ومشكورين

 

[غنوة ستايل]

انا لي 3 سنين وما في حمل اراجع في الهادي وع مالت عليهم
بطوا جبدي بالكيلوميد و الخرابيط مالتهم
الحين قاعده راحه حالفه ما اعالج 3 شهور متتاليه و الحين انا بالشهر الثاني من الراحه
بعدين ابي اروح الراشد يقولون في دكتور مصري هناك وايد زين

 

[أم _ أيون]

حبيبتي د مهجة البدر زينة وايد وشاطرة وقديمة وخبرة روحيلها الله يوفقج ان شالله وتحملين

 

[توت عنكبوت]

مركز العرف بالجهرا وبس الدكتور شاطر حده

 

[Swan]

الدكتورة منال السيد كانت في طيبه كلينك
والله اهيه ممتازة انا مجربتها
خوش دكتورة

 

[Hello_kitty]

والله مو سامعة فيها


بس نصيحة استخيري قبل لا تروحين عند اي دكتور او دكتور

واله يكتبلج اللي فيه الخير يارب

 

[كويتيه مذهله 87]

حبيبتي
والله مو سامعه عنهااا حطي اسمهاا بقوقل يمكن تشوفين مواضيع عنهاااا
انا كنت ارجع عند د فوزيه القطان بس عند د ريم صافي ما ارتحتلهاا وااايد


والحين اراجع عند د ناهده العلي ااامبيه تهبببببببببببببل حنونه وتاخذ وقتج كله لو تقعد معاج لي باجر عندهااا عادي واحسهاا فاهمه كل شي

 

[mony1981]

تصدقون بنات ضيعت وضحكت على عمري اسم الدكتورة منال زهدي ماعليه ضيعت بينهم والله تعبنا من الكلوميد والابر قضضتنا الله كريم ...