ساعدوني تكفون تعبت نظراتهم لي

[جلكسيه عسل]

مدري اشلون ابدا بامشكلتي بس القصه ومافيها اني انا تقدملي رجل متزوج ومناسب لعمري

وبعد ماشافني النظره الشرعيه وبعد استخاره الحمد لله ارتحت له كثير برغم انه طلب تاخر الحمل ووافقت بس لاني ابي افرح امي وابوي بزواجي لانهم شايلين همي كثير حتى المهر كان اقل من القليل وقلت عادي اهم شي اخلاق الرجل وانا بطبعي قنوووعه جدا وماتهمني المظاهر المهم انهم اتفقوا على انهم يجونا يوم الاربعاء ويجيبون الشبكه بس نفس اليوم اعتذروا بانه مسافر ضروري عشان مرض عمه واذا رجع يجونا بعدها مر اسبوع ولاجا منهم خبر بعدها دق صديق الرجال الي دله علينا ويقول والله مارجع من سفره وجواله مقفل اذا رجع بخليه يتصل عليكم طبعا بنات انا حسيت انه هون وما يبون يقولون احس موقفي صار يفشل قدام اهلي وزوجات اخواني الي كانوا مستبعدين اني اتزوج وتغيرت معاملاتهم لي لما تقدم لي بس انا ما اهتميت لهم بس الي شايله همه اللحين شماتتهم فيني ونظراتهم الي تذبح قلولي يابنات وش اسوي والله اني تعبت نفسيا احس مالي حظ بالفرح نهائيا الله كريم
تكفون بنات ابي رايكم هل تتوقعون هون خلاص واذا هون وش اسوي احس اني مالي وجه اقابل احد

 

[ޢޢޢإيمانޢޢޢะۣۨ>]

حبيبتي كل شي خيره من رب العالمين
إلتمسي له العذر وصبري شوي
وإذا كان فعلاً مغيّر رايه ف هو الخسران
الله يوفقج ويكتب لج الخير ​

 

[ليه الجفآ]

ياابنت احمد ربــج​

شنو متزوج ...؟ ومايبي اعيال ومهر قليل .. صج موماديه الشغله.. بس انتي بنت ومالاازم ينقصج بشي​

عساس تفرحين امج وابوج .. تقطين رووحج ليـــش ..؟!​

حبيبتي هذي اصلا من رحمة ربــج لــج يوم استخرتي ..​

مااحس انه زواج صحيح بهشروط نهائي ..​

راجعي نفسج حتى وان ررررررد .. اوزنيها براســج وردي استخيري ..​

ليش مايبي عيال .. ؟؟!!! شنو يشرط اصلا هشرط .. حده يفشل .. شنو ماخذ بنت الحموله للوناسه​

فتره وباي باي ... مايصير يشرط هشي ...؟ اعوذ بالله .. لو هشي انتي اللي تبيه بدون اي شرط منه يمكن​

بس اهو ليه ..؟!!​

نصيحه استخيري ..​

ويمكن ربج رحمج وعطاج على قد نيتج .. احسن ماباجر تتزوجين .. فتره وسمله عليج تطلقين ..​

هذا زواج مو لعبه ولازم يقوم على القناعه وبشكل الصحيح .. موووو لاتجيبين اعيال ..؟!​

ليش متزوجه بالله .. تلبسني وتوووكلني ..؟؟؟!!!!!

استغفرالله العظيم​

..​

 

[انونا]

حبيتي ميخالف طوفيهم وكشتي فيهم

وتاكدي خيره فيما اختاره الله

اهم شي وثقي بنفسج ليش شنو ناقصج الي علشان لا تتزوجين

والله في بنات جياكر وحالتهم حاله واتزوجوا وجوفيهم بعد الزواج
وفي بنات متان وانا وحده منهم تزوجت سبحان الله زوجي يحب المتينه خطبني واهو عارف هالشي ويبيه
وفي بنات كبار يتزوجون وبالعكس في ناس يبيونهم لان يحسونهم انضجوا واعقلوا
حبيبتي لا طيحين من قدرج وثقي من نفسج ومالج شغل فيهم

 

[Uou0Uo]

انا مع ليه الجفا البنت تظل بنت لو توصل ١٠٠ سنة والمفروض ماتوافقين ع هالشروط البنت عمرها بالانجاب محدود والا متى التضحيات وابوك وامك عسى الله يخليهم صدقيني مو عجزانين عنك لا تخلين الناس تشفق ع المهم حصل خير والكل يتمناك ولا يهمك احد واللي بيتشمت شماته له وبترجع ع شيليهم من راسك وكل الناس ومنهم زوجات اخوانك لمن يشوفونك قوية ومؤمنة بالقضاء والقدر ومحسسه نفسك ان ماحصل نصيب كلهم بتتغير نفسيتهم علليك للاحسن كل واحد يشوف نفسة عدل كمان الناس تشوفة عدل واللي عكس الناس تشوفة عكس باختصار الناس تشوفنا بعيوننا اللي موجود بعيوننا عن انفسنا الناس تشوفة ولايهمك احد ولاتنزل منك ولادمعة ولاتحزنين صدقيني خيرة بغيتي تروحين فيها من هالزواج

 

[khawla&tito]

ربي يرزقج باللي احسن منه يارب

 

[سيكلوجيه]

اختي يمكن خيره لج صدقيني ليش ترضين بهالوضع ان شاءالله ربي يعوضج بالاحسن

وانتي جدامهم سوي نفسج انج مرتاحة وقولي خيره يارب لاني استخرت واحس مرتاحة لاتخافين ولا تحاتين واعلم لو ان الامه اجتمعت على ان ينفوك بشيء لن ينفعوك الا بشيء قد كتبه الله عليك ولو اجتمعوا على ان يضروك بشيء لن يضروك الا بشيء قد كتبه الله عليك رفعت الاقلام وجفت اصحف ،،، خلاص هالحديث يريحج من كل هم

وانا نصيحة لج لو رد هالريال لا توافقين علي لان واضح من استخارتج ان خيره انج ماتوافقين.

 

[اشلون يعني &]

هذا شر وانزاح
بطقاق راح ماراح
آنتي تزوجتي والا ماتزوجتي بتصرين انتي

اذا ماشفتي انج كنز وفوق الكل راح يدوسج التافهه والمترديه
من زين حريم اخوانج وعيشتهم
ثقي انهم بيحسدونج على نمط عيشتج لانه الانسان طماع حبيبتي عينهم
على الغير فما بالج حاسدينج على. حياتج ورفاهيتج وحتى لو بينوا انهم مرتاحات

 

[معزوفة عشق&]

شوفي حبيبتي حطي ببالك انك لو بتدققي لكلام الناس راح تتعبين نفسك عالفاضي
الناس لا يعجبهم العجب ولا الصيام برجب ,خلي كلامهم ورى ظهرك ويا جبل لا يهزك ريح ^_^
واي احد يسالك قولي الحمد لله ربي كاتب لي الخير وانا راضيه باللي ربي قاسمه لي .. مافي انسان يمووت الا وياخذ رزقه
وهذا الصدق انتي استخيري اككثر من مرا وادعي ربي يبشرك بالخير وارضي باللي مكتوب لك ي قلببي ..
تفائلي واحسسني الظن بالله وياارب تبشرينا بتمام الخطبه والملكه

 

[جلكسيه عسل]

حبيبتي كل شي خيره من رب العالمين

إلتمسي له العذر وصبري شوي
وإذا كان فعلاً مغيّر رايه ف هو الخسران

الله يوفقج ويكتب لج الخير ​

والله صادقه يمكن خيره من الله تسلمين يالغاليه والله كلامك هون علي كثيير

الله يسعدك ويوفقك

 

[جلكسيه عسل]

ياابنت احمد ربــج​

شنو متزوج ...؟ ومايبي اعيال ومهر قليل .. صج موماديه الشغله.. بس انتي بنت ومالاازم ينقصج بشي​

عساس تفرحين امج وابوج .. تقطين رووحج ليـــش ..؟!​

حبيبتي هذي اصلا من رحمة ربــج لــج يوم استخرتي ..​

مااحس انه زواج صحيح بهشروط نهائي ..​

راجعي نفسج حتى وان ررررررد .. اوزنيها براســج وردي استخيري ..​

ليش مايبي عيال .. ؟؟!!! شنو يشرط اصلا هشرط .. حده يفشل .. شنو ماخذ بنت الحموله للوناسه​

فتره وباي باي ... مايصير يشرط هشي ...؟ اعوذ بالله .. لو هشي انتي اللي تبيه بدون اي شرط منه يمكن​

بس اهو ليه ..؟!!​

نصيحه استخيري ..​

ويمكن ربج رحمج وعطاج على قد نيتج .. احسن ماباجر تتزوجين .. فتره وسمله عليج تطلقين ..​

هذا زواج مو لعبه ولازم يقوم على القناعه وبشكل الصحيح .. موووو لاتجيبين اعيال ..؟!​

ليش متزوجه بالله .. تلبسني وتوووكلني ..؟؟؟!!!!!​

استغفرالله العظيم​

..​

الله يسعدك والله ان كلامك هذا ما سمعته من اختي ولاحتى كلمه نصح قالتها لي الله يريح بالك

ويوفقك مثل ماريحتيني والله انك صدقتي بكل كلمه قلتيها وفعلا انا حسيت بالفشله من طلبه

بخصوص تاخر الحمل لثلاث سنين بس قالت انا الي في وضعي مو من حقها ترفض او تقبل

لاني بصراحه عمري 28 سنه ووزني فوق الميه حاليا وتوقعت ان فرصي بالزواج كل مالها تقل

بس والله العظيم بعد كلامك حمدت ربي وشكرته اكيد الله صرفه عني لحكمه منه

الله يجعل كل كلمه قلتيها في موازين اعمالك ويسعدك دنيا واخره

 

[جلكسيه عسل]

حبيتي ميخالف طوفيهم وكشتي فيهم

وتاكدي خيره فيما اختاره الله

اهم شي وثقي بنفسج ليش شنو ناقصج الي علشان لا تتزوجين

والله في بنات جياكر وحالتهم حاله واتزوجوا وجوفيهم بعد الزواج
وفي بنات متان وانا وحده منهم تزوجت سبحان الله زوجي يحب المتينه خطبني واهو عارف هالشي ويبيه
وفي بنات كبار يتزوجون وبالعكس في ناس يبيونهم لان يحسونهم انضجوا واعقلوا
حبيبتي لا طيحين من قدرج وثقي من نفسج ومالج شغل فيهم

وهذا الي بسويه بطنشهم كلهم ومثل ماقلتي خيره من الله

وصدقني والله ان المتن اهو السبب الي خلاني ما اتردد بالموافقه لان المتان فرص زواجهم قليله

مرره وفي نفس الوقت صار عمري اللحين 28 سنه بس الحمد لله على كل حال والله بيعوضني

صدقتي ووالله بكل كلمه قلتيها
الله يسعدك ويوفقك ويسخرلك زوجك مثل ما ريحتيني بكلامك والله انكم اكثر من خوات

 

[Patcholli]

خيره لج

اشتبين بواحد متزوج وعنده عيال ..

لاتبنين بيت على حساب خراب بيت عمري

والله يعوضج بريال زين واحسن من هالفلسفجي .. حمدالله والشكر ليش كل هالفلم غير رايه ماله داعي كل هالافلام ومسافر وخطه مسكر :/ حسبالهم الناس هنود ؟؟

 

[((غلاي))]

الله يكتب الي فيه الخير
صلي ربج و ادعي
و لاتنسين الاستغفار

الله يرزقج يارب و بالي احسن منه

 

[سكوتي بذوقي]

متزوج وشرط عليكِ تأجلين الحمل

هذا يبي يتمتع بس فتره وبعدين يطلقك

لو هو قد المسئوليه عن زوجه ثانيه مافرض هذا الشرط

رحمه من ربي إنهم ماجاو إن شاء الله ربي بيعوضك باللي احسن منه

انتي حاولي تسوين رجيم وتخففين من وزنك

بإعتقادك السمينه ماتتزوج ياكثر السمان اللي اشوفهم وتزوجو

هذا نصيب ومكتوب من الله سبحانه إذا لك نصيب

راح تتزوجين

الله يسعدك ويرزقك بالزوج الصالح يارب

 

[فطوم السعوديه]

عورتي قلبي وهالحركه سخيفه جدا من الرجال

يجون يتفرجون وفجاه يكشتون ويسحبون خير ؟؟ بنات الناس لعبه ؟


بعدين ياقلبي ياروحي انتي توك صغيره ترى خرعتيني توقعت عمرك 35 وفوق

طلعتي 28 وبتاخذين متزوج ومعيل؟

ادعي ربك ان يرزقك زوج صالح تقي نقي اعزب كريم الخلق

واذا ربي كاتبه لك بتاخذينه غصب عن الكون كله واذا مولك فالحمدلله رب العالمين

هو ربك وخالقك واعلم بحالك واللي يستاهلك


لايضيق صدرك كثير معرضين لمثل هالمواقف والاحراجات وش يسوي الواحد يكتمها بالقلب ويبتسم كذب ويقول عادي
ماصار شي قسمه ونصيب



الله يوفقك ويوفق بنات المسلمين يارب

 

[pinkoosha]

اختي ممكن سؤال ،، جم عمرج ؟
راح ارد عليج على حسب عمرج

 

[جيلان الصحرا]

اختي حمدي ربج انه هون ..

ريال متزوج ..اكيد مرتبط في بيته وزوجته واسرته ارتباط نفسي كبير ..وممكن بعد سفره هدأت نفسه وخف عنه الثقل ورجع للاسرته واستقراره .

وكثير سمعنا بنات تزوجوا متزوج وكم سنه وتطلقت ...ورجع لاسرته وتركها .

ولا تهتمين لنظراتهم تجاهليها .

 

[متيمة بالشعر]

​

صبري .. و كل تأخيره وفيها خيره ,
وإذا فعلا هون .. ,
ما هي مصيبه !!
و حريم اخوانج خليهم يقولون اللي يقولونه , بيتـشمتون بيـشوفونها !!
لا تقهرين نفسج ,
كل شي قسمة ونصيب .. سواء كان من نصيبج هالرجال ولالا .. ,
هو نصيب بالنهاية , الله كاتبه لج او مو كاتبه ,
فلا تحطين في بالج كلام اهلج و حريم اخوانج , لان اذا فكرتي شنو بتقول هاذي وشقالت هذيج
راح تتعبين و تنهارين !
و انتي ما تقدرين تقطين نفسج على الناس وغصب اخطبوني !!
خلج واثقه من نفسج و على طبيعتج واللي يبيج راح يدل بيتكم ,

ــــــــ
و الله يفرح قلبج و يرزقج بالزوج الصالح , ​

 

[هدوووشه]

خييييييييييييييييييييره

والله يزرقك يارب