ساعدوني تعبت والله :(

[أورآق الصفصآف]

السلام عليكم و رحمة الله
بنات أنا عمري 21سنه وغير متزوجه ومعاي القولون من خمس سنوات
ومشكلتي إنه بأول رمضان اللي طاف قبل الدوره الشهريه بجم يوم كنت بالحمام عزكم الله وانا عندي امساك وآسفه ع الكلام لكن كنت احاول اخرج لأن تعبت وفجأه حسيت شي انتفخ منطقة تحت السره البطن المهم طوفت هالشي لأن خفت حزتها وبعدها جم يوم نزلت شوي الدوره وقعدت معاي قريب 15يوم لأول مره تصير فيني جذي بس 11يوم تنزل دوره خفيفه يعني نقط وتروح أما الاربع الايام الباقيه نزلت طبيعي المهم ومن هذا اليوم لي اليوم والانتفاخ لازال موووجود ومسبب لي أزمه وغازات قويه انا علئ طول عندي غازات لكن زايده علي و ساعات معاي امساك يمتد لي اربع ايام وساعات عادي لكن الغريب في الموضوع إنه ماتحت السره الانتفاخ ماراح واحس بآلام احيانا والانتفاخ يكون زايد في الجهه اليمنئ وعلما إني شايله الدوده الزايده من كنت صغيره واحس الانتفاخ من منطقة البطن تحت السره لي منطقة الرحم واحسهم صلبين واحس الغازات واصله لي الرحم ومنفخه ولمن أشرب شي حار مثل زنجبيل او لبن وثوم أو مثل هالشغلات احس برطوبه او تعرق بمنطقة الرحم ونسيت أقولكم صارلي جم يوم معاي حكه بالمنطقه الحساسه والمنطقه اللي ورا وشوي منطقة الافخاذ وكان في المنطقه الحساسه انتفاخ وترهل من الحك وخذيت ادويه علاج من مستوصف وخفت شوي لكن للحين فيه حكه شنو مشكلتي ساعدوني الله يخليكم

 

[ملكةجمال]

حبيبتي ما لج حل إلا مختصة و ضرووووووووري تروحين تفحصج يا أمي إنتي .. الجسم يعطي الإنسان تنبيهات علشان يدبر عمره و هالغازات مو الطبيعية أكيد في شي وراها اسم الله عليج لازم طبيبة تشوفج لا تسكتين و تحاتين و تعانين لي متى؟؟؟ حرام جسمجله حق عليج لا تعانين يا عمري و روحي حتى لو للمستشفيات الحكومية و دشي طوارىء علشان الإهتمام أو العيادات الخارجية المهم تروحين. أنا مرة قلبي عورني لا أقدر أتنفس إلا بصعوبة و يذبحني العطس و لا أقدر أنام كنت أنام قاعدة و ألف فوطة حول رقبتي علشان لا أتعب و أبجي قلت أكيد تضخم و العياذ بالله أو شي جايد و لما حطيت حد لمعاناتي و خوفي بروحتي لطبيبة قالت معاج برودة و عطتني مرهم أدلك المنطقة فيه و بعدها بثلاث أيام تقريبا تحسنت تدريجيا و صار ماضي فلا تسكتين و روحي أللللللحييييييين. راح أتابعج. موفقة.

 

[سلاسل الذهب]

ما تشوفين شر حبيبتي لازم تروحين الطبيب اهوه يشخص حالتج ويعطيج العلاج المناسب لا تتركين نفسج وان شالله شي بسيط اجر وعافيه

 

[Huda alotaibi]

نفس مشكلتي تبين ترتاحين

حليب مبستر ونتيجه رائعه هذا واحد
ثنين حبوب الفحم

اثنينهم تنظيف البطن رائع جدا
حاولي تكونين قريبه من الحمام
للاستجابه الفوريه

وماتشوفين شر

 

[M!SS.LOBY]

ما تشوفين شر ان شاءالله