ساعدوني تعبت تعبت

[Ms.lool]

السلام عليكم
بنات انا بشهرري الثالث وتعببت من النساااة
مااني عارفه شسوي انقطعت عن الناس
وفوق هذا اقرب الناس منج يتشرهوون !!
نفسيتي تعبت كلش بس ابجي
و حبوب اوندا اخذها ماتسويلي شي !!!
ماحس بفرق
حلجي كله مر ولايعه جبدي وكله الكلينكس وياي

تعبببببت

 

[ديانا سبنسر]

الله يعينج الناس مالج شغل فيهم. اهم شي راحتج كلها شهر وترتفع نساتج

 

[أنفاسي دخون]

كثري استغفار يرتاح بالش فديتش وماعليش من كلام الناس الزم ما عليش صحتش ونفسيتش هالفتره وفتره وتعدي ان شاء الله

 

[RoDriGueziYa]

هانت ما بقا شي حطي في بالج جم يوم بس وبترد عافيتج شوي شوي حاولي تطلعين طلعات مريحه اماكن تحبينها هاديه ما فيها روايح قويه عشان نفسيتج تتعدل شوي شوي

الله يهونها عليج ويتمم على خير يا رب

 

[sosowaty]

و عليكم السلام

اصلا النساه واللوعه دليل ع ان حملج سليم والحمدلله و هانت من تدشين الرابع تنسين كل شي

 

[Ms.lool]

ماقصرتو والله بنات يزاكم الله خير اتمنى صج شوي وتروح النساة احس اني هلكت

 

[ام الحلوااات]

اللــــه يـــعـــيــنــــج حــــبــيــبــتـــــي

 

[ظبية بوظبي]

اذا ترجعين مالج الا تجيبين بسكوت دايجست بنكه الزنجبيل
واول ما تقومين من نومج قبل لا تطلعين من السرير اكلي البسكوت خليه عالكميدينو
والاكل لا تكثرين كلي الوجبات بس على خفيف عشان لا تغثيج
والحين الجو حلو تقدرين لو تقعدين فالحوش او حتى السطح قعدي وارتاحي بروحج
وخذيلج كتاب يعدل مزاجج
ولاتفكرين فالموضوع كثبر طنشي وعادي تقبلي الوضع وتذكري انه مؤقت وحالج حال الحوامل

وشوفيلج ناس تونسج وتضحكج >> ارتاح لما اضحك

 

[قَلبڪْ صًخرْ]

شكو يتشرهون ؟؟؟
طاف بس اهم شي مصلحتج
وكلها جم يوم ويخف عنج
انا نفسج كنت بس اشرب
سوائل وتلوع جبدي منهم مرات
وترجيع وبرمضان
شنسوي نتحمل
الله بس يتمم علينا

 

[دلال و غلا]

حبيبتي هااانت ما بقى شي
مجرد تدخلين شهرج الرابع بتروح النساة

 

[يؤ !!]

مالهم حق يتشرهون طبيعي حامل بالاشهر الاولى تمر بمراحل متعبه

 

[كويتية^_^كول]

مثل ماقالاو الخوات انشالله تدشين الرابع وتروح النساه ومالج شغل بناس طاف اهم شي رااااااااااحتج وسلاااااامتج،، عليج بعلج البان زين للوعه وللجنين واذا تقدرين بعد اكلي سفرجل
انا كنت عشان لاتلوع جبدي كلا كنت أنام
عادي حبيبتي فتره وتعدي وانشالله بعدها تنسين النساه وتصيرين أحلا كروشه ؛)

 

[*ضيفة*]

الله يهونها عليك وعلى كل حامل
انا بنص الثامن وللحين الترجيع واللوعة بس طبعا اخف من قبل بوايد وللحين اخذ حبوب اللوعة ما اقدر بدونهم بس كله يهون وقت ما تفكرين بالبيبي وسلامته

 

[virgo88]

الله يسهل عليج كلها فتره بسيطه وتروح النساة انشالله

 

[Ms.lool]

ماقصرتو خواتي
بجرب الاشياء اللي قلتولي عنها ويارب ينفع
الله يهوون علينا ياررب

 

[aloooya]

نفس حالتي الله يعينج