ساعدوني بنتي وتعليم الحمام وانتو بكرامه

[ipink]

ابي تجاربكم يا امهات بنتي اسمالله عليها عمرها سنتين ونص ومستوعبه وفاهمه سالفه الحمام بس المشكلهرعيزت معاهها تعااند وايد ماتبي تروح ماراقدر عليها كل نص ساعه مرات يكونرفيها تقول وعل ما نرصكظ لي الحمام وانتو بكرامه تقول سويت واي شي لزقت ستكرز ككا،و شريت لعبه اللي تروحرالحمام مره وحده مشا معاها وبعدين ردترتعاند مافيني مافيني وما اقدر اوديها الصراحه انا باجازه وبعلمها قبل الشتا بس شلون مو قادره عل عنادهاا بالحضانه يدربونها بس لازم اكمل عليها بالبيت شلون اخليها تتجاوب ما ادري ابي تجاربكم

 

[jaaanooo]

والله نفس مشكلتي .... اسم الله عليها ونفس العمر بعد .. اقولها ليش ما قلتلي قبل لا تسوينها بالبامبرز تسكت .. وبعد ما تسويها تخلص تقول ماما انا سويت ... لاعت جبدي والحضانة قاعدين يعلمونها بس الحجية مو راضية .. والمشكله بيت اهلي كله زل يعنيما اقتدر اتركها من غير بامبرز عشان تتعلم ...

 

[نـــــورة]

نفس المعاناة.... بنتي ذكية ماشالله عليها ونبهه ... بس ماتحب روحة الحمام ! ودايم مشغولة اما بلعب او كتابه او مع اخوها يعني الحمام اخر اولوياتها!!!

من قبل رمضان وانا اعلم فيها بس مافي فايدة لازم كل ربع ساعة اوديها الحمام اذا نسيت وماوديتها الحمام تصلحها على نفسها

تخيلي الى الان نفس الوضع

التطور الوحيد.................. انها صارت تمسك نفسها يعني كل ساعين صرت اوديها الحمام

غير كذا مافي يعني لنا الان تقريبا شهرين ونص تعتبر مدة طويله ولاتطلب الحمام ولاتروح الا انا اوديها......الله يعين بس

بس انصحك اختي لاتعصبين عليها ولا تطقينها ولاتصارخين عليها ...

ودائما كرري عليها .... اذا تبين تصلحين ؟؟؟؟ وين تروحين وان شالله تبرمج شوي شوي

الجنة تحت اقدام الامهات مو من شي هين ولازم نكون قدها

 

[donutoo]

ipink
اهليييييييييييييييييييييييين هلا حبيبتي شلونج؟ ذكرتيني انا كنت معاج بتجمع يونيو
وترى ابشرج نفس الحالة مع بنتي والله العظيم
ميننتني بهالسالفة ما بقى طريقة ما بقى اسلوب صار لي على هالحالة من شهر 5 تخيلي وللحين تعااااند وما تدش الحمام
وكل ما قلت لها تقول مافيني واهي عزج الله تارسة الحفاظة
امس ابوها شرا ماكينة الحلاو اللي تحطين فلوس يطلع لج علج حطيتها عند باب الحمام وقلت لها كل ما دشيتي لج حلاوة
بيني وبينج مو هذيج النتائج المرجوة بس بكمل على هالسالفة اليوم وانشالله خير

وانا بعد حامل بالتاسع ومافيني شدة اشيل عمري تخيلي العذاب لما اسحبها بالغصب واتعافر معاها علشان تدش الحمام
ودي تتعلم قبل لا اولد ما فيني شدة تغيير حفاظتين

 

[jaaanooo]

ههههههههههههههههه والله يهالنا يضحكووون صج عليهم سوالف ياربي مخلين امورهم على البركة ههه وقت ما يبوون والأذيه لنا .. امس اقوله بس خلاص رحميني صار فيني ربو من ورا البامبرز مالج ... تضحك

 

[توته شيطونه]

صج صج زهقت. وأنا بعد عند أهلي كل شوى تسويها مليت وطقت جبدى منها

 

[ريكاتو]

البامبرز من ياهل لي الثاني يفرق انا بنتي الكبيره سمالله عليها من كان عمرها سنه ونص كانت تروح الحمامبس ما قطعته الا بعد ما صار عمرها سنتين بس هم يننتني وخصوصا باليل والحمدلله نجحنا والحين صارت كبيره اما ولدي عمره سنتين ونص مو قادره عليه اذا فصخه وقعته مستحيل يسوي اي شي واذا انحصر يقول بسرعه غسليني ما فيني شي بس يلبس البامبرز يسويها
واما نمبر 2 داهيه اذا جكيته يقول لالالا هذا طوط ومن يخلص يستعبط يقول اف فيه ريحه خايسه طبعا اهو اللي مخيس عمره وصج مو عارفه شالحل معاه

 

[أم نواف غير]

تري علي حسب الياهل

 

[donutoo]

الله يهديهم يننونا الله يصلحهم
انا احس بنتي عقدتها الحمام جني بوديها غرفة الاعدام يا ساتر

 

[الـفـجـر الـبـعـيـد]

امبيييه نفس الوضع ولدي كبر بنتج سنتين وسبع شهور

ولدي ما يكره الحمام بالعكس يستانس يلعب بالماي

بس قعدت اربع شهور وانا باجازة حاولت اعلمه كل خمس

دقايق نوديه الحمام بس مافي فايده هم يسويها على نفسه

ولا نطلع من الحمام الا مسويها دمر لنا البيييييييت

يأست وقلت انطر يكمل 3سنين مابقى شي حسيته مو مستعد

لأنه ولد حماتي وبنت ولد عم زوجي 3 سنين يالله تعلموا على الحمام

واختي الكبيرة تقول عيالها من قبل سنتين تعلمهم ويتعلمون

وبنت رفيجتي كبر ولدي من سنتين تعلمت على الحمام حتى بالليل

فتفرق من ياهل لي ياهل

 

[مهوسة بالزين]

اانا بنتى عمرها سنتين و4شهور وعلمتها قبل 6شهور صج تعبت معها لكن الحمدلله الحين اوكى تعلمت

بس أهم شي تقطين االبامبرز ولا تلبسينها حتى باليل وترا اذا قطيت

البامبرزورديت لبستيها ثاني مرة مستحيل تتعلم واذا تعلمت بتتبول بالليل خوذيها قاعدة

وحاولي أنت تدخلين معها وتصبرين عليها لان بالبداية بتتعبين واذا عندك صغير اختها 4او5سنوات خليها تدخل معها لان بتقلدها

أنا اللى ساعدنى بدايتها تدخل مع أختها 7سنوات وتقلدها والحمدلله وترا البنت أذكى من الولد وتتعلم بسرعة والله يوفقك ياقلبي

 

[نارنج الوادي]

نفـــــــــــــــــــــس الحالة نريد حل

 

[zntoosha]

واااااي نفس معاناتي
بنتي اسم الله عليها عمرها سنتين و٩شهور و مو راضيه تتعلم عالحمام
البسها سروال تعليمي تبجي ابي بامبررررررررررررز
البسها سروال عادي القطن ماتبي تحس نفسها مو مرتاحه وماتعرف تمشي فيه
دونتوو والله خو فكره هذي مالت الحصاله مالت العلج بنتي تموت عليها شكلي بجرب معاها
اهم اسم الله عليهم يقدرون يتحكمون فيها بس مادري ليش العناد ياربي هههههههههههه

 

[manoolita]

الله يعينكم يا امهات صج مرحله صعبه ويبيلها صبر و طولت باااااااااااال ​

 

[shak!shoka]

عيل انا شاده حيلي الظاهر مبجر !!
ولدي عمره سنه و تسع شهور و مناشبته حرام احس اهو الي لاعت جبده ههههه
كل ساعتين اقوله حمام يروح يوقف عند الباب مستسلم و منغث امبيه ضميري انبني
عبالي الحين يعلمون ؟؟

ماباجي شي و اولد ومابي اتعب

 

[jawaa]

لووووووووول انتم السابقون ونحن اللاحقون أنا بالحقكم عقب سنه ولدي توه ٩ اشهر

 

[ميرور]

الحمدلله حصلت ناس تواسيني هههههه

نفس حالتج وشاده حيليييييي قبل الشتا ،،، لحد مايأست ورجعت اللبسها البامبرررز

تعبت كل شوي تبديييل ،،، مع اني اللبسها تريننغ بانتي بس بعد توصخ نفسها ،،،


المشكله بنتي لو يالسه وياي في البيت مجابلتني كل شوي باخذها الحمام بس لانه في بيت حمولتي كل شوي ناطه عندهم
وتسويها هناك وترجع ههههه

لحد مامليت وقلت يلا لازم بيي يوم بتعرف الحمام خلص صبري

 

[e7nayyeena]

يختي والله

الله يخليها لكم

الصراحه ماعندي فكرة نهائيا بهالموضوع

أن شاءالله يفييدونج البنوتات

 

[donutoo]

ويبقى الأمل ....

امس حدها نرفزتني بغيت افصل عليها طق بس ما قدرت
حتى لما توصخ حفاظتها ما ترضى ابدلها عادي تبي تقعد بخياسها

لما شافتني حدي عصبت جان تقول خلاص ماما لا تطقيني اهني خقيت والله نزلت مني دمعة لا اراديا
قلت معقولة يا ربي مرة شكبري مافيني صبر على ياهل ام سنتين !! جان المها واقولها خلاص ماما حبيبتي اذا تحبيني دشي معاي الحمام ودشت بدلت حسيت اني كسرت خاطرها بس بعدين كملت حياتها طبيعي لي اخر اليوم ما رضت تدش الحمام وهواش على ما بدلت الحفاظة

ويبقى الأمل ...

 

[donutoo]

هااا بنات محد عنده حل مجرب وفعال ؟؟
للحين انا وبنتي صراع نفسي وجسدي
الله يهديها