ساعدوني بنتي والاسهال الحاد والله تعبت

[أحلى عيون]

السلام عليكم اخواتي


بنات عفيه منو عندها خبره في علاج بنتي

عمرها 3 اشهر و10 ايام من جبتها شربوها المستشفي سيميلاك ادفانس لعب في بنتي لعب تكرمون اسهال وابدا لها كل دقيقه ملابسها كامله وديتها الطبيب غير لي حليبها سيميلاك كمفورت ارتحت شهر وبعدها رجع عليها الاسهال مره ثانيه


رحت لطبيب خاص سيد شمساه الي في العنايه الالمانيه قالي بنتج ماينفعها الحليب البقري غيره لي علي حليب بيبي لاك الصويا

وعطاني دوا يوقف الاسهال ومقوي للشهيه


الحمدلله مشي معاها ممتاز


بعد شهر كانت بنتي الكبيره مريضه لوز وحراره باست اختها الصغيره وبعد 10 دقايق ولا ترتفع حرارتها بنتي ام ثلاث شهور وصارت تكرمون تسهل ومع الاسهال دم وريحته تكرمون الخروج تلوع الجبد

وديتها مستشفي الفروانيه يقولي هذا فايروس خليه يطلع من كيفه لا توقفينه


الحين لها اسبوعين علي هالحال والله تعبت لا تنام ولا ترتاح والجراره تروح وترجع لها


رجعتها مره ثانيه لدكتور شمساه وعطاني دوا ينظف الامعاء ودوا لتوقيف الاسهال والبودره الي تنحط في الماي

وقالي خخفي حليبها


المشكله انه غصب ومعركه تشرب الدوا والحليب ماتشربه اذا خفيف وانا اقعد اشربها تكرمون تنزل الحليب علي طول


الحين لي مسحت علي راسها ولقيته حار عرفت انها مخرجه

بس سؤالي منو صار لاحد من عيالها جذي اسهال مع خروج دم وشنو العلاج



والي ماتعرف ياليت ترفع الموضوع بدعوه عن غيب انه يشافي بنتي ويعافيها



وشكراااا

 

[برونزية رشيقة]

يحياااااتي 3 شهور .. واااااااااااي عورتي قلبي .. عسى الله يشافيها أخاف هذا شمساه مو زين؟؟؟

روحي أخذيها حق دكتور ثاني .. روحي مستشفى رويال حياة أطباء الأطفال شطار عندهم ..

لا تسكتين أكثر من جذي .. ترى الأسهال يطرد الفيتامينات والمعادن من الجسم وأخاف يؤثر عليها جسميا وعقليا وعلى نموها ككل بالمستقبل الله لا يقوله .

 

[أحلى عيون]

بعد عمري ماقصرتي


لا دكتور شمساه ممتاز بس البنت مادري شنو سالفتها قريت وايد عن حالتها بالنت كله يقولون فيها بكتيريا ومايروح الا بعد ١٤ يوم وعلاجه فقط السوائل

 

[G!RLooNa]

الاسهال ما ياثر لا على الفيتامينات و لا المعادن ولا ياثر بالنمو الجسمي و لا العقلي

اهم شي ان تاخذ سوائل وايد عشان تعوض و مايصير فيها جفاف هني الخطوره الجفاف عالياهل

و الاسهال صح احسن ما نوقفه عشان يطلع الفايرس من الجسم بس اذا صارله فوق الاسبوعين هني لازم دوا عشان يوقفه

بس شنو سبب الدم مع الخروج مادري والله وديها عند دكتور ثاني احسن

و الله يشافيها انشالله

 

[أحلى عيون]

عساج علي القوه اختي ويزاج الله خير



اي بوديها دكتور ثاني وبشوف وعسي ربي يشافيها ويعافيها


بالنسبه للدم والله مثلج محتاره

 

[دلوعة حبيبي]

حياتي حرام 3 شهور واهال قوي

لحقي عليها لايصير فيها جفاف حرام انا ولدي عمره 5 شهور صار في اسهال كنت كل دقيقه او 5 دقايق ابدله وصار في جفاف ونام بالمستشفى

بس نصيحه انا عمتي قالتلي سويله علج مر حطي بماي حار ونطري يبرد وخضيه لمه يصير االماي ابيض عطيها بابره والله وحده بوحده انا من عطيته ولدي الحمدلله راح من الاسهال

وبعدين اذا بنتج فيها حساسيه من حليب البقر نفس عيالي ليش تعطينها حليب الصويا ثقيل على المعده احنا الكبار ما نتحمله

انا اعطي عيالي حليب ha والحمدلله ماشي معاهم

 

[كريستال]

الله يشفيها ويارب تشوفينها عروس

لازم تعطينها محلول جفاف واا زاد عليها خل يحطون لها جلوكوز عشان ماتنقص الاملاح في جسمها ويصيدها جفاف بعيد الشر

انا بنتي صادها مثل بنتج لما كانت بيبي 3 -4 شهور ونيموها بالمستشفى وحطولها جلكوز

مادري اذا عندكم في الكويت مساده تمسدها هذي احسن شي فاد بنتي وحاسبي من الجفاف

 

[noynoy]

و الله مادرري انا بنتي 4 ايام حاشها اسهال قمت اعطيها مغذي و ادول (تحاميل) و الحمدالله تشافت بس اهيا سنه و نص اكبر من بنتج
الله يشفيها حبيبتي
و نصيحه اخذي سكند اوبينيون من دكتور ثاني لان سالفه الدم تخرع
حتى لو دكتورج شاطر بس جل من لا يسهو عشان يطمن قلبج

 

[دلع86]

والله ماعندي فكره

بس ماحبيت اطلع من غير ماقوول الله يشافيها ويخليها لج
جربي دكتور مصدق بدار الشفا واااايد زين

 

[ايطاليه]

الله يشافيها يارب

روحي رويال حياة دكاترتهم شطار وقوليلهم شصار فيها بالتفصيل

 

[أحلى عيون]

يزاكم الله خير وماتقصرون

 

[ديانا سبنسر]

شلون بنتج الحين ؟وقف عنها الاسهال ؟ وغيرتي الطبيب والالا ؟تكفين لاتسكتين عن الاسهال يسببلها جفاف تبين نصيحتي وديها الحكومة خل ينومونها ويلاحظونها والله يشفيها لج

 

[...الجوهرهـ...]

وديها للهادي اطفال زيينين دكاتره لاعطيت ولدي دواهم اليوم الثاني احين من قبله

 

[باقة ورد]

الدم سببه بكتيريا أنا صار مع بنتي جذي يوم شفت الدم مت خوف والطبيب سؤالها تحليل براز طلع فها بكتيريا وعدتها شراب لمدة عشر ايام والحمدلله صارت زينه بس بنتي عمرها سنه اسم الله علها

 

[ام شيخوه]

شوفي اختي بنتي اللحين صارلها اسبوعين تكرمين اسهال واليوم نزل دم مع الاسهال وديتها المستشفى فالولي يمكن فيها دود

سوينا تحاليل دم وبراز تكرمين طلع مافيها شي بس الدكتورة تقول الدود مايبين من اول تحليل مايبين الا بعد ثالث تحليل وعطوني لها موعد بعد ثلاث ايام

ونصيحة كثري لها سوائل وخصوصا ماي الاملاح اللي يعطونة وقت الاسهال

والله يشافيها

 

[ام علي الصراف]

الله يشافيها ان شاء الله انا بنتي اسم الله عليها كان عمرها سنة ونص وصار فيها اسهال مع دم وحرارة الدكتور سوا لها تحاليل دم وخروج وكان يطلع ما فيها شي وغير لي حليبها من بيبيجونيور الى بيبيلاك لحالات الاسهال وورقة مكتوب فيها شنو الاشياء الي تاكل وشنو ما تاكل بس تم معاها الاسهال وخفت عليها كلمت دكتورها دكتور رأفت رعد برويال حياة ممتاز و حجزنا غرفة ونامت ليلة اخذت مغذي 24 ساعة وتميت انا وابوها معاها وعقب ما طلعت بفترة تحسنت حالتها شوي شوي والحمدلله السالفة كانت فايروس لان التحاليل كانت كلها سليمة بس ضروري تسوين التحاليل وتتأكدين.

 

[*ريما*]

الله يشفيها