ساعدوني بنتي ماتحب تتلحف شنو الحل

[لهفة المشتاقه]

السلام عليكم


ووواي. بنتي. ماتحب تتحلف وربي تعذبت معاها

وغرفتي النوم بارده وهي عمرها سنه ومايصير

البسها ملابس وايد فيها صدر تختنق وربي تعبت

ودي احط اللي تتحط فوق السرير اللي جنها الستاره

لقيتها بسنتر بوينت طلعت صيفيه تكفون تكفون

تكفوووووووون ابي الحل كل وحده تقولي افكارها

 

[لهفة المشتاقه]

شدعوه ست بنات دخلو ولا وحده ردت

رفعو الموضوع

 

[noo7a]

لبسيها جيس النوم
صاير مثل الكنبل
تلقينه بسنتربوينت و مذركير و بروي
كل محلات اليهال

 

[نور الدنيا 88]

سكروا السنترال
او حطي دفاية

 

[ميس المشاعر]

اي صح لبسيها الكمبل لبس النوم مال اليهاال
جربيه معاها بمذركير واكثر محلات الاطفااال
الله يحفظهااا ما انصحج بالدفايه خطرة وانتو نايمين يطيح عليها شي الله لا يقوله

 

[اترجة]

أو حبيبتي وديها معاج السوق وخليها تختار كفر لحاف على شخصيتها المفضله بجذي يمكن تقتنع تنام فية .

 

[*peace*]

امبي كل مشاكل القسم موجوده ببنتي ههههههههه

انا بنتي ذبحتني بهالسالفه ترفس الكفر واهيا نايمه ماتبيه

بس لبسيها دلاغات وجم طويل ولاتحطين فراشها صوب الدريشه

 

[لهفة المشتاقه]

كنت البسها ملابس ودلاقات قالولي مو زين الدلاقات وهي نايمه

والملابس الوايد مو زينه للي في الصدر

الله يعطيكم العافيه بنات

 

[ام كوثر2007]

لا طبعا مو زين الدلاغات وهي نايمه .. يضر النظر بعيد الشر عنكم .


خففي لها لحافها يعني يمكن اللحاف اللى انتي حاطته كبير او ثقيل عليها عشان جذى تتضايق منه

ومثل ما قالو البنات روحي سيتي سنتر واخذيلها لحاف علي بارني او شي جذى او لحفيها بشرشف او البطاطين الخفيفه اللى علي اشكال ..


وخففو من السنترال ..

 

[غرور الريم]

انا عن نفسي البس عيالي دلاغات وهم صغاإار والحمدالله ماصارلهم شي
وانا بعد كل شوي لابشه دلاغ وماحسيت ان نظري خف احس الملوومه غلط
وحبيبتي بالنسبه لبنتج لبسيها دلاغ وكم طويل ولفي الكمبل عليها عدل وحطي الكمبل تحط ظهرها عدا
وماراح تتحرك و بنتج نفس عيالي بالضبط

 

[دلع86]

عندنا وعندج خير لوووول بنتي كانت جذي بس لمن كبرت علسنتين ونص قامت تتلحف وولدي الحين نفس الحاله
عاااادي لبسيها اندروير تحت البجامه

 

[كويتيه ذربه]

غطي السرير من فوق بكمبل بس صوب الجسم ولبسيها ملابس زينه لاتثقلين عشان لاتتاذى بالحركه
وخليها تتعود على كل جو اغلب اليهال جذي مايحبون يتلحفون
واذا كلش غيري كفرها يمكن اذا يبتيلها واحد يديد تحبه

 

[الوردة المكنونة]

حبيبتي انا بناتي جذي طريقتي احط اطراف الكمبل تحت الفراش ( المرتبه الاسفنج) وهذا احسن حل كثر ما يرافسون بالليل الكمبل ثابت

 

[ترف بابا]

انا ولدي كان جذي

بس شاف كليب بنت الشطورة على قناة الاطفال وقام يقلدها !!!!

الحل معاج ان اذا سريرها جوانبه عاليه اخذي بطانية ام نفرين وغطي السرير ..لان لما ينام الياهل ويتقلب اكيد

يوخر اللحاف ... ياحلو الكتاكيت لما يعاندون

 

[simone]

عيالي كلهم جي لين اليوم وباجر مافي فايدة
سعيد 3 سنين وللحين مايحب اللحاف بس هالايام اشوف اللحاف يتم عليه
اما عوشة مرافس يستوي عندها

 

[شيوم]

انا عيالي جذي شسوي كل ماحسيت بنفسي رحت لحفتهم ماكو حل غير جذي وكثرت الملابس مو زينه انا بالنسبه لي عيالي يحترون ويعرقون واهم نايمين وتري الدلاقات مو زينه لهم حاول كل ما تميتي تلحفينهم بعد شتسوين

 

[!الجادل الصعب!]

نفس المشكله معاي ولدي نفس ابوه يكره يتلحف من كان صغير
والحين عمره سنتين ..
الحل الي ناسبني البسه الافرولات الكامله من سنتر بوينت او مذركير
مع اني اوسوس بسبب انها مسكره عند الرجول بس ماتكون صاكه
حيل عليه ..!
المشكله بسم الله عليه لمايكبر شوي ماعاد في افرولات قياسه
مادري شسوي !!!!

 

[AVE.NJ]

انه بعد نفسج
بس قمت انوم ولدي يمي كل ماقطه لحفته
ادري غلط بس مليت كل ساع قايمه
ريحت راسي
بس انصحج توطين على التكيف

 

[أم راشد المطيري]

انا ولدي الحين سنة وشهرين ومن يوم ما ولدت ما يحب الكمبل كيفة

اهم شي اثقلة الملابس والبسة دلاغ

وحرام يقعد من النوم معرق

 

[صفاءء]

حبيبتي كل الاطفال جذي تقريبنا اختي كانت تاخذ شرشف ثقيل اوكمبل ثقيل تقطه على السرير كامل تلبس السرير كامل بس تلي شوي عشان لاتختنق وتلبس اطفالها بيجامه كم طويل و خلاص يكفي