ساعدوني بنتي عنيده جدا

[ماسكرا كويتيه]

سلام على جميع المشاركين
اعاني من اعناد بنتي الزايد .. عمرها 14 سنه وما شاء الله للحين ما تغيرت وهذا طبعها من الضغر
اهي رقم 4 من بين اخوانها .. بس هذي اطلعت جذي غير عنهم .. ما تحب تسمع اي امر مني وغير هذا امفشلتني بتصرفاتها بره البيت .. غيرت اسلوبي معاها .. بس ما فاد واهي عايشه في بيت الحمدالله راقي ونوفر لها طلباتها​

وحتى لو احرمها من اي شي اهي تحبه نفس الشي ..لا تبالي .
فيدوني الله يرحم والديكم .

 

[Tom ♥ Jerry]

,



بنتج في مرحله مراهقه و طبيعي الي قاعد تسويه
بس آهم شي تعاملينهآ عدل معآمله المراهقين ..
اقري عن هالمرحله عشان تعرفين شلون تتعاملين ويا بنتج
آو اذا حآبه تواصلي ويا دكاتره استشاريين مختصين بالتربيه

 

[srab11]

الله يهديهااا لج يارب
حاولي ترافجينها بهالعمر

نفس معاناتي مع بنتي عمرها ٣ سنين بس تحب تعاند وتعبت معاااهااا حيل مرات احسها تفهم مو جاهل بس ما ادري اشلون اتصرف معاها حاولت اكلمها اقصلها قصص تاخذ عبره منهم حاولت احرمها من شغلات تحبها ماكووو فايده العناااد راكبها وفيها اصيااااح لابجت مو طبيعي لازم اجي اراضيهااا ولا ماتسكت

 

[جذابه بنت ذيابه]

تقربي منها صيري لها الرفيجه

و مع الايام قوليلها كل شي يعجبني فيج الا عنادج وامدحيهااا حيل و ان شاء الله بتتغير

 

[ماسكرا كويتيه]

تسلمولي على المشاركه ونشاء الله باخذ بنصيحتكم .. والله يعيني على اعنادها ويهديها ويصلح حالها​

 

[على مودك]

الله يهدي بالها وبالك

سبحان الله وبحمده

 

[أم يزيد &سديم&]

الدعاء الدعاء الدعاء
اييييه
عليييج بالدعاء
ادعي رب الاكوان لحي عليه بالدعاء
استغفري كثيييييير لعلها تفرج من رب السماوات ورب الأرض خليه يسمع صوتج ناجيه
ألحي عليه
يستحي ان يرد يد عبده صفرا
وقال ربكم اعوني استجب لكم
ادعيه ان ربي يهدي بنتج وعيالج
ما كو مثل الدعاء والله عن تجربة

 

[ms_kakawa]

عآدي بنتج في مرحله آلمرآهقه ،
عآمليها معآمله آلمرآهقين ،
مو بآلحرمآن آو بآلطق آو بالزف ،
كوني رفيجتهآ ومتقربه لهآ ،​

 

[أحترت أعبر]

الله يهدي لك بنتك ويهدي بنتي ويصلح حالهم يارب

 

[قمر2012]

حبيبتي انا ١٦ وافهم شعور بنتج عدل لانه ثنتينا بسن المراهقهبنتج مو عنيده بس بهالمرحله مانحب احد يتحكم فينا حتى لو تبين مصلحتها لا تصارخين عليها لا تمنعينها من شي بالقوه والغصب لانه اذا مااقتنعت مستحيل تشيله من بالها و عادي تسويه من وراج اهم شي تحط في بالها انها سوته وانه محد قدر يوقفها و ترا انتي جذي تدمرينها خصوصا لما تقولين لها " لا- مافي- انا امج وادرى بمصلحتج- ماكو -كيفي" هالكلمات هذي هي سبب عنادها لانه بالعمر هذا نفكر برغباتنا و نبني لنا احلام ونكره اي شي يسد بوجهنا ويمنعنا من شي احنا نبيه مادري شلون اشرح لج شكثر مانحب احد يحط اوامر علينا
لانه حتى لو مانبي هالشي نصر ونعاند عليه الين ناخذه المهم انه سويناه و انا ماافختر بهالشي لكن مااقدر انكره لانه طبيعي فينا مهما عقلنا


نصيحتي لج
اذا تبين منها شي لا تعطينها اياه باسلوب امر حتى لو كان بسيط حاولي تطلبينه منها باسلوب ثاني
و لا تعاملينها جنها جاهل حسسيها دايما انها عاقله وانها قد مسؤليه نفسها و هالنقطه اهممممم شي لانه اذا حست بهالشي ماراح تسوي شي غلط من وراج و لا تسوي مشاكل
و لاتطقينها كلش اكره ماعندنا الطق والزف يخلي العناد والشيطان يصير ١٠٠٪
روحي لها باسلوب تفاهم وانه بنت مثلها ماتتوقعين انها تسوي جذي و الهيها بشغلات ثانيه و قوليلها لاتخليني ازعل عليج وصيري جنج رفيجتها اذا طقيتيها بتخاف منج و ماراح تقولج اي شي و تخش عليج كل شي وهذي اكبر مصيبه انتبهي لها
و حاولي الاشياء اللي تشوفينها بسيطه لاتمنعينها منها و لاتعقدينها كل شي لا لا لا مايصير
و قللي من اوقات الفراغ عندها لانه اذا زهقت اي شي تسويه
يعني طلعيها صيري حنونه معاها بوسيها احظنيها حسسيها بحنانج سوي لها مفاجئات ونسيها
اخر شي لا تفكرين ابدا باسلوب النصايح لانه من الحين اقولج بتقولج انزين و ماراح تطبق ولا شي من اللي نصحتيها فيه


وشغلات وايد الصراحه بس دام انها مشكله عناد هالشغلات اللي قلتها هي اللي بتفيدج و الله يوفقج

 

[دلوعة أبوهآ]

آلله يهدي بنتك ويرشدهآ للصوآب ..
سن مرآهقه ولآزم تتعاملين معها بذكآء ..

 

[Alias]

اقري كتاب مراهقون مزعجون لمصطفي ابو السعد

 

[حنين الفرح]

الله يهديها لج

وياحلو كلامج قمر الله يحفظج يارب

 

[Bloom]

ياليت تدخلين يوتيوب وتدورين على فديوات دكتور ابراهيم الخليفي عن التربيه والمراهقين

 

[فديت اثنينه بس]

نفس بنت اخوي ، امي الله يهديها دلعتها اكثر من اللزوم والحين عمرها اربع سنوات واللي فراسها بتسويه يعني بتسويه وما مقصرين فيها كف رايح وكف راد محد ما يضربها من عنادها

 

[طـيـف ♥!]

ماشاءلله كبري ههههههأي ونفس تصرفاتي لول

انا احس اني عنيدده مع امي ومااحب اسمع كلامها ولا اهتم وكله اسوي اشياء مااتحبههها وتزفني وصراححه مو مهتمتهه
واهي تعبت حتى استغفرلله تقولي عديمةة احساس انتي وتقول وتقول وانا مو مهتمه بس ليش والله افهم
بس اهي مو راضيهه تفهم ان تغيرننا الزمن تغير خلاص البنت تبي راحتهها ادري انج امهها بس خليها كيفها ماعليجج منهها راغبيها من بعيد
يمكن تكون ب نظرج قليله ادب بس انا متأكده ان هي بنظرهها زينهه


بس والله الزمن تغير والبنت مراهقه تبي وتبي تبي لا تقولين مو قاصره شي امبلا انا مو قاصرني ملابس واغراض انا ناقصني اهتمام ابي احد يفهمني لا تهاوشين خليها براحتهها خوو سوري بس والله ماادري انا اشوف انج تخلينها كيفها