ساعدوني بنتي تمر بحاله نفسيه صعبه

[اسيره2]

السلام عليكم ورحمة الله وبركاته

بنتي تمر بحاله نفسيه صعبه رافضه الاكل ورافضه النوم وطول اليوم تبجي وماتنام الا واهي منهاره وديتها المستشفى مرتين وحطولها درب وتنومت بالمبارك

بنتي عادت رابعه ابتدائي والحين رافضه تروح المدرسه ومن اييبلها طاري الدوام تبجي وتنهار واظطر اوديها المستشفى لانها حالتها تصير حيل صعبه بنتي صحتها على قدها وعقب باجر المفروض اداوم مادري شسويلها ووين اوديها بنتي ماشاء الله طويله اطول من عمرها وترفض تدرس ويه البنات لي رح يكونون اصغر او اقصر منها

انا طول الاجازه كنت اقنعها اني رح ادخلها معهد او مكان فيه بنات كبرها وانها مارح اداوم بمدرستها والحين انا متوهقه ومادري شسوي معاها


تكفون الي عندها اي حل ماتبخل علي

يعني اقدر اطلعها من المدرسه واوديها معهد او اي مكان غير مدرستها حتى لو مدرسه خاصه اي شي الا انها تعيد رابعه

 

[لذة شقاوه]

هلا حبيبتي ضروووري تقرين عليها سورة البقره والرقيه والمعوذات وحاولي تنقلينها مدرسه ثانيه وفهمي اخصائيه مدرستها اليديده انها تبلغ ابلاتها ما يحسسونها انها عايده السنه واتمنى اني فدتج

 

[linyy]

انقليها من مدرستها لان واضع انها تعقدت من شوفة رفيجاتها سبقوها بالدراسة الله يزيح عنها ويعينك ويعنها اللهم امين

 

[randomy]

في مدارس فئات الخاصه حق بطيئي التعلم

بس مادري شنو حالت بنتج !؟

ساليها تبي مدرسه جديده ؟؟ نقليها مدرسه ثانيه علشان لا تشوف رفيجاتها سابقينها

 

[أ. ميم الهاجري]

يبدو ان بنتج تعرضت لصدمه قويه نتيجه سقوطها

بس انتي ليش ماطلعتيها من الصدمه من بدايه الصيف وهونتي عليها الموضوع


عاده هالصدمه تصير بالبنات الذكيات والشاطرات اللي مايتقبلون السقوط

 

[أم حمد =)]

مثل ما قالوا الخوات .. نقليها مدرسه ثانيه .. هذا احسن حل ..

وعسى الله يعينج ويعينها ..

 

[ya al3rosa]

نقليهااا احسسن

 

[james546613]

حبوبتي لازم تعرفين السبب اول ...يمكن احد من الاهل ضغطها بالحجي او في المدرسة متعرضة لموقف ...تخاف مثلا ....وعادي غيري لها المدرسة واذا كان عندها صديقات من الفريج اومن الاقارب تروح وترد معاهم والله يسهل امرها وامر المسلمين ...ان شاء الله ازمة وتعدي

 

[e.ngland]

صح يمكن انها شاطره وانصدمت بالنتيجه
وديها مسائي مسهلين الامور عليهم حيل
او في معهد ديني

مادري انتي ساليها لانه هذا مستقبلها حرام يضيع
وباجي ثمان ايام ع المدرسه
طلعيها ونسيها قوليلها امشي نشتري للمدرسه او اقنعيها باشياء وحطيلها مدرسين خصوصين .!
مادري القرار بيدج وع حسب حاله بنتج

 

[مشغوله و محتاسه]

روحي باجر لمديرة اقرب مدرسه لكم و شرحي لها الوضع
و نقليها


بس لا تقولين للبنت الا لما المديرة توافق على النقل


وان ما قدرتي .. حاولي تخلينها تتقبل الوضع و فهميها ان اكيد في غيرها هم راسبين ومو نهاية العالم وايد ناس رسبو وعقب نحجو وتفوقو بعد ..


و الله يعينج و يعينها





اختي اللي فوقي ... مسائي حق رابعه ابتدائي ؟؟ لا طبعا ما يصير
والدوام عقب باجر مو بعد 8 ايام

 

[لذة شقاوه]

على فكره ما في مسائي للابتدائيه ولا معهد ديني لان المعهد الديني سمعت حق المتوسط والثانوي
حاولي تشتريلها اشياء حلوه وتغيرين نفسيتها والمفروض من بداية العطله مجشعتها بس الحين ان شاءلله يمديج وقصي شعرها ولازم تغيرين مدرستها

 

[غيابك حلم]

انقليها مدرسه ثانييه الله يشرح صدرها يارب

 

[أ. ميم الهاجري]

او وديها للدكتور عادل الزايد
ممتاز جدا مع الاطفال

يميدج اذا قلتي له بالتليفون عن حاله بنتج .. بيعطيج موعد خلال اسبوع

 

[اسيره2]

جزاكم الله خير ماقصرتوو

حاولت وبكل الطرق البنت تعقدت رافضه تدش اي مدرسه وتعيد السنه والحين قمت اخاف افتح معاها الموضوع وطول اليوم قاعده وصاكه عليها الدار احاول اطلعها عشان اتغير جو ترفض حتى الطلعه والوناسه وكله على بالها اقص عليها واقطها بالمدرسه

اختي randomy اي وين هذولى المدارس الفئات الخاصه والتعليم البطيئ الي ايعرف اي معلومات لايبخل علي

 

[لذة شقاوه]

الله يشرح صدرها يارب

 

[ورده حنونه]

الله يعينج و يسهل عليهآ هذا الحاله كانت تحوش وحده
من جماعتنا كانت بخاص وودوهآ حق مدرسه حكوميه
والحمدالله الحين البنت بـ تاسع أمتياز مآشاء الله

غيريلهآ المدرسسسه

 

[شقآوه أنثى]

الله يهديها لج ان شالله

حاولي تقنعينها بأشياء تحبها

وحاولي تغيرين مدرستها .... وكلمي اداره المدرسه اليديه عن اوضاعها النفسيه ان شالله تتحسن يآرب

 

[بعدك طيـب]

الله يشرح صدرها يااارب

 

[e.ngland]

امبيه قريتها رابعه ثانوي
العتب ع النظر

عادي انا اخوي عادها ثلاث مرات لا يأس مع الحياة

 

[تعويذه الحب]

شوفي حبيبتي سالفه مدارس بطيء التعلم هذي بيلها طواله اول شي تسوي اختبار وتحاليل وفحوصات عشان يعرفون انها بطيئه التعلم او لاء

وبعدين حبيبتي اهي رابعه ابتدائي واسمحيلي بهالسؤال شلون عادت السنه !!!

وحبيبتي مدارس بطيء التعلم اهي بعض المدارس الامريكيه منها دسمان ومدرسة هوب وفي مدرسه ورى الجامعه الامريكيه بالسالميه بس ما اذكر اسمهاا

وحبيبتي هم قبولها بهالمدارس صعب يعني يمكن هالكورس الياي يالله يقبلونهاا

شوفي حبيبتي نقليها مدرسه ثانيه مؤقت لين تعرفين وتتأكدين اذا كانت فعلا منت بطيء التعلم او فيها نشاط زايد وبعدها نقليهاا خاص

ولازم تراجعين رعاية المعاقين وتاخذين معاج ورقه من المدرسه انه بنتج تعاني من بطىء في التعلم واهم راح يسوون لها اختبار وراح يحولونها مدرسه امريكيه ورسوم المدرسه تتكفل فيه الحكومه