ساعدوني بنات

[لينا]

صباحكم / مساكم
عسسل :eh_s(7):
حبيباتي احب اقدم نفسي .. انا عضوه يديده
واتمني انت تتقبلوني .. وان شاءالله افيدكم واستفيد منكم
ولي الشرف انضمامي معاكم وخصووص بالقسم هذا :eh_s(2):

صبايا .. انا صار لي 13 سنه متزوجه وماعندي اطفال
حمل3 مرات بس كل ماسوي تحليل هرمون سمالله عليكم ينزل معاي بسرعه .. ناس قالو لى حسد وناس قالو لي عمل
والله احترت مادري منو اصدق :eh_s(11):
والحمد الله انا وزوجي مافينا شي بس قال لى الدكتور من كثر ما اخذ الابر صار عندي ضعف بالمبايض وصراحه سبب لي خووف
:eh_s(2):
بنت وربي تعبت نفسيتي .. والمشكله اني كتومه ماقول لحد او اشكي له حالتي :bbbiu:.. والحمدالله عندي قناعه ان ربي قادر على كل شي:yaaaaaarb: ... ورحت لمصر وقعد ثلاث شهور هناك وسويت حقن مجهري وتعب حيييييييييييل من العلاج لان كان قوي والله يعوضنا خير
بنات ابي منكم مساعده ابي اعلاج على حساب الحكومه وكل ماروح لهم يقولون لي خلينا نجرب فيج وبعده اذا مانفع نسوي لج كتاب للعلاج للخارج ويمكن يقبلونج ويمكن لا :krkrkr: ولا فوق هذا قبل لا نرفع كتابج لازم تاخذين موعد بعد سنه تسوين طفل انبوب :ggdw:
مادري بنات وربي احس تعذيب ليش يسون فيني جذى :eh_s(10):
اللى عندها معلومات شلون اسوي لي علاج بالخارج تقول لي وتساعدني وربي ادعي لها بالخير .. رغم اني كويتيه وزوجي كويتي
وحالتي تستدعي لي بالعلاج للخارج :eh_s(2):
والله العمر راح وانا حاطه ايدي على خدي .. وفوق كل هذا حجي الناس اللى يسم القلب :eh_s(4):
ساعدوني بنات الله يخليكم

 

[قلب مغليك]

ماعندي فكره ان شاءالله البنات يفيدونج
والله يرزقج ماتعرف وين الخيره فيه اقري البقره وكثري من الاستغفار لين يجي الرزق ان شاءالله

 

[ياحُبِي لِلكويت]

الله يساااعدج بأذن الله وربي يرزقج حبيت ارفع لج الموضووع مااعرف :eh_s(7): ان شاءالله البنات يفيدونج :eh_s(4):

 

[زهور بيضاء]

السلام عليكم
الله يفرج همج ويرزقج انشاء الله
لا تيئسين أبدا رحمة الله واسعة فوق ماتتصورين
1- دام انج سليمة وزوجج سليم الحمدالله ، ابدي من اليوم قراءة سورة البقرة لوتقدرين تخلصينها بيوم واحد أفضل اذا ماتقدرين كل يوم اقري شوية أو كل 3 أيام ختمي مرة.والله ان فضلها عظيم .
2- اكثري من الإستغفار ليل ونهار....بالسيارة ....بالدوام....بالبيت ...في كل مكان.
3- صلي ركعتين في آخر الليل.... لو حتى قبل آذان الفجر بربع ساعة وادعي ربج بالسجود.
4- تصدقي كثر ماتقدرين.
5- حاولي تاخذين منشطات طبيعية مثل القسط الهندي – عشبة المدينة – عسل ملكات النحل وطلع النخيل.
6- سوي حجامة ترا تنشط المبايض. واذا تبين ممكن اعطيج رقم حجامة.
7- حاولي تشيلين سالفة الحمل من تفكيرج حاولي حاولي عشان هرموناتج ترجع طبيعية وماتتلخبط اشغلي نفسج بأي شي.

أنا الحمدالله بديت أطبق كل هذا وانشاء الله ربي راح يجبر خاطري ويرزقني.
داومي على كل شي قتلج اياه وراح تشوفين الفرج بإذن الله
والله يرزق الجميع يارب

 

[الباحثات عن الجمال]

الله يرزقك الذرية الصالحة آمين ما عندي فكرة البركة في البنات.

 

[So MuCh PaIn]

عسى ربي يرزقج الذرية الصالحة قريب

يا رحيم يا رحيم يا رحيم ارزقها الذرية الصالحة المعافاة يا ارحم الراحمين

يا رحيم يا رحيم يا رحيم ارزقها الذرية الصالحة المعافاة يا ارحم الراحمين

يا رحيم يا رحيم يا رحيم ارزقها الذرية الصالحة المعافاة يا ارحم الراحمين

يا رحيم يا رحيم يا رحيم ارزقها الذرية الصالحة المعافاة يا ارحم الراحمين
يا رحيم يا رحيم يا رحيم ارزقها الذرية الصالحة المعافاة يا ارحم الراحمين

يا رحيم يا رحيم يا رحيم ارزقها الذرية الصالحة المعافاة يا ارحم الراحمين

يا رحيم يا رحيم يا رحيم ارزقها الذرية الصالحة المعافاة يا ارحم الراحمين
يا رحيم يا رحيم يا رحيم ارزقها الذرية الصالحة المعافاة يا ارحم الراحمين

يا رحيم يا رحيم يا رحيم ارزقها الذرية الصالحة المعافاة يا ارحم الراحمين

 

[om-s3oodi]

لينا حبوبة ..

دام سليمين ولله الحمد ..

عليكم بالرقية وسورة البقرة ..

وكثري إستغفار .. وربي بيرزقكم بإذنه سبحانه ..

 

[لينا]

جزاكم الله الف خير وربي يسعد لكم ايامكم
عنجد استانست وايد من شفت ردوتكم وكلامكم الطيب
وربي لي الشرف تواجدكم بصفحتي .. واشكركم كل الشكر ع النصائح الذهبيه
وادعي ربي عسى الله يحقق لكم امنياتكم ويرزق كل محرومه
انا ارح اطبق اللى قلتولي عليه وربي يفتحها علينا
فديتكم وربي لايحرمني منكم