ساعدوني بنات شسوي معاهم ؟!

[نوسه الشطي]

سلام

بنات اخوي قط علي قطوه توها والده مع عيالها 4 عمرهم شهر واسبوعين
وانا مو عارفه شسوي وياهم عيونهم كانت وصخه نظفتها شوي بس مو عارفه شلون انظفهم

وعادي اسبحهم واسبح امهم والا مو زين
وشلون عالاكل الام عزكم الله مسهله ودمرت داري :eh_s(2):

بس صحتهم مشالله وايد زينه يلعبون وشياطين

وشلون اخليهم مايقربون حق فراشي ؟!

اللتر بوكس جم واحد احط ؟! وشنو الاكل اللي ياكلونه الصغار ؟!

الام حطيت لها حليب ودراي فود ووايد بطنها ماشي

وشلون على التطعيمات ؟!

ابي اطلع لهم دفتر تطعيمات واطعمهم واظافرهم وايد طويله عادي والا ينقصون ؟!
ابي مكان زين ومو غالي لانهم 5 اسمالله عليهم

اذا سبحت الصغار انشفهم بفوطه بس والا استشوار !

ياليت تردون بسرعه لاني صج متوهقه

اول مره اربي صغار وماعرف لهم

 

[نوسه الشطي]

ونسيت بعد الام شعرها وااايد يطيح عادي ؟!

 

[روز بآريس]

لاتعطيهم تونه عشان لايطيح الشعر

 

[روز بآريس]

الصغار نشفيهم بفوطة

 

[روز بآريس]

ولا اقولج
هالموضوع كل شي فييييةة

واي سوال حطية هناك وان شاءلله افدتج وهم بيفيدونج وايد بعد

آلي آول مره تربي قطوه تدش وآلي تربي قطوه هم تدش , خبرتي + تدريب + استفسآرآت + بيطره


وموفقة ان شاءلله

 

[Ańwăr Almlěssờń]

لا تسبحينهم و لا تمسكينهم الا بعد فتره

والي قبلي ماقصرت

 

[Ańwăr Almlěssờń]

لا تعطين الام حليب بقري (( القطط جميعها تتحسس من مادة اللاكتوز الموجوده بالحليب البقري )) في حليب مخصص للقطط

و اكل مخصص للقطط الصغيره ( دراي فود للكتنز ) من رويال كانون

اللتر بوكس خليه واحد كبير و يوميا تنظفينه بالمجرفه و اسبوعيا تغسلينه بصابون و مادة الكلوركس او الديتول

من ناحية لا يقربون يم سريرج اهما صغار مايقدرون يمكن يتعلقون بالشرشف باظافرهم يلاعبونج و يتحرشون فيج عشان تعطينهم ويه و تلعبين معاهم


التطعيمات لما يصير عمرهم شهرين ونص او 3 شهور

انصحج بمستشفى الري اسعاره مناسبه ورخيصه

قص الاظافر

لا تجيسين اللحم وتتوهقين ههههه حرام تعورينهم

ويزاج الله خير

 

[Ańwăr Almlěssờń]

اذا كانت شيرازيه و شعرها يطيح له عدت اسباب

1 هرمونات ما بعد الولاده
2 تغير الاجواء
3 تغير النظام الغذائي
^^^^^^^^^^^

طريقة معالجة مشكلة تساقط الشعر

مشط كل يوم 10 دقائق

نفس هذا المشط المخصص للقطط لان له اسنان مائله تسحب الشعر الساقط من الجلد و يثبته بالمشط
و بعد ما تخلصين من التمشيط نظفي المشط


واستشوار يومي 5 دقائق

و اطعامها التغذيه السليمه والمتنوعه

 

[@شيخه@]

اااب

،،،

 

[نوسه الشطي]

مشكورين وماقصرتوا
ماقدرت انام يننوني خليت لهم الدار ونمت بالصاله ههه
انا فيني حساسيه واقزيما عشان جذي ما اتحمل يقربون صوب فراشي
الفيتامينات حق الام اييب لهم من الصيدليه والا من بيطري ؟!

 

[نوسه الشطي]

متى اقدر افرق القطوه عن عيالها ؟! يننوني

 

[dodash1984]

بالنسبة لتنضيف العيون فانتى اعملى شاى سادة بدون سكر وبالقطنة تبليها شاى نص بلة وتمسحى عيونهم


اما انهم ميتقربوش من الفراش بتاعك فانتى زعقى معاهم علشان يعرفو ان ده غلط


الليتر بوكس يكون فى واحد او اتنين ليهم كلهم ويتغير الرمل فيه كل يوم


اما الاكل الخاص بالقطط الصغيرين والكبار بيكون
الفطور: بيضة مسلوقة ومهروسة بالشوكة وعليها رشة ملح او جبنة نستون
الغدا: فراخ مسلوقة او كبدة فراخ مسلوقة او دراى فود او بطاطس على كوسة مسلوقين ويتضربو فى الخلاط او خضار سوتيه او سمك على رز او تونة وعليها عيس فينو مهروس
العشا بيكون غالبا نفس الفطور
وكل الاكل ده بجانب الماية واللبن جنبهم طول اليوم ميتشالوش واللبن يكون لبن بودر بمقدرا معلقة لبن على طبق ماية صغير وبلاش لبن حليب لانه بيعملهم اسهال


اما التطعيمات بتكون لما يكملو تلت شهور بتبدا التطعيمات وبتاخدىمن المستشفى الدفتر الخاص بتطعيم القطط


اما الحموم فانتى بتنشفيهم بالفوطة مش مهم السشوار فى الجو الحر ده بس فى الشتا لازم لازم السشوار علشان ميتعبوش