ساعدوني بنات .. بنتي والامساك

[حب1985]

السلام عليكم
بنات انا بنتي عمرها شهر ومرة عطيتها حليب سيميلاك وما خرجت ثلاث ايام وديتها الطبيب وحطولها تحميله والحمد لله نزل كل شي
وعقب اسبوعين رحت لدكتورة جوديت اللي بالمواساة وقلت لها تكتبلي حليب زين وقالتلي ابتاميل 1
انا كنت كل ارضع طبيعي بس حابة اجمع بين الطبيعي والصناعي
عطيتها اليوم ابتاميل وما خرجت وانا خايفة يصير نفس هذاك اليوم وما تخرج الا بتحميلة
جربت امي قالتلي حطي بالنكاشه القطن زيت زيتون ودهني فتحة الشرج جربت وما نفع
وعقبها يبت الانبون مال الابرة وحطيت فيه نتفه شوية زيت زيتون ودخلت الزيت عن طريق الفتحة وهم ومافاد للحين البنت بطنها ما مشى وشربتها كمون ومافاد
عطوني حل يابنات شنو تسوون مع عيالكم اذا صار فيهم جذي تره انا ام يديده وخبرتي قليلة

 

[ام الحلوااات]

عــــطـــيــهــــا بـــاالــرضـــعــــه يـــااانــــسسسســــون وااايــــد زيـــن للامـــســـااك

 

[حب1985]

عطيتها ينسون وعطيتها كمون وحبه وحلوة ولا فاد معاها بليز بنات ساعدو بنتي باللي تعرفونه

 

[نـور الكويت]

ينسووون ولا حطيلها ماي دافي وسكر وشربيها

واذا مافاد حطي بقطن الاذان فازلين ودخليه داخل الفتحه

وترى نوڤيلاك اي سي رووعه يجنن انا ولدي يوم بالاربعين جذي غيرته والحمدالله زين صار


والله يخليه لج ياقلبي

 

[noo7a]

اول ماتغيرين الحليب لاي نوع حق البيبي
اول اسبوع لازم يحوشه امساك لان معدته بعدها ماتعودت عليه
اذا بعد هالاسبوع حسيتي ان بعدها مع الامساك مني تغيرين الحبليب لان ماناسبها

 

[طيبة83]

لا لا تحملي تحطين فازلين داخل فيه بيتريليوم جيل مشتقات بترول يعني

شوفي اهي توها صغيره بس انتي سالي الطبيب عن نوع الحليب يمكن معدتها حساسه ودام ترضع طبيعي اشلج بالصناعي اللي ما اي منه الا القثى

وانتي بعد اكلي خضرة وتمر وايد عشان حليبج يصير مغذي لا تخربطين بالاكل

 

[fofo90]

حبيبتي انا استخدم حق ولدي ابتاميل 1 بالعكس واايد
زين مايسوي امساك وحتى الغازات خفيفه حاولي تعطينها
سكر نبات بين الرضعات او كمون هالاعشاب دخليهاا بين الحليب
لا تخلينها طول االيوم تشرب حليب بس

 

[بنت باباتي]

روحي لدكتور مازن العيسى او حسن هيكل

بنت اختي كانت جذيه الحين الحمدلله صارت احسن
وطلع اللي معاها شغله بالشرج قالها مازن بس تكبر راح تروح وعلمها شلون تساعدها عشان تخرج عزج الله
وفعلا بس كبرت الحين فديتها عمرها 8 شهور امورها زينه

 

[حب1985]

مشكورين بنات الله يطمن قلبكم ويحقق مرادكم
طبعا اكيد الرضاعة الطبيعية احسن امية مرة من الصناعية بس للأسف حياتنا بهالزمن تتطلب الرضعات الصناعية احس نضطر ساعات للصناعي غصب عنا

 

[ريح الخزآمى]

انا صار مع ولدي امساك اسبوع ما خرج
عطيته منقوع التمر
ما شاء الله وحده بوحده ما صار له ساعه خرج عن اسبوع كامل

ومره مسك بطنه بعد عطيته عسل وماي بس نتفه عسل

وخرج الحمدلله

وانا الدكتور وصف لي نيفولاك اي تي للامساك بس ولدي ما حب الصناعي

 

[مسز بسبوس]

حبيبتي ان ولدي صار فيه نفس الشي ومن غبائي سمعت كلام الناس شربته ماي تمر عود الاذان وحطيته نفسج تحاميل وبالاخير وديت ولدي مستشفى السيف دكتور ياسر قالي امعائه حساسه عطيه حليب من اي ماركه بس مكتوب عليه كومفورت يعني خفيف على الامعاء وعفيه لا تسمعين كلام احد غير الطبيب هذا طفل

 

[ليه الجفآ]

كل بيبي لازم يكون له باليوم رضعة سكر نبات ..

يلين بطن البيبي

يعني عطيها رضعه سكر نبات ..

شويه ماي مع حبه سكر نبات او حبتين وشوفي شلون تصير ..



موفقه

 

[حب1985]

بنات امس حطيت لها تحميلة جلسرين وسوت بالحفاضة الحمد لله بس بعدها ماسوت شي بعد اصبر واشوف انشالله تسوي شي يارب
بالنسبة للرضعة انا لاحظت بنتي بنص الرضعة ترجع الحليب كله فجأة .. تتوقعون الحليب ماناسبها ولا علشان اهي مو متعوده علا الصناعي وتتعود بعدين
بليز بنات شوروا علي

 

[%F&R%]

حبيبتي وديها الطبيب احسن يشوف حالتها ويعطيج حليب لها علشان لا تتاذين