ساعدوني بنات الله يرضى عليكم

[sara a&k]

بنات انا صارلي خمس ايام والده وصدري متيبس علي واشفط مايطلع حليب اتعذب على سانتي من الصدرين شسوي على التورم والالم وشلون يخف الحليب لازم اخذ حبوب اتنشف ولا بروحه يروح وعلى التورم صدري يعورني ومنتفخ بس مافيه حليب

 

[عطـر الكويـت]

رد : ساعدوني بنات الله يرضى عليكم

بعد قلبي والله


اول شي حمدلله علي سلامتج ويترب ولا اتربي بعزكم انشالله


حبيبتي وانتي تاخذين الشور مالج خلي الدوش ويكون ماي حار وركزيه علي صدرج لمده عشر دقايق بس مو ماي يصلخ!! لا لا دافي حيل

ودلكي صدرج بيدج شوي شوي والماي ينزل عليه


وانشالله بترتاحين

وماتشوفين شر قلبي

 

[غيـ الناس ـر]

الله يعينج .. الرضاعه باول ايام متعبه الصدر يصير تعذيب ما تقدرين حتى تنامين على بطنج .. حاولي تطولين وانتي تشفطين كل صدر ربع ساعه وله عشر دقايق .. ومثل ما قالت عطر سوي مساج لصدرج وانتي بالحمام بتحسين بفرق ان شالله*

 

[sara a&k]

مشكورين حبايبي يزاكم الله الف خير انا ترى اشفط ثلث ساعه من كل صدر وماينزل الا سانتي

 

[.،:"$الـعـوبــــة$":،.]

حياتي والله مالومك الله يعينك ويآجرك يارب ،
شوفي سوي مثل ماقالت الاخت عطر الكويت ، وحطي كمادات ماي دافية على صدرك ،، مرة على مرة راح تلين العروق ويدر الحليب وأنصحك ترضعين الجاهل من الحليب الأصفر بالذات لأنه يعطيه مناعه !​

 

[فلافل وبطاط]

الحمدلله على سلامتج وسلامة البيبي ..

انتي نفس حالتي ... وبنتي حتى موراضيه ترضع رضاعه طبيعيه ..

واليوم لي 20 يوم ... ومن يومين بس بدا يدر الحليب معاي ...

والفضل للماي الدافي قبل لا ارضعها اغسل بماي دافي او امسح بماي دافي وسبحان الله بروحه يدر الحليب ...

 

[ملكه الحطب]

ومنكم نستفيد

 

[صفاءء]

مبروك ماجاج يا قلبي

 

[Sama Kuwait]

رد : ساعدوني بنات الله يرضى عليكم




حطي كمادات ماي دافي و مرري المشط عليه اذا في حليب راح ينزل انا مجربتها هالطريقه
ويخف انشاالله التورم

 

[روحي ابوي]

الله يعينج ياقلبي ..انا اسوي كمادات ماي دافي حييييييل ارتاح.. ولزم تشفطين الحليب واذا انتي نعبانه واااايد روحي دكتورتج تعطيج حبوب تنشيف .. انا صرااااحه ترتفع حراتي واصير بعالم ثاني اذا ماخذيت حبوب التنشيف ..

 

[غنوة ستايل]

عسى الله يهونها عليج ياقلبي
جربي الكمادات وان شاء الله خير اذا ما نفع روحي الطبيب اخذي حبوب . لا تتركين نفسج جذي

 

[Tender Heart]

رد : ساعدوني بنات الله يرضى عليكم

والله زين استفدنا الانا بعد افكر ارضع بنوتي

 

[الأميرة جوري]

لازم ترضعين البيبي حتى لو ماينزل مع الرضاعه والشفط راح ينزل ,,,,,,,,,,لان لو تركتيه جذيه يصيبج التهاب بالصدر وتصيبج حراره اسم اله عليج بس الحل الشفط او ترضيع البيبي والماي الدافي كمادات

 

[*Little**Angel*]

حطي كمادات ماي دافي واشقطي بالشفاطه
وحاولي تسوين مساج للصدر وانتي تشفطين

انا سويت جذي ووايد ارتحت ونزل الحليب