ساعدوني بنات.. أنا بماليزيا وبنتي فيها بو وجه!!

[أم أحلى البنات.]

شلونكم بنات ..
أفيدوني جزاكم الله خير ..
اللي تعرف أماكن تدليك للوجه بماليزيا تقولي تكفون .. بنتي جاها بو وجه ومادري شسوي فيها ولا وين أوديها ..
اللي تعرف أي شي عن العلاج بماليزيا تقولي الله يخليكم ..
الليله أنا بكوالالمبور وباكر في بينيغ لمدة 4 أيام ...الله يخليكم ساعدوني .[/size]

 

[ريونه الحلوه]

حبيبتي ماتشوف شر ان شاللة انا في بينانق الحين بس واللة مااعرف شي فيها بس انا سمعت انج تطقينها طراق بسرعة اول ماتشوفينها ويتعدل ...بس دوري شي بالنت يفيدج وان شاللة ماعليها الا العافية

 

[ريونه الحلوه]

بس حبيبتي لازم ماتتعرض للبرد ولا للاضاءة وماتاكل لحم او دجاج ورقيها بالقران هذا علاجها ان شاللة

 

[أم أحلى البنات.]

بس حبيبتي لازم ماتتعرض للبرد ولا للاضاءة وماتاكل لحم او دجاج ورقيها بالقران هذا علاجها ان شاللة

ياعمري انتي ماقصرتي ..
عاد اليوم غدانا دجاج,واسم الله عليها ماذاقت العيش بس طاحت أكل بالدجاج بس قبل لايبين عليها ..
هي نايمه الحين وما لاحظتها الا لما جيت بلبسها البجامه وقعدت تبكي فيها النوم واضح بحلجها و عينها اليمين ..
الله يجزاك كل خير ..

 

[daana]

ماحبيت مارد عليج الله يشفيها ياخذ وقت اخوي كان جذي سوى تدليك بس لازم تغطين ويهاا لا يحوشها هوا
اهي يمكن حاشها هوا قوي او زعلانه نامت او دشت الحمام مضايقه الله يشفيها يارب
طمنينا عليها