ساعدوني بموت من الخوف

[فروح]

السلام عليكم ..،

بنات بليز نصايحكم لان حدي حايفه ع ولدي ..، حياتي عمره 20 يوم وعنده مغص واعطيته 5 مل ماي غريب وارتاح ونام ..،

بعدين قريت شنو مكتوب ع القرشه ..، كاتبين من شهر ل 12 شهر ..، والله انصدمت ي ربي ليش ماقريت قبل لا اعطيه ..، حيل خايفه عليه الحين ..، مع انه ارتاح ونام ..؟

نصايحكم بليز

 

[غيرتي نار]

ان شالله ماعليه شر حاولي تشربيه ماي اوالحليب عشان مايكون مركز في المعدة وطمنينيا

 

[موريا آدم]

شفاه الله وعفاه

 

[ناتشوو]

مافي الا العافية انشالله

 

[أمـ مبارك]

لا تخافيييين


عادي


من ثاني يوم للمولود نعطيه ماي غريب


بس ياختي 5 مل ترى واااايد


عطيه 1ونص ملي ثلاث فترات


صبح عصر ليل


وعند قطرة غاز من الصيدليه بس تعطينه بليل مهدأه حيل واحبها اكثر من ماي الغريب


ولاتخافين ترى المولود لي عمر 4 اشهر يعاني من المغص والامساك والغازات


وربي يخليه لج

 

[طيبة83]

ما عليه شر بس صج 5 مل وايد

عطيه بالكثير واحد مل مع واحد مل ماي

 

[a7la_7b]

عادي انا بنتي الله يحفظها من كنت بالاربعين اعطيها
بس 5 مل وايد خففي استشيري دكتور جم مل تعطينه

 

[احبك يايمه]

طمنينا عليه وعليك وماتشوفون مكروه الله يشافيه ويعافيه

 

[ام الحلوااات]

مـــايـــشـــووووف شـــــــر ان شــــآء اللــــه
عـــطـــيـــه يـــااانــــــســـــــــووون وااايـــد احــــســـن​

 

[معي احلى]

إن شاء الله مابه الا السلامه ..



بس حفظك ربي كوني قبل ماتعطيه اي شيء لازم تقرأي حتى لو دواء من الطبيب .. اقرأي التعليمات .. الذي فيها

 

[فروح]

ممشكوره ع نصايحكم صج طمنتوني ..، الحمدالله مافيه شي البيبي ..، وخلاص مااعطيه واذا احتجت يانسون او ١ مل ماي غريب ..،

مشكورره وايدد

 

[M!SS.LOBY]

يا بنت اذا ولدج عنده مغص يمدحون الكمون مع الماي الدافي خليه يفوح حطي له بالمميه يوخر المغص

 

[AVE.NJ]

احنا الامهات وايد نبالغ ان شاء الله ماعليه شر
والله الحافظ
واعي دائما
اللهم احفظ لي ولدي من كل شر وبلاء

 

[اوراق التوت]

حبيبتي عن تجربة عليك بالعسل الاصلي اليمني انا مجربته على عيالي 3 الله يحفظهم
احط لهم شووووووووووووووووووووووووية بطرف ملعقة الاستكانات واخلطه بشوية ماي بارد واشربهم والحمدلله المغص على طول يروح
حتى تنفع للكبار طبعا الكمية تكون اكبر لان العسل الكثير للرضع ماهو زين

 

[Model Look]

تعطينه قفشه جاي ماي غريب ثلاث مرات لو مافيه مغص احسنله

وهم من الصيدليه دوا غاز