ساعدوني بماليزيا

[منيره kkk]

حبيابي انا رحت ماليزيا 2004
بس كنت عروس ومستحيه وماذكر شي
اللحين عقب الشفط والرشاقه هههههه
نويت اعيد شهر العسل
وحجزت بتاريخ28/3
بس لححد الحين ماحجزت الفنادق
عطونى خيارات لاماكن رومنسيه وفنادق وطلعات انا وريلي نحب التمشي والكافيهات ومو من عشاق الطبيعه ههههه
بس نحب الجزر واذكر لنكاوى وبيينغ عاجبتنى وساعدوني وبس

 

[منيره kkk]

up up up

 

[شواآاقه]

هلا حبيبتي
أول شي إنتي جم يوم سفرتج ؟

 

[منيره kkk]

هلا اهتى١٠ ايام

 

[شواآاقه]

أوكي حلو فترتج قصيره مايمديج تروحين أكثر من 3 أماكن
فأتوقع المناسب لج يكون هالجدول وهالفنادق :

سيلانقور : فندق صن واي لاقون أو البرميد لمدة ليلتين .
لنكاوي : فندق ويستين 3ليال .
كوالالمبور : فندق رويال شولان 4ليال و اليوم الخامس السفر .

بس ملاحظه :
ترى لنكاوي جزيره وايد حلوه وهاديه يعني من الساعه 7 مافي فعاليات فيها بس مناسبه جداً إذا كنتي تبين أجواء الريلاكس والرومانسيه إذا تحبين تغيرين ممكن تحطين مكانها جزيرة بيننق وتسكنين بفندق الهوليدي إن وايد موقعه حلو عالبحر وعند سوق الليل ماتحتاجين تكاسي إلا حق المجمعات أو الرحلات .

 

[شواآاقه]

نصيحه حجزي من موقع بوكينق أحسن وأرخص من المكاتب لأنه المكاتب يزيدون السعر عشان عمولتهم

انا حطيت تواريخ سفرتج شوفي الفنادق بالصور مع أنواع الغرف المتوافره والأسعار
ترى الأسعار المحطوطه توتال إقامتج بالفندق اللي بالصوره

فندق سيلانقور أسعار الليلتين




فندق لنكاوي سعر 3 ليالي





فندق رويال شولان سعر 4 ليالي

 

[منيره kkk]

بعد عمري شواااقه مااااقصرتي

 

[كارلوفي فاري]

الاخت شواقه ماقصرت

 

[انغام السما]

اختى انا اختلف مع الاخ اللى بتقول احجزى من بوكنج انت لسه هتضيفى الضرائب والخدمه وده من تجارب كتير ارجوا من الاخوه اللى جربوا الحجز عن طريق بوكنج يدخلوا للرد واما بالنسبه للفنادق فلكى جميع الاخيارات ولكن نصيحه ان تبتعدى عن شارع العرب بقدر الامكان وذلك لكثرة الشغب الموجود هناك وبالنسبه للمطاعم العربيه فان المطاعم العربيه بدأت فى افتتاح افرع خارج شارع العرب وذلك لكثرة المشاكل التى تواجه العرب .