ساعدوني بلييييييييييز بنات؟؟؟

[سكر حامض]

السلام عليكم


شلونكم بنات

بصراحة يشرفني اكون وحدة من بنات هالمنتىدى الاكثر من رائع


بصراحه ماترددت في كتابة مشكلتي عندكم


بصراااااحة بنات انا زوجي واااااايد عصبي على اتفه الامور يعني اذا مامشيت على مزاجه لو كان مايعجبني يزعل ويرتفع ضغطة
وماعندة الا كلمة غثيتيني


مع اني لا نكدية ولا شي بس ماادري شسوي معاه


حتى يابنات لو بطلب منه طلب اول شي يرتفع ضغطة

مع انه وااااااااااااااااااااااااااااااااااايد طيب وكريم ومايحب شي ينقصني


يعني الحين مثلا انا حامل بالشهر الاول وابيلي خدامه ورافض يقول لا لما تصيرين بالشهر الخامس ايبلج خدامة الحين لا مع اني واااااااايد تعبانه وخايفة يطيح وانا حملت بعد معاناة اربع سنين



بليز قولولي شلون اتعامل معاه وشلون اخليه يهدئ



انتظر ردووووودكم





بلييييييييييييييز:q8::q8:

 

[جذابه بنت ذيابه]

حبيبتي اذا مارضا لا تضغطين عليه


بس جيبي لج نص دوام .. لين مايجي الشهر الخامس وان شا ءالله يوافق يارب



ومن ناحية ماعنده الا كلمة غثيتيني .. قوليله الله يسامحك يارب وصدقيني بينقد على نفسسسه
انا زوجي همن عصبي حيييييييييل .. وانا عصبيه بس المره الشاطره هي اللي اطووف

عشان المركب يمشي ياقلبي

والله يثبت حملج يارب






ادعيلي الله يثبت حملي

 

[سكر حامض]

جذابة حبيبت قلبي


الله يوفقج وين مارحتي ويرزقج ويعطيج لما ترضين

بس مو راضي على دوام كامل او نص دوام

لو راضي نص دوام جان زين بس موراضي

 

[عيش و مرق]

قسمى الشغل لاتسوينه مره وحده ..... وشي حلو ان مارفض اييب لج خدامه بس اجلها

 

[*مرامي*]

حبيبتي يمكن اسلوبج او طريقتج في الطلب مايتقبلها
او انتي موعارفتله
حاولي فيه بطريقه غير
يعني تختارين وقت مناسب ومكان مناسب وكلمات غير ومهدي للموضوع بأسلوب حلو

 

[الثقه عنواني]

حبيبتي إذا مو راضي خليه لا تضغطين عليه
بس لا تعبين روحج بالشغل أبدا وان قال هذا ليش ماخلص ولا ليش ماسويتيه بينيله انج تعبانه وبتخلصين الشغله بعد ماترتاحين يمكن يحس فيج شوي
وحاولي بريلج بالكلام الحلو ولا تكلمينه بأي وقت شوفي الوقت اللي يكون فيه رايق ومو معصب
والله يهديه لج يارب ويثبتلج حملج إن شاءالله

 

[نبض الغلآ]

عادي ياحياتي
الموضوع مو مستاهل .. موجايب خدامه
حاولي فيه بس بطريقة حلوه تخلينه يجيبها لك بالراحه
مو تحنين عليه دوم
الرياجيل مايحبون الحنه ..وهمن تمسكني عنده سوي نفسك تعبانه
وموقادره تشتغلين وراح تكسرين خاطره
وربي يثبت حملك يارب
ويرزقني بالحمل يارب يارب يارب

 

[جذابه بنت ذيابه]

جذابة حبيبت قلبي


الله يوفقج وين مارحتي ويرزقج ويعطيج لما ترضين

بس مو راضي على دوام كامل او نص دوام

لو راضي نص دوام جان زين بس موراضي

اللهم اميين يارب واجمعين فديتج ..

خلاص غلاي قسمي الشغل ..او جيبي خدامة اهلج اذا راح الدوام اهو ..؟

وان شاء الله اذا شافج تشتغلين بيقول بينه وبين نفسه بجيب لها ويجيب لج

 

[سكر حامض]

مشكورين حبايبي


الله يثبت حمل كل وحدة حامل ويفرح قلبها يارب

ويرزق كل وحدة بالحمل السليييييييييييييييييييييييييم

اللهم امين

 

[تعويذه الحب]

اول شي حبيبتي الف مبروووووووك والله يتمم عليج

ريلج من اتوقع من النوع اللي يبي يكون سي السيد بالبيت واللي لازم كلمته تمشي

فمالج حبيبتي الا الصبر وانج تمشين على هواه واذا على الخدامه ما فرقت الرابع عن الخامس

تحملي بعد شتسوين

 

[أنفاسي دخون]

اول شي الله يثبت ما برحمش ويتمم لش على خير حبيبتي

الخدامه عاااادي لو ما تجي الا قبل الولاده بشهرين ترى الحركة حلوة للحامل بس انتبهي لنفسش بالثلاث الشهور الاولى

اما من ناحيه انه عصبي عندي وعندش خير بس الحمدلله صار زوجي رااااااااااااااايق وهااااااادي من كثر ما استغفر ربي وادعي ان الله يهديني ويهداه لي

 

[!الجادل الصعب!]

حبيبتي بالمسآحل والتدمع كل شي يصير .. يمكن هالكلمه بلسآنه مو قصده شي من ورآها ..

ومو لازم تجيبينها الحين انطري شوي وردي كلميه مره ثانيه وقولي على مانطلبها وتجي او ماتجي يبيلها وقت ..

وعسى الله يتمم لج على خير ..

 

[!الجادل الصعب!]

حبيبتي بالمسآحل والتدمع كل شي يصير .. يمكن هالكلمه بلسآنه مو قصده شي من ورآها ..

ومو لازم تجيبينها الحين انطري شوي وردي كلميه مره ثانيه وقولي على مانطلبها وتجي او ماتجي يبيلها وقت ..

وعسى الله يتمم لج على خير ..

 

[بقلبي مجلسك]

حاولي معاه وان شاءالله يرضى صدقيني لاتحنين بس بيشوفج تعبانه ان شاءالله يرضى ويجيبلج

 

[كرستاله*]

اول شي الله يثبت اللي في بطنج....ثاني شي لا تضغطين على روحج يعني مثل ما قالو البنات قسمي الشغل و سوي مثلي اول ما حملت كنت خايفه على اللي ابطني لاني قعدت سنتين ما حملت واول ما حملت كنت انادي خدامة اهلي تساعدني في انظيف( ها شرايج باقتراحي)؟؟؟

 

[كرستاله*]

اول شي الله يثبت اللي في بطنج....ثاني شي لا تضغطين على روحج يعني مثل ما قالو البنات قسمي الشغل و سوي مثلي اول ما حملت كنت خايفه على اللي ابطني لاني قعدت سنتين ما حملت واول ما حملت كنت انادي خدامة اهلي تساعدني في اتنظيف( ها شرايج باقتراحي)؟؟؟

 

[Daleela]

ساحليه بالمساحل كل شي يصير

 

[موتو قهر مني]

الله يسخر لج زوجج ويخليكم لبعض وانشالله سهالات ترا انا نفسج زوجي مارضا يجيب لي خدامه الا بالأربعين قبل أولد بالشهر طلبت الخدامه كنت أنظف وأغسل وأكوي وماكان يرضا يودي الملابس المصبغه كان يبيني أنا أغسلهم بس بعض المرات كنت أجيب خدامة أهلي والحمدالله سهالات أنا أقولج لا تضغطين عليه ولا تعبين نفسج سوي الي تقدرين عليه ليما يطلب لج الخدامه والأيام بسرعه تمشي واالله يقومج بالسلامه وتولدين ولد أو بنوته حلوه

 

[اشتياق]

الله يهديه ويعينج يارب ..

 

[بارو]

الله يهديه ان شاء الله
انا لمن حملت وقررت اجيب خدامه
قلت له اتنسى بخدامه
عاد هو ضحك وماجاب لي الا وعمر ولدي 6 اشهر
جازاني عدل