ساعدوني بليييز ياالموظفات

[يتيمة الأم 86]

السلام عليكم


بنات انا موظفه في البنك وصراحه تعبت تعبت ونسيتي تعبت اخر مره صرخت علي المديره مت بجي وقررت استقسل بس المشكله عندي قسط سياره وخايفه اطول بقعدت البيت سنه ومو عاره شسوي ياريت اللي عندها حل تساعدني ولله يابنات وظيفة البنك هلااااك

 

[اللؤلؤة 22]

الله يعينج والله

مدام عندج قسط والتزامات أنا أقول ضغطي على نفسج شوي وطولي بالج وبنفس الوقت دوري على وظيفة إذا لقيتي وتأكدتي إن مجرد ما تستقيلين تشتغلين استقيلي وربي يوفقج يارب

عاد أنا اشتغل بوزارة ومفكرة استقيل واروح بنك =)

 

[q8sparkle]

وييي بعد عمري والله حاسة فيج ... بنت خالتي كانت نفس حالتج و زود مسكينة انهارة من البنك وكانت ماخذة قرض وشارية السيارة شسوت باعة سيارتها و قدمت استقالتها و فوق هاذا اللي بالبنك قصو عليها و خلوها توقع على ورقة انها تستغني عن مستحقاتها يعلهم الضربة قولي اميييين صج ناس ما تخاف الله حسبي الله عليهم.. لا توقعين على اي شي لين تقرينه عدل مدل
بيعي سيارتج و استقيلي او دوريلج على وظيفة باسرع وقت عشان نفسيتج لا تتعب زيادة ..
اذا متزوجة عادي استقيلي وخلي ريلج يدفع قسط سيارتج واذا مو متزوجة اهلج موجودين عسى الله يخليهم لج يعني مو معقولة بيشوفون بنتهم و ما يوقفون معاها طبيعي بيوقفون معاج بمحنتج واذا كان الوالد متوفى لا تحاتين راح ينزلج معاش الوالد وماله داعي تبيعين السيارة و قولي حق البنك باي باي وطلقيه بالثلاث و قوليلهم مالت .. :eh_s(7):

​