ساعدوني بقصص ومواد تلوين مفيده حق ولدي

[*نور الكويت*]

السلام عليكم ورحمة الله وبركاته

شلونكم امهات

آنا بحاجه ماسه لمساعدتكم

مثل مانتوا عارفين انه دوام الروضه تأجل الى شهر 12

فأبي قصص مفيده وتعليميه باللغه الإنجليزية والعربيه تناسب أطفال الروضه

ومواد تلوين يطلع طاقته فيهم

ومن وين آخذهم ؟؟؟؟؟؟

لأن حرام يقعد هالشرين لاشغل ولا منفعه :0bee2e8d89:


يعطيكم العافيه مقدمآ :tek:

 

[حلم الطفولة]

حبيبتي في الله ..

هالمكتبتين فيهم كتب وقصص تعليميه ممتازه بالإضافه للوسائل والبطاقات والألعاب التعليميه :

1- المكتبة اللي بطابق السرداب في مجمع المثنى
2- مكتبة تيشرس شويس أو أظن تيشرز سيلر teachers sellers فوق بيتزا هت المثنى بالمثنى


عندج بعد مكتبات أخرى فيها شغلات حلوه مثل :
1- مكتبة جرير
2- محل فوق في مجمع ديسكفري قبل المطاعم ملاصق لكلر مي ماين .. فيه ألعاب وبرامج وكل شي تعليمي ولتنشيط التفكير وتركيبات ووو..
3- والمكتبات العامه في الجمعيات وايد ألقلا فيها أشياء حلوه ابتداءا من الصلصال : الطين .. , الألوان القصص ,, الأشغال اليدويه .....
4- أيضا بالمثنى فوق مكتبه فيها وسائل تعليميه وأغراض مثل طاولات وكراسي صغار وأجهزة مشي صغيره و قصص وألعاب وتركيب ووو...

وفي الختام .. أظن فيه وايد مراكز ومعلهد وحضانات مفتوحه ممكن ندخل عيالنا فيها ,, بس ما سوّيت سيرج وبحث للحين حيث مجابله بنتي ( kg1) ودايخه معاها ,, والحمدلله !!

 

[حلم الطفولة]

هذا موقع فيه وايد صور للطباعه للتلوين :

http://coloringbookfun.com/

وهذا الموقع فيه برامج تعليم وترفيه وقصص مقروءه بالصوت والصوره:

http://pbskids.org/lions/



وهذا الموضوع المثبت .. فيه من المواقع ماتحبين وتشتهين من تعب بحث البنات معانا وأولهم أم عبووود وأختج حلم الطفولة والصابره المحتسبه :

http://www.q8yat.net/showthread.php?t=321322

ويا عزيزتي ,, آنا كنت دايما لما عيالي صغار أدخل لهم مواقع تعليميه بالنت وأخليهم يلعبون ويتعلمون وأطبع لهم شغلات ... هذا بالإضافه للأغراض والقصص والمواد اللي أشتريها من المكتبات اللي ذكرتها وبالأخص المكتبه الكبيره اللي بالمثنى تحت .. واستفادو وايد لله الحمد .. وتحياتي.

 

[الصابرة المحتسبة]

كفيتي ووفيتي يامشرفتنا الغالية

 

[حلم الطفولة]

كفيتي ووفيتي يامشرفتنا الغالية

حياتي تسلمين

 

[سفرجل]

امس حاطين اعلان بجريده الوطن انه في مكتبة متخصصه للاطفال بحولي
كل شئ فيه للتعليم شوفي الاعلان

 

[bella bambina]

بروي فيه دفاتر تلوين وكتب تعليمية وقصص حلوة للأطفال وعندج بعد ماركس آند سبنسر عيالي يستانسون على قصصهم وآنا أطلب حق عيالي قصص للقراءة من schoolastic

 

[*نور الكويت*]

مشكورين عالمرور

الله يعطيج العافيه ياحلم الطفوله وجزاج الله خير
ماقصرتي

 

[القمر 14]

اتفضلي حبيبتي هذا موقع مفيد حروف وارقام تعليمية مع شرح بالصور عربي وانجليزي بعد

هذا الموقع www.soraty.com

هذا رابط الكروت بالعربي http://www.soraty.com/categories.php?cat_id=47

هذا رابط الكروت بالانجليزي http://www.soraty.com/categories.php?cat_id=58

هذا رابط كروت الارقام http://www.soraty.com/categories.php?cat_id=74

وان شاء الله تستفيدين منهم