ساعدوني بعلاج للنقص الحديد

[((سعوديه بالكويت))]

نقص حديد ونقص كالسيوم ابي شراب اوفيتامينات ما تسمن ولاتتعب المعده ساعدني تكفن :eh_s(11): الكالسيوم اشرب حديد لكن الحديد ما احب اكل خضره ابي فيتامين ما يسمن

 

[blue ocean]

شوفي اختي عندج فيتامين مو جود بلصيدليه اسمه Bio suisse
Natural preparation بهدعش دينار
مادري عاد يسمن والا لأ بس انا ماتغير جسمي
صارلي شهر استخدمه واحسه زين عوضني عن نقص الحديد

 

[خبيرة اعشاب]

زين ليش ما اتجربين اعشاب او عسل ..الخ ؟؟

 

[مشغوله و محتاسه]

اختي كان عندها نقص حديد ... و خذت حبوب مدة 3 شهور ولا نفع ... !!

لين قال لها طبيب ان لازم تاخذ الحديد من مصادر طبيعيه ..مثل الخضار و الكبده ... فصارت تاكل كبده يوم و ترك ... و خلال اسبوعين صار مستوى الحديد تمام ,,, تحسف على عذاب الحبوب .. 3 شهور و 3 مرات باليوم ... يعني كميه مو طبيعيه


يقولها الطبيب ان طبيعة اجسامنا ما ينفع معاها الحبوب ... !


ما تشوفين شر

 

[jolie_q8]

شوفي حبيبتي

السمن مو مشكله

بس خوفج الجرعه ما تناسبج !!

يعني مدام فيج نقص حديد وكالسيوم

المفروض دكتورج يكتب لج الدوا المناسب

لانه يفرق من دوا لي دوا

وجرعه الكالسيوم الزايده مضره بالجسم

ونفس الشي الحديد!!

المفروض الدكتور يكتب لج الدوا اللي يناسب حالتج

 

[srabeel]

أنا رايي من راي جولي روحي حق الدكتور وأهو يحدد جم الجرعه وشنو إلي يصلحلج

 

[شندوخه]

فيروز حبوب حديد
وهذا عصير سحرى لنقص الحديد بس بشررط تشربونه 3 مرات باليوم
اتيبيلج شمندره كبيره غسليها وقشريها وبالبلندر مع تفاحه واذا تبين شكر حطى مع ماى
والله شربي وادعيلي مجرب ترا
وبعد عسل القصب وايد ممتاز كله حديد بس اخاف يمتنج

 

[*دبدوووبه*]

حبوب التراي همك لونها احمر
وايد زينه للحديد
بس يفضل ان تستشيرين دكتور
على حسب النسبه
اذا نازله وايد ولا لآ
+ النمط الغذائي
لازم مكمل غذائي مع الحديد
والله يشافيج يارب

 

[اللوتيه]

حبيبتي لا فيتامينات ولا خرابيط ما في احسن من الطبيعه جربي التمر وشوفي شلون راح ترتفع نسبه الحديد عندج وشلون راح يتعجب الطبيب ويقولج شسويتي :eh_s(10): وما تشوفين شر

 

[**سهام**]

والله انا كان عندي نقص في الحديد وكل حبوب الحديد اللي يكتبهم لي الطبيب يلوعون الجبد ويسببون لي غثيان وتعب بمعدتي ما بقا نوع ما جربته
اخف نوع هو حبوب الفيروز اللي تنعلج
بس انا استخدمت كبسولات الفيفول اللي اهيه حديد مع فوليك بعد استشارة الطبيب طبعا
والحمدلله ارتفعت نسبة دمي عليهم خلا ل شهر بس

وعلى فكرة انا قريت مرة ان الحديد والكالسيوم ما يصير ينوخذون مع بعض
لازم في فجة بينهم يعني خمس ساعات مثلا
واريحلك شربي عصير برتقال فريش لانه عني بالكالسيوم اذا ما تحبين الحليب ومشتقاته

 

[srsr]

انا راي من راي دبدووبه الحبوب الحمر وانا استخدمها ممتازة بس ترى في معلومة انة تاكلينهم على معدة فاضية علشان ايكون الفايده 100% دكتوري قايلي لأني بعد ماكليتهم حسيت بتغير وايد ارتحت وبس اتركهم يومين ارد مثل ما كنت فقالي الدكتور لازم على معده فاضية ومامنهم ضرر لازم ماتشربين لاقهوة ولاشاى ويفضل قبل الأكل بساعتين علشان المعدة تمتص الحديد عدل وسلامتج ​

 

[ناديه]

ماانصحج تاخذين حبوب حق الكالسيوم والحديد اخذي شي طبيعي
مثل حق زيادة الحديد اكلي موز والكالسيوم الحبوب تاثر على الكلى اخذي شي بديل كثري من الالبان وخصوصا اللبن