ساعدوني بسوي الصبغه واحاتي النتيجه

[al_kadee]

السلام عليكم ..بنات أنا طلبت من الدكتوره تسوي لي أشعة الصبغه بعد عدة محاولات تنشيط كلها باءت بالفشل ف قلت لازم اشوف الانابيب يمكن لا سمح الله فيها سدد وافقت الدكتوره قالت الاحسن انا نتطمن وهي اذا نفعت ماتضر .. بس بنات انا طلبتها مع بنج لاني وحده خوااافه حيل. حتى السونار الداخلي سالفه على مايدخلونه بس بنات بغيت اسألكم النتيجه متى تطلع لأني من الحين أوسوس فيها وبعد سؤال جم يوم ينزل دم بعد هالاشعه وصحيح حتى بعد ما اخلص منها في ألم لأن اسمع كلام بنات سووها اخاف بنت عمي سوتها قبل لاتحمل تقول كل المستشفى. سمعوا صراخي ولمن خلصت ماقدرت اتحرك جابوا لها كرسي وتقول من بعدها حلفت خلاص ما اسوي شي لين الله يكتب لي الحمل والحين ماشا الله عندها ولدين وبنت وبنت عمتي نفس الشي سوتها بعد اجهاضين والحين حامل ياررررب ارزقني الذريه الصالحه انا وكل من قال آمين

 

[M!SS.LOBY]

الله يسهل عليج

 

[ناتشوو]

شوفي انا سمعت
ان اللي تتألم حيل منها
يكون فعلا عندها مشكله بالانابيب
ثانيا ترى في نسبة من الهوالة عندنا يالحريم
لا تتأثرين فيها
وكذلك اللي فيها نسبة انسداد
بسيطة
ممكن الاشعه بالصبغة تكون علاج
توكلي ع الله
عيى الله لا يضيع التعب
ويرزقج
عاجلا غير اجل
وانت مأجورة اذا احتسبتي كل الم

 

[al_kadee]

مس لوبي مشكوره جزاج الله خير





ناتشو. لا في بنات يحسون بألم فضيع واطلع النتيجه سليمه على حسب ومشكوره عالافاده












والباقي وينكم محد رد على أسئلتي بخصوص النزيف ومتى تطلع النتيجه والالم بعد ما اخلص

 

[ناتشوو]

النزيف بسيط شوية دم
يوم واحد استمر

( اتكلم عن تجربتي )

بس ناسية متى طلعت النتيجة

 

[بدوية بملامح كشميرية 86]

الله يسهل عليج يااارب

انا سويتها شهر 10. بميتشفي العرف بنج كامل واول ماصحيت علموني بالنتيجه والحمدلله كل شي تمام

لاتخاتين دام بنج نتيجه تطلع ع طوول وربي يسهل امورج ويطمنج

 

[# غنوجة بيبي #]

ما سويتها
كنت بسويها بس حملت سبحان الله و ما احتجتها
و اجهضت و الدكتور كنسلها
يا رب تكون سبب في حملج

 

[عسل حدي]

اب اب اب

 

[منار حسين]

حبوبه اناسويتها وكان الم لايطاق ونتيجتها سليمه ونزل دم يومين بس ووقف

 

[# غنوجة بيبي #]

لازم تتحملين اذا تبين الظنا

 

[miss_uk]

سويتها قبل ٧ سنين
الم بس مو اللي لا يطاق شعور بايخ
ما نزل علي الا شوي دم وردي

 

[cat_women]

اذا بنج عادي لو قعدتي مااااتحسين بعوار
و النتيجه تطلع ع طوووول
و الدم يوم واحد و شويه بس
توكلي ع الله و سويها
و الله يرزقج ياااااارب

 

[حرم_الغلا]

اب


اب

الله يكتب لج اللي فيه خير

 

[Pink_Roses]

توكلي على الله وسويها واخذي بنج كامل اذا انتي خوافة والنتيجة تطلع بنفس اليوم يعني نص ساعة على ما يكتب دكتور الاشعة التقرير.

انا سويتها من غير بنج بس بغيت اموت من الالم لان كان عندي الانابيب مسكرة شوي ولا تحاتين مو نزيف دم اللي يطلع بعدين السائل مال الاشعة وهم حاشني عوار يومين وشد بالبطن

 

[شمووووخة]

الله يسهل عليج وترا الصبغة موضوعها بسيط ما تحتاج كل هالخوف اغلب بنات الكويت سووها وبدون بنج وانا منهم بس انا بغيت اموووت من شي ثاني
الدكتورة بعد ماسوتلي الصبغة ماقالتلي ممنوع يصير جماع ومانبهتني
وللأسف صارجماع في نفس اليوم اللي طلعت فيه من المستشفى والله لا يوريكم بغيت اموووت بعد ياعتين من الجماع جاني الم شديد في البطن وجسمي كله تخدر ما احس فيه وحتى الحركة ما اقدر اتقلب عالفراش وقمت ارجع وابكي من الالم وهالسالفة كانت الفجر وزوجي طار فيني للعدان والدكتور انصدم قالي انتي ماكله شي قلتله لا بس مسوية صبغة وصارجماع بنفس اليوم يوم درا الدكتور قام يطق ع راسه قالي دكتورتج ما قالتلج ممنوع الجماع قلتله لا المهم عطاني ادوية والحمدلله قعدت يوم او يومين وتشافيت بس حبيت انبهكم من هالغلطة وعسى الله يرزقج بالحمل السليم اللي يسرج ويرزقني ويرزق كل محرومة اااامين

 

[ماتغير شي]

توكلي على الله وسويها


الم خفيف نفس الم الدوره بو خمس دقايق ويروح


انا سويتها بدون بنج والله الم عااادي محتمل نفس الم الدوره بالضبط بس الفرق انه يروح
بسرعه والدم نزل مني يوم كامل وعقبها وقف

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[S.O.S]

انا سويتها و حسين بعوار نفس الدورة بس أقوى شوي
،، لكن تقدرين تتحملينه لأني سويتها بدون بنج
وطلعت نتيجتي سليمة الحمد الله
وعقبها ما سويتها بسنه حملت الحمد الله يارب ،،
الله يرزقج بالذرية الصالحه

 

[عسل حدي]

(بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين

 

[al_kadee]

بنات ابشركم ولله الحمد سويتها بمركز دار البراء الطبي وخذيت بنج اريح لي قمت ماحسيت ب شي كلش بس شوية مغص خفيف نفس مغص الدوره ونزل مني دم بس يوم واحد بعدها صار بني ووقف والنتيجه قلت لأهاي تسأل الدكتوره قالت لها لا الحمدلله سليمه . اللهم لك الحمد كما ينبغي لجلال وجهك وعظيم سلطانك .. والله يجزاكم خير اللي ردوا علي وطمنوني او تكلمو عن تجاربهم عساه في ميزان حسناتكم والله يرزقنا ويرزقكم ويرزق كل مسلمه محرومه من الضنا يارب يا كريم