ساعدوني بسالفه رفيجتي..!!

[ام ريمة2]

قوووة بنااات:eh_s(22)::eh_s(17):

شلوونكم؟ابي رايكم بسالفه تخص ارفيجتي..

الموضوع ومافيه انا عندي رفيجتي مطلقه عمرها23 وعندها ولد وتحب واحد عمره21 والريال نيته شريفه ويبيها زواج المشكله اني اهو صبي مو متزوج من قبل ،فشلون يفتح الموضوع مع اهله خاصه وانه البنت مطلقه وشلون يقنعهم؟؟
:bbbiu::bbbiu:

 

[ام ريمة2]

شدعوووه بنااات ولا رد؟؟؟

 

[al-musk]

انا من رايي تفكر عدل
لان اكثر الحريم لما تتطلق يصير تفكيرها بس انها تتزوج بالعكس مفروض تفكر الف مره وتفكر صح وتختار اختيار صحيح
اذا من الحين اهو مو عارف ومو قادر يفتح الموضوع مع اهله شلون باجر بسيطر على الامور الاكبر والرجال صغير 21 سنه
والاكيد ان اهو يحبها بس بعد 5 سنين يمكن يحس انه استعجل وبالنهايه اهي الخسرانه لانها كان لها تجربه قبله على العموم انا ما اعلم بالغيب بس خلها تستخير واهو بعد يستخير والله بسهل الامور اذا كان لهم نصيب

الله يوفقها

 

[Patcholli]

اهو ريال ويعرف يتصرف ويكلم اهله المفروض ..

والله يوفقهم

 

[tunaQ8]

قولي لرفيجتج تفكر ألف مره قبل لا تزوج. لا أن غير متكافئ

 

[!الجادل الصعب!]

يعني بتقوله شلون يفاتح اهله ..
لو يبيها بيلقا طريقه .. وانا اعتقد الزواج مو متكافئ وصعبه
اهله يوافقون ..

 

[موناليزا مطران]

ترى الزوااااچ مو لعبهـہـ يعني لازم تفكر اكثر من مرهــہـــ

 

[يارب يطيب عبود]

21 سنه
احس توه صغيييييييير

 

[قــل مـا تـشـاء]

بصرااحه صغير حييييييييل .,,,
صحيح العمر مو مقياس بس المفروض هي عارفة فكره من تردده أنه يفتح الموضوع مع أهله وشلون يجيهم من أي باب ..!

 

[ام ريمة2]

اي انا قلت لازم تفكر عدل لان هذا زوااج .. وصج اهو صغير بس علا حسب كلامها تقول فاهم وعقله كبير،،
انا رايي من رايكم انها تاخذ استخارة والله يكتب لهم اللي فيه الخير..
مشكوورين بناات..انشالله اشوف شيصير معاها واقولكم

 

[رنيم الروح]

حبيبتي بالنسبه للعمر مافي شي اذا اهم متفاهمين والرجال يقدر يكلم اهله ويعرف يتصرف
بس البنت عمرها اصغير بعد ومطلقه في هالحاله بيكون تفكيرها بس تتزوج عشان تتخلص من كلمة مطلقه خليها اتفكر عدل واذا الله كتبلها نصيب وياه الله يوفقها

 

[غدووور الكويت]

ما احس فيه تكافؤ كلش والله يكتب لها اللي فيه خير

 

[توايلا]

مافي تكافئ خالص

خليها تستخير وتحاسب ي خوفي تكون مطلقه للمرة الثانيه
حتى لو اقنع اهله وتزوجو ؟؟؟؟؟؟؟؟؟؟؟؟؟؟؟

انا اشوف انو طفل

 

[بولندية]

رايي من راي البنات وكلمة مسك عدل موعارف يفاتح اهله شلون باجر لي اخذها المسؤولية بتصير اكبر منه

ومووو سالفة عقله كبير ولا صغير اهو توه ما كون نفسه للحين حتى لو يشتغل

مسؤلية الزواج صعبة و موهينة واهي عنده ولد مادري احس صعبة عليه بصراحة من بداية زواجه بيشيل مسؤولية ولدها اذا كان عايش معاهم

 

[أكذب عليك]

المرا المطلقه عندها خبره اكثر
عمره 21 الحين اعمارهم ب 30 ومافيهم عقل
واهي صغيره ليش تستعجل

اما اذا مصممه انها تبيها فاعتقد اهو الرجال اهو يفكر شلون
يناقش اهله لانه مو معقوله بتفكر عنه وكأنه اهي مسويه فاحشه
وتحاتيهاا مويبيها يكلم اهله شلون يفتح الموضوع معاهم هذا
عليه موعليها اهي

والله يوفقها

 

[خالتي قموش]

الحين الولد توه مخلص مراهقه
وعواطفه مسيطره عليه
على باله لعبه
مو حاس بلمسؤوليه
لدرجه خايف يفاتح اهله
لانه يدري انهم بيرفضون
ما انقص من قدرها
بس هي مطلقه وعندها ولد الله يحفظه
لازم هلمره تفكر صح قبل لا تجازف بتجربه ثانيه
يبيله واحد يكون واعي و مسؤول
يراعيها و يحميها

هذا 21 سنة
بعده صغير وايد
وهي بعد صغيره
خلها تفكر عدل
وعلى فكره الشباب في العمر يبون يتزوجون
وبعدين يغيرون رايهم
هذه فتره هو يمر فيها
يبي يتزوج وخلاص
هي او غيرها

وهي بعد تبي تزوج وخلاص
اسفه بس هذا الصج

الله يعوضها بولد الحلال اللي يناسبها

 

[ام ريمة2]

مشكورين علا الردوود
بس ٢١ مو صغير ..انا اتزوجت ريلي وعمرة ٢٠ وحمدلله كلشي اوك...
اشوف العمر زين من وجهه نظري
تنصحون تصلي استخارة ولا تاخذها عند شيخ ولا شلون؟
وشلون طريقه..

 

[فطوم 84]

اذا مقتنع بوضعها ويحبهاً مااشوف فيها شي يحاول يقنع اهله. المطلقه ماينقصهاً شي حالها حال البنت تكمل حياتها وتتزوج اذا اهو مثل ماتقولين كتفكير ناضج وواعي خل يحاول يكلم اهله ويقنعهم انه يبيهاً. بس اهم شي ماتتخلي عن ولدها والله ييسر امورهم

 

[roobee]

الجادل الصعب
سوري بنات بطلع عن الموضوع،،،،
كنت برد بس شفت هالشي عور قلبي،،،،
صورة توقيعچ ذبحتني....
لاحول ولاقوه الا بالله...
ماني قادره استوعب،،،في ناس چذي
وشلون يذبحون طفله،،،
في نار داخل صدري
بس ما اقول حسبي الله ونعم الوكيل
حسبي الله ونعم الوكيل

 

[انثى عاشقة]

احس عمر الولد حيل صغير
يمكن قرارهم مبني ع العاطفة مو العقل
بس هم ما يمنع يستخيرو ويفاتح اهله بالموضوع​