ساعدوني بالمجلس الطبي

[حمامة صالح]

بنات بسألكم عن الجلس الطبيانا حملت عن طريق الانابيب والحمد لله
لما حللت وطلعت حامل قمت اخذ طبيات من حكومة ومن خاص
وطلبت مجلس طبي وحطوا موعدي بعد شهر ونص
استغربت من التاريخ البعيد
انا حامل عن طريق علاج المفروض يحطون موعدي قريب
السؤال:
انا مدرسه وابيهم يعتمدون طبياتي لان غيابي صار اكثر من شهر وراح اغيب لغاية موعد اللجنه، يعني شهرين راح اغيب وماراح ينزل راتبي
في اللجنه الطبيه هل يعتمدون الطبيات اللي غبتها ويردون معاشي وللا لاااا
المدرسات اللي ماخذين مجلس طبي شنو صار معاكم وقت اللجنه هل عطوكم اجازه بس وللا ردوا معاشكم بعد
تكفون ردوا علي

 

[حمامة صالح]

127 مشاهده ولارد واحد؟؟؟؟

 

[الباسمة الخجولة]

حبيبتي مبروك الحمل والله يثبته لج انشالله
المجلس الطبي اللي اعرفه في نموذجين تقدمينهم
من مدرستج واحد طلب اعتماد طبيات والثاني طلب اجازه
واذا دخلتي اللجنه يعتمدون طبياتج ويكتبون لج اجازه

 

[حمامة صالح]

لما راجعت المدرسة والمنطقة التعليمية قالوا انهم وقفوا ورقة اعتماد طبيات
بس سلموني تحويل لمجلس طبي
ولما سألت عن الطبيات قالوا ماكو اعتماد طبيات وراح نخصم من المعاش
هل الكلام هذا صحيح؟؟؟

 

[نونا**]

لا ماعليج منها شنو يعني ماكو اعتماد طبيات

انتي اذا رحتي اللجنه قوليلهم ابي تعتمدون طبياتي

 

[وطن قلبه "]

مبروكا الحمل والله يتمم عليج يارب ؛ اذا مفرق مايعتمدون يحسبونه بروح بس اذا متصل اي حسب نظام منطقتج التعليميه خلي اي احد يراجع لج لان صج لويه ؛ اما بالنسبه للمجلس الطبي العاده حده اسبوع ويصير موعد اللجنه واذا رحتي من موعد اللجنه لي النتيجه اجازه منهم وانتي انابيب ان شاءالله يتساهلون معاج لان متشددين هالفتره .. ولاتحاتين مايوقفون الراتب الا اذا غبتي بدون عذر حاولي تمشين باوارق اول باول واسالي وايد لان اغلبهم ضايعين لاتحاتين تيسر ان شاءالله ..

 

[حمامة صالح]

رحت المنطقه التعليمية ودخلت عالمراقب بعد
يقول ماكو اعتماد طبيات
هذاك كان اول
يقول كل شي بيد اللجنه
صج هالكلام؟؟

 

[عليك توكلت]

الف امبارك حملج الله ايتمم لج على خير
ماعندي فكره ابهالموضوع

 

[أأأميرة الورد]

الف مبرووك والله يتمم حملج


روحي قدمي الموعد احسن شي وبعدين يصير خير

علشان يعتمدون طبياتج

 

[حمامة صالح]

الله كريم

 

[شطانه طفله]

الف مبروك عالحمل والله يثبنخ لج يارب ويرزقج بالذريه الصالحه

 

[miss_q8ya]

حبيبتي انتي تبع اي مستشفي ؟؟

 

[حمامة صالح]

حبيبتي انتي تبع اي مستشفي ؟؟

انا تابعه لمستشفى الولاده بالصباح

 

[نونا**]

اختي انتي ذكرتي انج رحتي للمراقب بس المراقب شكو بالطبيات والاجازات

روحي قسم الاجازات اهم يعلمونج شتسوين بالضبط وممكن تدخلين على مسؤولتهم تقولج شتسوين بالضبط

 

[كويتية توتة]

انا اختي كانت ماخذة مجلس طبي من تقريبا اربع سنين
وضيعوا طبياتها المنطقة وخصموا عليها بعدين كان عندها صور للطبيات وردوا اللي كانوا قاصينة من المعاش لما راجعتهم