ساعدوني بالادارة الزينه وقسم الانجليزي زين في فهد الاحمد او المنقف وضواحيها

[Um Ritaj]

السلام عليكم

انا بقدم نقل لمدارس الابتدائي في فهد الاحمد

اهم شي تكون الاداره زينه ورئيسة قسم الانجليزي تكون زينه

والله يوفق الي تساعدني لان المدرسة الي انا فيها حاليا ادارتها اتعب وانا اقول زينه وفوق الزين بس للاسف رئيسة قسمنا وافده كللللش مو عادله وماكو اسلوب ومن النوع بو وجهين ففضلت اني انقل لمدرسة ثانيه مع اني متحسفه عالناظرة والوكيلات فعلان معدنهم ذهب والله ادعيلهم بظهر الغيب


بليز بنات لا تبخلون بالمساعده والله يوفق الي بتساعدني


مو شرط فهد الاحمد اي منطقه بالعاشره بس فهد الاحمد قلتها لانها الاقرب *

 

[متفائله بالحياة]

اب اب

بالتوفيق ان شالله

 

[طالبة1990]

سبحان الله

جنج تحجين عني


ملووووعة جبدي هالخايسة اللي عندي وقدمت نقل

بس تالي تحسفت

مشكلة هالتخصص التعبان ماتلاقين قسم زين


والحمدلله ادارتنا زينة والمدرسة لاباس ونصابي حلييو


ومن كثر ماشوف شلون رفيجاتي متلعوزات بمدارسهم ارد اتحسف ع النقل


عاد الحين جني جني بهون وباتم مكاني

وع قولتج وافدة ومنافقة

لو نفكر فيها صح ترا الوافدة حزة الحزة تخاف

وانتي لاتسكتين عن حقج

وحاولي تشرحين للناظرة وضعج بالقسم


وخلي شغلج للمدرسة وهذي ماعليج منها



نصييحة اذا ادارتج زييينة قعدي مكانج

خصوصا مدارس الابتدائي بهالمناطق مو ذاك الزوووود

انا قعدت ادور وابحث بالمدارس الزينة والشينة

مالقيت شي زين

انا متوسط بس كنت بنفس الوقت ادور لوحدة من رفيجاتي تو تعينت هالكورس



استخيري مرة وثنتين وثلاث

ولاتاخذين براي او مدح احد

لان المثل يقول لاحبتك عيني ....

يعني مدارس تلقين فيها المرتاح والمظلوم

ويفرق من قسم لي الثاني



الله يعيييينج صج اصعب قراااار النقل من مدرسة فيها ايجابيات وسلبيات

حاسة فيييج


الله يكتب لنا الخير ياارب ويسهل لنا امورنا ويسخر لنا عبيده

 

[Um Ritaj]

طالبة ١٩٩٠

مسكتي الجرح

فعلا رئيسة قسمي ظالمة

واصلن المدرسة الي انا فيها حييييييل فيها كثافة طلابية يعني تعب بتعب


انا ما اقول ابي راحه بس ابي حقي الاقل

ورئيسة قسمي ماكو اسلوب كلش تعاملنا جنا نشتغل عندها وتنطر الزله علي الافاده وتعطينا شغلها وفوق هذا ما ناخذ امتياز وانا محتاجه للامتياز صارلي متوظفه سنتين وهذي الثالثه ماخذيت امتياز من الهواش معاها

وللاسف ناظرتنا معاها لانها تستفيد من فلوس المذكرات الي يبيعونها عالطالبات

وانا نصابي ١٥ حصه بالاسبوع والصف متكدش فابي مدرسة اقل كثافه ورئيسة قسم كويتيه

 

[Miss independent]

انا نفسكم
بنتقل مو قادرة اتحمل
توني متعينه بس لااااعت جبدي من الادارة
ابي مدرسة سنعه بهالمناطق
متى يبدي النقل؟؟؟؟

 

[Um Ritaj]

٣/٢٨ اخر يوم لتقديم طلبات النقل

 

[Um Ritaj]

اب اب

والله يجزاها خير الي تفيدنا

 

[_--_]

اب اب اب اب اب اب


مرووووووور لعيونج
​