ساعدوني بالأثاث

[حيوته]

السلام عليكم ورحمة الله وبركاته

اشلونكم خواتي ان شاءالله يارب بخير

ابي أأثث غرفة نومي وغرفة البنات وين تنصحوني ؟؟ أبي شي ناعم وبسيط وسعرة مو عالي وايد .

شوفو أنا رحت هوم سنتر ما عجبني شي ورحت الاستقبال عجبتني غرفة وحدة وااااااااااااااااااااااايد كانت ناعمة وحلوة بس للأسف كانت خالصة مافي الا المعروض وخفت آخذه ..
رحت المحل اليديد الي بالأفنيوز أثاثه أمريكي وااااااااااااااااااااااااااااايد حلو بس وااااااااااااااااااااااااااااايد غالي اشدعوة سريين وتسريحة وكمودينتين ومكتبين للدراسة 2000 دينار قلت حرام وايد غالية وبناتي ما راح يضلون صغار يعني أكيد ببدل غرفتهم ...

رحت ايكيا أثاثهم مو قوي وما عجبني ..

فياريت تساعدوني وين أروح بعد ؟؟؟؟

 

[om.googi]

روحي الضجيج يفصل لج حقج وحق بناتج الشكل اللي تبينه .. ناعم ورخيص وحتى نوع الاسفنجة تختارينها..

يصيرون ابـ صف جاليريا وسوق توينز .. وموفقة

 

[حيوته]

مشكورة حبيبتي الله يعطيج العافيه يارب
زوجي مو راضي تفصيل يبي جاهز يقول يطولووووووون وايد واحنا ودنا نسكن برمضان

 

[law love]

اخذيلهم فراش امريكي ماا يقيد
وشوفي ميداس و ايديزاين مال الساير
و الصراحه كبتات اكيا حلوين انا كل داري منهم صارلها خمس سنين ما صار فيها و لا شي

 

[om.googi]

قوليلة التفصال ما يأخر .. قولي يعطيج اسبوع واحد مخلصلج شغلج .. وسألي اللي اهناك يمكن ما يطولون !!
افتري على كذا واحد وضغطي عليهم بالحجي ..

 

[حيوته]

الله يعطيكم العافيه يارب ما قصرتوا
law love رحت آي ديزاين ما في حق البنوتات بس حصلت حق ولدي الله يعطيج العافيه ريحتيني ..
om.googi مشكورة يا قلبي على ردج واهتمامج انا شريت لغرفة نومي سرير من ماتركس اليوم فأقنعته ان الباقي نجارة بس قالي دوري نجار شاااااااطر يصب الغرفة صب جنها جاهزة قلت ان شاءالله تساعدوني وتعطوني عناوين ولا أرقام نجارين ممتازين تكفون ؟؟؟

 

[روح مغليها]

روحي بنتاا وروحي قرطبه لاثااث بالضجيج حلوو شغلهم

 

[*حور العين*]

عندج الغانم عندهم سوالف حلووه

وعندج ميداس هم تحصلين غرف نوم حلوه حقج

وكنت بقولج التفصال احسن بس قلتي ريلج مايرضى حاولي تقنعينه صراحه التفصال احلى وموديلاتهم تهبل وتختارين اللي تبينه والخشب اللي تبينه واللون اللي تبينه

انا توني ماخذه غرفة نومي من الغانم حلوووه وناعمه بس اختي سوت غرفة نومهااا تفصال صراااحه تييييييييينن تحسفت ليش مافصلت

 

[طالبة1990]

ابيات

 

[law love]

صاج ريلج النجاره اتطول اذا تبين شغل عدل و الفنشنج يكون مضبووط
الصبغ بروحه يبيله فتره و التركيب
اذا تبين نجاره لازم ما تستعيلين على النجار و لا يسويلج اي شي علبو مستعيله

 

[ريشه123]

انصحج حق غرف الاولاد هالمحل ÇILEK بالشويخ مجابل سنتر بوينت يهبللللللل وجووووده وعندهم خصومات 80% وعرض انا توني شاريه غرفة حق عياالي عرضهم : تشترين باكج ويطلع لج فري الماترس والشرشف وستاره
طبعا الغرفه : سرير كومدينا ..مكتبه حييييييييييل انصحج تاخذين من عندهم وطلع حسابي طبعا انا زدت سرير ب 90 طلع حسابي 469

والتفصال كلشششششششش ماانصحج فيه تاخير والفنشينق مو اوك واقصد بالكلام الفروانيه ( الضجيج)

ابياات غرف النوووم مالوته بساااطه يهبلون انصحج فيه

 

[حيوته]

والله انكم غاليات على قلبي الله يعطيكم الف عافيه يارب ماشاءالله عليكم ولا الخوات ما قصرتوا يا قلبي والله دمعت عيني يوم شفت اهتمامكم الله يهنييكم ببيوتكم ويعطي كل وحدة ردت علي الي تبيه يارب ..
*روح مغليها* ان شاءالله اليوم بروح تسلمين يا قلبي ..
*حور العين* إن مدى إن شاءالله أروح ميداس و الغانم قصدج بالغانم صفاة الغانم صح ؟؟؟
*طالبة1990* رحت أبيات أثاثهم مو ذاك الزود ..
*law love* صاجة يا ختي أنا ما بي أستعيل بس قالولي عن محل بالشويخ اسمه شي وود ما اذكر بالضبط يقولون شغله مظبوط بروح أشوف ...
*ريشه123* بطلع مبجر اليوم وبحاول أمر هالمحلات برتبهم عشان لا أضيع وقت وسجل اسم المحل ..

الله يعطيكم العافيه يارب دعوااااااااااااااتكم :*****