ساعدوني بأفكار حق بنتي بليز عاجل

[توته79]

إلسلام عليكم بنات بنتي طالبين منهم بالمدرسه مسوين مثل أسبوع الفواكه والخضروات بيبون شي تلبسه فوق مريولها عن الفواكه والخضروات بس مو عارفه شنو أسويلها كاتبين أساور أو لبس فوق المريول حتى لو شي بسيط بس لحد يقولئ قبعه لأن سويتها العام بليز بنات اللي عندها فكره تسأعدني أهمه كاتبين التصميم متروك لكم

 

[توتا حمرا]

في اساور وتراچي لليهال على فواكه فراولة او توت مثلاً
او سكارف تربطينه برقبتها بصير حلو

 

[اترجة]

سويلها نفس لقلادة ليش ما تسويلها سله فواكة تكون مقضه على اشكال وبأعواد بتكون فنتق هم شي مفيد لطالبات ... اما افكار ما عندي لو لبس مو مريوول يمكن فدتج بأفكار حلوة ...

 

[اترجة]

قصدي لقلادة تكون من الجوخ بس حطيليها فواكة إلي تحبها من الجوخ على القلادة واكتبي بقوقل سله فواكة وراح يطلعلج فناتق نفس إلي يبيعونة تقدرين تشاركج فيه بنتوتج بيطلع حلو للمدرسه تاخذة توزعه شي مفيد ..

 

[توته79]

لان يبون شي يلبسونه طول الاسبوع سله. الفواكه تصلح يوم واحد

 

[جذابه بنت ذيابه]

لبسيها تراجي و اساور على فواكه

 

[رنيم الروح]

ممكن اطبقين صور الفواكه على تيشيرت تلبسه عن طريق الوان القماش او تستخدمي خامات او اكسسوارات تلبسها
ممكن تكون فواكه مجسمه وتسوين فيها تعليقه

 

[ناتشوو]

ممكن
وشاح
تلبسه
وعليه تلصقين صور او عينات فواكه

 

[ام رينـاد]

راي من راي ناتشو حلوه فكرتها

اخذي وشاح عادي وفنتكي عليه حطي صور فواكه وخضراوات

 

[.. Ro3a ..]

انا بعد اقول وشاح احسن للمدرسه
مع تراجي وتاج او باند فيه اشكال فواكه
اتوقع يطلع شكلها ذرب

 

[.. Ro3a ..]

هم في فكره طااحوا فيها بالقرقيعان من زمان ان تكون عينات
حلاويات تتعلق ع الثوب مثل البروشات بشكل عشوائي اكيد مار عليج عند الحريم بالمعارض
سوي شكل البروشات فواكه و مع التاج ،،،

 

[نانا28]

روحي بياع الورد بتلاقيين من الجوخ جنطه وسوالف تركيبات علي فراوله سوي لهها تاج وتراتي وباند وقلب والجنطه زاهبه واسعارهم مايكملون خمس دنانيير

 

[PuPa^^SWeeT]

سكارف احلى شي مع تراجي

 

[دلال و غلا]

اي سكارف عليه مثلا فراوله مع تراجي و اسواره ع فراوله
بيطلع كيوت