ساعدوني ان المفاجأه تعجبة

[مريامتي]

السلام عليكم ورحمه الله وبركاته


كيفكم صبابا ...

احتاج مساعدتكم في عيد ميلاد ريلي لان محتاااااااااااااااااااره ومو عارفه شاسوي

الله يسلمكم عيد ميلاده كان اخر الشهر اللي راح :eh_s(10):

انا طالبه من فتره هديته من النت وللاسف ماوصلت على الموعد المحدد لظروف خارجه عن ارادتكم انا كننت واااااايد منقهره ان يا يوم العيد ميلاد وانا ماعندي الهديه ولاسويت شي هذاك اليوم ولاحتى قلت له كل عام وانت بخير

وبعدها بكم يوم صادف عيد زواجي ال2 وماسويت شي بعد لان مومجهزه له ولاشي لان مافي مسافه بين العيد ميلاد وعيد الزواج ومو حلوه كل كم يوم كيكه وحلفه لاني مقرره اسوي شي كبير يوم عيد ميلاده تكفي عن المناسبتين:eh_s(17):

امس طرشوا لي مسج ان احتمال هالسبوع توصل الهديه وانا ماصدقت خبر ونعنشت:rerrerek:

انا شاريه كل شي من فتره ومخلصه الحمدالله بس باقي الكيكه وحجز الغرفه والبالونات والهديه اغلفها اذا ووصلت

خاطري اسوي هالمره ستايل البارتيات يعني بالونات وليزر واشياء مضيىه لان عيد ميلاده السنه اللي راحت كان عادي بس هدايا وكيكه صغيره حتى بدون شموع

الاشياء اللي محيرتني ...؟؟

:eh_s(2)::eh_s(2):
انا خاطري احجز غرفه في فندق لان الهديه ثمينه والتجهيزات اللي سويتها تعبت عليها ومنها تغير
ريلي دوامه عباره عن شفتات ممكن تصادف اجازته يوم نص الاسبوع ويوم من ال وويك اند او يومين نص الاسبوع بس مو ورى بعض
وانا موظفه اجازتي الجمعه والسبت بس دوامي ثابت من ناحيه الوقت

قلت بحجز غرفه وهو مايدري بروح من الظهر احط الاغراض فيها اللي هي : البالونات والكيكه والهديه وملابسنا وبعدها وبطلع

وبرجع بيت اهلي لان عندي بيبي واخلي عندهم وانا رايحه الدوام ف قلت حق امي قولي حق ريلي ان هذاك اليوم تبين البيبي ينام عندكم عشان انا وياه نروح بروحنا
بس المشكله شلون اقوله خلنا نروح فندق

؟؟؟؟؟؟؟؟؟؟؟؟؟​

دوامه يخلص 7 او 8 في الليل يعني مافي شي هالحزه في الفندق ماقدر اقوله مثلا خلنا نروح نعشى واصلا احنا طلعاتنا مع بعض مو واايد:eh_s(14):

رفيجتي تقولي قولي له من قبل انا بروح ويا ربعي ( سبا) في فندق واذا رحتي الفندق روحي الغرفه وجهزي كل شي وقبل لايطلع بساعه من الدوام اتصلي له قولي له اذا خلصت دوام مر اخذني لان رفيجتي مثلا عندها مشاوير او اي شي وماقدر اروح معاها وقبل لايوصل بشوي طرشي له مسج تعال الغرفه الفلانيه (وكتبي رقم الغرفه) ممكن هالفكره بس مو اكيد يواافق عليها ... اني اروح فندق

:bbbiu:



شووووورووو عللللللي

والشي الثاني اللي محيرني اذا دخلت انا وياه الغرفه شلون اشغل الشموع وهو موجود يعني اخليه ينطر برا شووي ولا شلون

:eh_s(10):
وبالنسبه للكيكه انا مسويتها نفس شكل الهديه من احسن اخلي الكيكه برا بنفخ الشموع وبعدين يفتح الهديه او العكس

انا اخاف لو اخلي الكيكه برا يعرف شنو الهديه لانها واضحه ووضوح الشمس

ولاني ناويه اصوره فيديو وهو يفتح الهديه... ابي اشوف رررده فعله

بليزز بنات سااعدوني حتى لو بافكار او اغنيه اشغلها له اول مايدخل

والله محتاره لاني ولامره سويت له عيد ميلاد كبير وترتبيباته كبيره نفس هالمره
ماعندي خوات استشيرهم الا وحده صغيره وامي مالها بهسوالف
​

 

[مريامتي]

شدددددعوه؟؟؟؟

 

[أنهار الكويت]

شوفي حبيبتي اذا عالشموع ترى عادي الروم سيرفز يشغلونهم لج طلبي منهم ان وحده مره ادش الغرفه وتبطلج الشموع قبل لا تيين او وحده من رفيجاتج تكون موجوده قبلج وترتب لج جو الغرفه عالطريقه اللي تبينها

اممممم وسالفه شلون تقوليله من الاساس انج مسويه حفله بالفندق ... في طريقه تقدرين من الصبح تنزلين سيارته وتحطين له باقة ورد او ورده وحده ويمها بطاقة دعوه وتكتبين فيها كلام حلوووو
يعني اهم شي ليما تقرا البطاقه انتي مو يمه يكون اهو بالسياره او انتي بالدوام وتخلينها له بالبيت

اووو انتي تسبقينه الفندق وتكونين بالغرفه لابسه ومجهزه الاجواااء كلهاا واطرشين له مسج حلووو مع اهدااااء ودعوه لحفلة عيد ميلاد .. دوري بالنت تلاقين وايد افكاااار لطريقة الدعوه للفندق... اذكر يتلي فتره وايد قريت فناتك بهالموضوووع من البنات بس نسيت وتبخرواا


واذا الاغاني على حسب جوج اذا كان فنكي او رومانسي ... على اساسه تحددين ... ماتحضرني الحين اغااااني


امممم وبعد شنوووو .... بس اتذكر لي فكره برجع للموضوع واكتبلج انشالله


بس حااااشني فضووول ... شنو هديتج لان عيد زواجي قرب وابي شي يديد ملينا من ساعه او عطر او بوك او قلم

بخاطري شي يديد

 

[Patcholli]

حبيبتي بالنسبه للروحه حق الفندق قوليله حبيبي انا عازمتك عشا بهالفندق بمناسبة عيدميلادك لان ماسويتلك شي ذيج المره واليوم بعشيك ومظبطتلك طاوله وجذي قصي عليه

بالنسبه للشموع تقدرين تشبينهم واهو قاعد اذا مو وايد
واذا وايد خليه بنطرج باللوبي قوليله مجهزتلك مفاجاه

بالنسبه للكيكه عادي كيفج انتي شوفي الانسب
معني مانصحج بتصوير الفيديو بس هم انتي حره
اتمني اكون فدتج عمري

 

[الـفـجـر الـبـعـيـد]

سهله ترى بس لانج اول مره فعشان جذي محتاره

انا اشوف انج تقوليله خل نروح نتمشى على البحر اذا كان الفندق

قريب منه او تعزمينه على عشا بالفندق

او كلش كلش تقوليله مسويتلك مفاجأة وابيك تطلع معاي من غير لا تسأل

عشان لا تخرب علي المفاجأة مره جذي سويت لريلي ودليته الطريج ليما

وصلنا المكان اللي ابيه وهو مو فاهم ومتشوق

والشموع تطلبين من الروم سيرفس يشبونها لج

والله يهنيكم

 

[Gifts&Occaions]

البنات كفو ووفو

 

[أكذب عليك]

عشان ماتنصدمين من ردت فعله بلغيه عن سالفه الفندق من الصبح اول مايروح دوامه
كتبيله مسج او مثل ماقالت انهار الكويت حركة البوكيه
منهااا بيتحمس ويضبط عمره


اما الغرفه فخليهااا ع الفندق احسن يبدعوووون لج او اذا تبين ع ذرقج سوي اللي يريحج


روحي واكشخي والكيكه لازم يشوفها قبل الهديه فاذا اقرين غيري شكلهاا احسن



والله يخليكم لبعض

 

[ليمونة وزيتونه]

upup

 

[مريامتي]

فددددددددددددددددددددددددددددددددددددددددددددددددددددددددددددددددددديتكم وايد فرحتوني
لا انا شاريه كل الاغراض عشان تجهيز الغرفه مابي شي من الفندق لان عيد زواجي اللي راح خليتهم هم يعدلون الغرفه وقت مااحنا كنا نتعشى كان زوين ماشي حااله
بالنسبه للي سالت عن الهديه انا شاريه له كيمرا خاطره فيها من زمان وسويت الكيكه على شكلها بالضبط عشان جي مابي احطها





واذا عندكم مسج اطرشه له من الصبح او فكره شلووون اقووله لاتبخلون علي
الكويتياات ماينشبع من افكارهم
او شلون اقوله خلنا نرووح الفندق؟؟

 

[مريامتي]

اللي قالت ماانصحج بتصوير الفيدووو


ياريت تقولي ليش ياني فضوول اعرف

 

[Patcholli]

لوول لا حبيبتي مو عشان شي بس انا اخاف من التصوير خاصه باللحظات الخاصه سواء بيني وبين زوجي او بيني وبين ارفيجاتي مادري سامعه ان الاي فون كل الصور والفيديوات يقدرون يهكرونها وتنسحب
وهم ماتدرين يعني التلفون يضيع او يطيح بيد احد ويكون فيه امور خاصه ..
بس عشان هالسبب لا اكثر ولا اقل ^_^ بس اذا انتي ظامنه تصويرج وان الصور محفوظه عليكم بالف عافيه يارب

اشرايج تحجزين ليموزين وياخذكم من البيت لي الفندق ؟؟ احس وناسه ^_^ كنت ناويه اطبقها باخر مناسبه بس للاسف يولنا ظيوف على غفله وتكنسل كلشي

 

[عسل مرت قيمر]

حلوه افكار البنات

 

[مريامتي]

لاحبيبتي انا ماراح اطلع في الفيديوووو بس بصوره وهو يفتح الهديه

لامستحيل اصور اشياء بيني وبين ريلي بعد الواحد يخاااف



وان شاءالله اذا قدرت بنزل صور الغرفه هننني


يلا ساااااااااااااعدوني بليزززز

 

[بدويه ستايــل..]

اب اب اب اب اب

 

[مَ لغيرك مجال]

up

up

الصرآحه الاخت انهار مااقصرت
الله يخلييكم لبعض

 

[emiemi]

الله يخليكم لبعض يااارب
عاد تدرين انا ودي اسوي جذيييه بس مايرضى
كله بلبيت ريلي حلوه فكرة الفندق والبطاقه شكلي ببوقها منكم