ساعدوني انه في نار تاكلني

[الريشة]

التزمي بالقرآن مع العلاج مو بس علاج بروحه
الظاهر انا سويت دعاية على د/ محمد قطب
لأنه وايد شاطر و متدين جربيه مع قراءة القرآن و الصدقة
25641234

 

[الست اصيله]

ياعمري لاتيأسين رحمهة ربج واااااااااسعه

 

[نيبال الايمان]

اختى الغالية لا تقنطين من رحمة ربج وترى الرزق من الله الواحد الاحد وضدقينى كله اختبار من الله بس اهم شى لا تياسين من رجمة الله ان رحمته واسعه كل شى وصدقينى خيرة جايز احنا نقول وين الخير فى حرمانا من هالنعمه بس ما تدرين ربج وين حاط الخير لنا عيل شتقولين عنى انا انا صارلى 21 سنة زواج وللحين الله ما رزقنى بالخلف والحمدلله 000
اختى الغالية جربى هالطريقة انا تونى قاريتها بهالمنتدى وهو التبخير بالشاى الاخضر من خامس يوم الدورة لمدة ثلاث ايام ونطرى 3ايام بعدها بدون جماع وبعدها عادى وترى راح ينزل منج بلاوى ووسخ لا تخافين وعسى الله يرزقج ويرزقنى ويرزق كل محروم ومحرومه منهم امين يارب ولا تنسين كثرى الدعاء والاستغفار وحاولى تقيمين الليل وتكثرى الدعاء وانشاء الله يارب اسمع بخبر حملج يالغالية

 

[ام_مرام]

يا عمري حطي في بالج انه مو انتي بس اللي عايشه هذا الوضع
شوفي غيرج و قولي الحمدلله ... احمديه على كل شي
و ان شاء الله راح يرزقنا عن قريب
سافري علاج للخارج و جربي كل الدكاتره
الحين الكل يمدح دار الشفاء

 

[Million.star]

انه استغفر الله العلى العظيم وصلت الى مرحلة اليأس من الحياة بدون أطفال وقلبي مايستحمل تعبت بكل ماتعني هذي الكلمه من معنى وزوجي مايفكر بالعلاج وانه تعبت من كثر ما أتنقل من دكتور الى اخر نفسيتي واصله الارض ودي اصرخ بكل مافيني من قوه مابي اعيش من دون طفل يملي على الفراغ خصوصا واني متزوجه كويتي وانه خليجيه والوحده ذابحتني

مرحبا....
انا اقول قعدي مع نفسج و تخيلي نفسج في سن الياس.... و انتي من غير يهال... و الزوج حزتها ما راح ينفعج... قعدي معاه و صارحيه ,, اذا شفتيه مو متعاون و مايبي عيال اهني انتي فكري و حطي حل حق نفسج......

تحياتي

 

[ضوى حياتي&]

صدقيني ياحبيبتي ان الله اذا احب عبد ابتلاه 00 الله انشاءالله يحبنا عشان جذي يبي يسمعنا واحنا نترجاه وندعيله ومالنا الا الصبر والدعاء شنسوي مابيدنا شي وسواة الله ابرك من كل شي 00انتي بس كثري من الاستغفار وحاولي تستغفرين 1000 مره باليوم واكثر بعد واقري سورة البقره كل يوم واذا رحتي حق ابو طلال قوليله ابي خلطة الرومي السدر مالت العين والحسد واغتسلي فيها انتي وزوجج 7 ايام واقري بعد الفاتحه 7مرات واية الكرسي 7مرات كل يوم وطبعا مع الاذكار بعد الصباح والمساء والله كريم انشاءالله بيرزقج وبيرزقنا معاج بعد00
بس مالنا الا الصبر ياخواتي الصبر ثم الصبر ثم الصبر -وحاولوا ياخواتي انكم تبتعدون عن موانع استجابة الدعاء00 وموفقين انشاءالله

 

[ryo00f]

ولا تيئسوو من روح الله

 

[om_7mood]

الله يرزقج ويرزق كل وحدة خاطرها بياهل
والله يفرح قلبج وقلوبنا يارب

 

[خوختي دنيتي]

ربي يرزقكم كلكم بالذريه الصالحه ويفرح قلوبكم هاذا ابتلاء بيشوف الصبر فبعدي عن اليأس وكثري من الاستغفار

 

[أسيل]

العني ابلييييس واشغلي نفسج في اصلاح ذاتج يمكن تكونين مقصره بشي من حقوق ربج ودينج عليج اصلحي الذات وتصدقي

وادي ما عليج من زكاة واتمي اركان دينج كلها واذا ماحجيتي حجي واعتمري وانسي الحمال شوي والهي نفسج بما يرضي

الله واكفلي يتيم واقيمي الليل واستغفري واقرئي سورة يس والبقرة ومريم وآ’ل عمران والمعوذات وراح تشوفين نفسج سعيده

بأذن الله ومقبله على الحياة من جديد وترا اللي ذكرته كله من اسباب استجابة الدعاء ولا تنسين اطهرين نفسج من البغضاء

والحسد والغيره لأنها اساس الفتن وهالصفات تمر على الحريم بفترات ولكن علينا تجاوزها وتطهير نفوسنا منها