ساعدوني الناظرة والوكيلة يبوني اغير مكتبي غصب طيب

[om-zoozoo]

بنات اكتب لكم موضوعي هذا وانا نفسيتي حدها تحت الصفر

مشكلتي بكل اختصار باني شريت مكتب يديد لي .. وياريتني ما شريته
من اول ماشريت ليما الحين وانا مو مرتاحة من الغيره والحركات الي مالها معني
ومطنشتها ومكبره مخي ومو فاضية لحركات الحريم هذي ..

لاكن اليوم تيني رئيسة القسم تقولي الوكيلة والناظرة اليوم مرو القسم وشافو مكتبي وقالو لها خليها تغير مكتبها !!
فهالشي سبب لي علامة استفهام قويه براسي !!

شكو يقولون غيري مكتبج .. وياريت السبب مقنع .. والله صج ضحكني السبب حيل
لانه وبكل بساطة السبب ينحصر بهالنقطتين :
1- مايجوز معلمة مكتبها غير عن مكتب زميلاتها يعني نوع من العدل وماتبي تسبب حساسية بين المعلمات .
2- مايصير بما اني معلمة بهالمدرسة اني استخدم اشياء مو من وزارة التربية لازم الي يايبته الوزارة احنا نستخدمه ومايحق لنا انا نشتري مكاتب لنا.
3- يقولون شلون تدخلين شركة المدرسة بالعطلة علشان يركبون لج المكتب ؟ علما بانه المعلمات 24 ساعه ايون المدرسة بالعطل ويحطون شغلهم ومحد تحجي ؟؟

مو ناقص الا يقولون نوحد الزي للمعلمات علشان هالاسباب التافهه السابقة !!!

بنات انا مكتب والله الحمد ما شاءا لله راقي حيل مساحته 150 وغرفة القسم راهية وكبيرة ,, يعني مكتبي مومضيج علي احد ولا يحزنون , وانا والله بالاساس شريته مو علشان شكله شريته علشان يكفي ويوفي وسائلي التعليمية فقلت بالمره خليني اشتري شي يسوي يعيش معاي بالسنين .

فهل يحق للوكيلة والناظره تصدر امر بتغير مكتبي بشكل اجباري ؟؟
وبحالة اني مارديت عليهم ولا رضيت اغير مكتبي لانه مكلفني ماديا .. شنو ممكن تسوي الاداره لي
وهل يحق لي اني اشتكي علي الادارة عند وزارة التربية ؟

تحياتي لكم

 

[درة أهل الطولات]

رد : ساعدوني الناظرة والوكيلة يبوني اغير مكتبي غصب طيب

لا ما يحق لهااا

واصلا الوزارة ما يصرفون لنا مكاتب

الا بواسطه

 

[om-zoozoo]

تسلمين يادرة علي ردج
up

 

[توتي فروتـي]

رد : ساعدوني الناظرة والوكيلة يبوني اغير مكتبي غصب طيب

.................................


......................

.......


:eh_s(10):
/



الله يعينج

 

[ضايعه بالطوشه]

رد : ساعدوني الناظرة والوكيلة يبوني اغير مكتبي غصب طيب

يالله عفنا و اعفي عنا

حبيبتي اذا قالوا لج شيليه قولي لهم وين النشره الى تمنع ان المعلمة تشتري مكتب ... اذا يبتوا النشره من الوزارة معتمده اهنيه اشيل مكتبي ........

على فكره الناظرات يخافون لما احد يقولهم بروح المراقب و اسال عن الموضوع ...

والله يعينج

 

[نونا 3000]

شكو فيج اهم اكيد احد محرشهم عليج

 

[om-zoozoo]

تسلمون خواتي كلكم علي ردودكم علي موضوعي
والله يبرد قلوبكم مثل ما بردتو قلبي بردودكم لاني حدي منقهره منهم

انا متاكده انه الي محرش المديرة والوكيلة رئيسة القسم
لعدة دلائل واشياء صارت واثبتت لي

لاكن اهي حفرت لي عند الادارة من وراي علشان بالاجبار يغيرون مكتبي
ويتني تسوي عمرها المسجينة الي تبي مساعدتي وحاولت بانه الادارة يغيرون رايهم بس ما قدرت تغيره

واهي سوته بدون ما تبين لي بقمه الذكاء والخباثة
وانا ماقدر اقولها انه انتي وره هالسالفة واني كشفتج
لازم اعاملها بنفس اسلوبها

علشان جذي قررت باجر اني ارفض اني اغير مكتبي
وبقولها مثل ما قالت الاخت اذا فيه نشرت من الوزارة بجذي انا بغيره
علشان يخافون ويسكتون وعلشان رئيسة القسم تتادب وتعرف انه الله حق

بس اخاف فيه لائحة قانونية ولا نشرة تجيز للمديرة بانه ىتغير مكتبي
علشان جذي بتاكد منكم هل فعلا فيه قانون ولا نشرة تجيز بتغير مكتبي ؟؟

وانا من كل قلبي اقول
حسبي الله ونعم الوكيل فيها
وربي يرد كيدها وغيرتها وخبثها بنحرها ياااااااارب
وينصر كل مظلوم

 

[اتعطر من وجودك]

رد : ساعدوني الناظرة والوكيلة يبوني اغير مكتبي غصب طيب

والله سالفه شيلي مكتبج ماخذة من حلالهم شي
وسالفه العدل ماتجي الا بالمكاتب يعني سبحان الله خوش شي
مااقول الا هذي التربيه وخياسها الله يعينا عليها
واهم شي لاتسكتين لهم
اب عشانج

 

[اتعطر من وجودك]

رد : ساعدوني الناظرة والوكيلة يبوني اغير مكتبي غصب طيب

والله سالفه شيلي مكتبج ماخذة من حلالهم شي
وسالفه العدل ماتجي الا بالمكاتب يعني سبحان الله خوش شي
مااقول الا هذي التربيه وخياسها الله يعينا عليها
واهم شي لاتسكتين لهم
اب عشانج

 

[sweet^__^]

صباح الخير يااحلي معلمات
حبيبتي بالنسبه لموضوعك اناسألت رفيجتي لانها موظفه. في الشئون القانونيه
وتقول الله يعينكم علي التافهين المهم مو من حق الناظرة تدخل بخصوصيات القسم
ثانيا يمكن هذا الكلام من رئيسة القسم وهذي حركات لف ودوران منها
ثالثا اصلا المكتب اللي توفره الوزارة للمعلمات يعتبر عهده لازم تحافظين عليه واسألي أمينات المخزن عندك في المدرسه ومثل مانعرف ان العهد اختياريه وليست إجبارية ...........
وأخيرا وليس آخراً طنشيييييييهم:eh_s(8):
تأخرت علي دوامي عشانك موضوع يرفع الضغط:rgewrg:​

 

[sweet^__^]

صباح الخير يااحلي معلمات
حبيبتي بالنسبه لموضوعك اناسألت رفيجتي لانها موظفه. في الشئون القانونيه
وتقول الله يعينكم علي التافهين المهم مو من حق الناظرة تدخل بخصوصيات القسم
ثانيا يمكن هذا الكلام من رئيسة القسم وهذي حركات لف ودوران منها
ثالثا اصلا المكتب اللي توفره الوزارة للمعلمات يعتبر عهده لازم تحافظين عليها واسألي أمينات المخزن عندك في المدرسه ومثل مانعرف ان العهد اختياريه وليست إجبارية ...........
وأخيرا وليس آخراً طنشيييييييهم:eh_s(8):
تأخرت علي دوامي عشانك موضوع يرفع الضغط:rgewrg:​

 

[قمورهـ]

رد : ساعدوني الناظرة والوكيلة يبوني اغير مكتبي غصب طيب

صج حركات حريم ناقصات عقل!!!

شكلها رئيسة القسم محتره عشانج خذيتي الاضواء منها وصار مكتبج حديث الكل

والله احلف انها ميته قهر

صج هبله

والله يعينج على هالاشكال :eh_s(4):

والبنات عطوج الحل وبشرينا شصار معاج :eh_s(7):

 

[ألايانفس......]

مو بكيفها ...!!!


حبيبتي أآنا خالتي مدرسة دقيت عليها وسألتها بخصوص موضوعج

جان تقولي أآصلا مو بكيفها لاهي ولاالوكيلة ولا رئيسة القسم تجبرج تشيلين مكتبج لان هذا الحين من ملكيتج الخاصة
حسبي الله عليهم من حريم مايخلون أآحد بحاله ,,,,قطيعة

 

[بدووورة]

حبي اانا بثنوي وانا اللي شارية مكتبي ولا ازيدج الشعر بيت انا وزميلتي شارين مثل كبت (كتبة ) نحط اغراضنا فيه شكووو اها مالهم شغل لا تغيرين وعطيهم طاف

 

[قـہۈه فـرنسيـہ™]

الحمدلله والشكر ...لوو المكتب كبييير ومضيج عليهم صح ...بس في هالحاله مو شغلهم ...

 

[أميرة 22]

الحين هم يبون يوفرون ويجيبون لج مكتب أو لأ ؟؟؟؟؟؟؟؟؟؟

وبصراحة ما يصير الابله تشتري لها مكتب وين امينات المخزن !
والمفروض اي معلمة جديدة يجيبون لها مكتب

مو انا اجي واشتري حتى مكتب من فلووووووووسي وين قاعدين !

افففففف يا كرهي حق معلمات الثانوية من ناظرة ووكيلة ورئيسات قسم

الله يعينج !

 

[Om Ali 86]

اهما شكوو
انا مكتبي شريته بروحي لانهم ما يوفرون مكتب
لازم حنه و رنه و كل يوم تروحينلهم عشان اييبولج المكتب
و مكتبهم كلش مو عملي بشهادة اللي جربوه

بس ياريت تصوريلنا المكتب و تورينا اياه
خل نشوف المكتب اللي محترين منه p:

بس ديري بالج لحد يشوفج و انتي تصورينه بعدين يقولون مستانسه بمكتبها

 

[Turquoiseya]

قولي لها اقلبي وجهج
اصلا ماتقدر اتسوي سالفة على مكتبج
مو من حقهم يتدخلون في اغراضج
واذا طولوها معاج 00 روحي اشتكي عليهم

اهب بعض الحريم 00 الخساسة مايخلونها
شقالوا00 قالوا العدل بالمكاتب 000 خلوا الاساسيات وقعدوا على سالفة هالمكتب
اما في التقارير مادري وين يضيعون ( العدل )

 

[ايمان_مشرف]

رد : ساعدوني الناظرة والوكيلة يبوني اغير مكتبي غصب طيب

:3lm1:
((اســأل مجــرب ولا تســأل طبيــب ))

_________صارت وياي نفس سالفتج ... ولو ترجع الايام .. ما شترت مكتب الوزير !!

** تاكدي الناظرة مالها شغل و ما دزت لج استفسار بنفس اليوم لان المكتب حق لج .. ومستمسك على ادارة لاتوفر المكتب لج .. ممكن تكون متعاطفة ويا رئيسة القسم .. وتبي تفتك من اللويه .

** (ركزي ويااااي ) مشكلتج :___ ويا اللي ما عندها ثقة بنفسهااا( رئيسة القسم) .. انتي احرجتيها.. ( بدون قصد منج ) ..

مــع اي زائر للقسم ..من موجهين وزملاء يقولون.. لرئيسة القسم : ""هذا المكتب لمنو لج يا أم الخلاجين والا للذرابة .. لأم زوزوووو "" وممكن كل يوم تسمعها حتى لو انتي ما سمعتيهم يقولونها !!

** المشكلة حلها بتفهجم وتقبلج _ بتواضع شديد _ لوضع رئيسة القسم ! واعتقد الحل :___ هدية منج لرئيسة القسم .. برواز ينحط عـــ مكتبهااا يوضح ان هذي الزعيمة..مكتوب فيه : رئيسة القسم .. اووووو عصاية مكنسة عليها لــــوحـة ( هنا رئيسة القسم العظيمة)

** قانونيا .. ممكن تحطين كبت ست ابواب .. بعد ابلاغ الادارة .. ويصبح مكتبج الخاص من عهدة المدرسة .. واذا بتنقلين مدرسة ثانية .. تعطيج الناظرة ورقة لحارس المدرسة تنقلين فيها المكتب .. ( واعتقد حتى الناظرة ما تعرف هالشي)
** تعاملي مع المشكلة بهدؤ وتعقل .. ( فمن يخسر رئيسة القسم .. يخسر الناظرة .. ثم يخسر التوجيه .. ثم يخسر الامتياز .. وبالتالي تخسرين نفسيتج وتتعبين عشان مكتب متر ونص )
وبنفس الوقت لا تستسلمين وتضعفين .. حقج.. تعاملي بشجاعة وبسالة .. وذكاءءءءءءءءءءءء

 

[بنات حواء2]

يالله
مو انا شنو كرهني بتدريس غير بعض المدرسات
ليش الحسد ليش الغيره ليش ما نحط ايدنا بيد بعض و نقدم جيل المستقبل
و نتنافس بإيجابيه و حب و وود
و يفلحون اعيالنا و نرتقي
مو نحط عينه على مكتب
و الله حبيبتي الله يعينج على هلاشكال
الحمد لله انا اشكر ربي انه رئيسه قسمي كانت ذهبه بالميداني الله يوفقها يارب و حقانيه
و الله يطول بعمرها