ساعدوني الله يوفقكم ويرزقنا جميعا بالذريه امين

[الم عشناه]

السلام عليكم خواتي بس طلبت مساعدتك اذا ماعليكم امر
انا دورتي خفيفه مره تجي اول يوم نزيف وثاني يوم خفيف وبعدها مافيه شي لين اليوم السادس وبعدين تجي نهاية الدوره عزكم الله وبعدين علامة الطهاره يعني مره اطهر سابع يوم ومره ثامن :0bee2e8d89:
مدري هل هاذا طبيعي ولا فيني شي مع اني رحت ممرخات ومستشفيات قالو مافيك شي :0bee2e8d89:
واناس قالو يمكن انك نضيفه مافيه دم
ارجو منكم خواتي المساعده من منكم يحصل لها كذا الله يوفقكم ويرزقكم؟؟
مع العلم ان لي 12 سنه ماحملت ادعولي الله يخليكم:0bee2e8d89:
مشتاقه اصير ام :0bee2e8d89:

 

[أسيل]

مرحبا اختي

ماتشوفين شر ان شاءالله

انت متى صار معاج جذي توه الحين متغيره معاج

انا ماصار معاي نفسج الحين الا بعد قيصرية الولاده والقيصريه مرات تسوي التصاقات ومع الالتصاقات تتغير الدوره معاج وانا معاي التصاقات انت مسويه قيصريه علشان شغله معاج راجعي دكتوره شاطره وشوفي شتقول عندج خالده المجيبل برويال حياة رووووووووووووعه.

 

[عسووله]

على قوله اختي اسيل انتي راجعه دكتوره واستفسري منها مو خسرانه شى والله يرزقج ويرزقنا جميعا يارب

 

[احبج يا الكويت]

يارب يرزقج ويترس حضنج عيال ويعوض صبرج خيرانتي وكل وحده تبي الحمال يارب

 

[الأمل باقي]

ياعلج اتشوفين الضنا.... آمييييين ياااارب العااالمين

 

[المهذبه]

الله يرزقج

 

[اهـات]

اختي يمكن معاج سدد ماتخلي الدوره تنزل عدل

انصحك تاكلين 7 حبات تمر مع كاس ماء وتغلينه مع بعض وتشخلينه وتاخذين الماء التمر وتظيفين له ملعقه زيت زيتون وملعقه رشاد

اول ثلاث ايام الدوره او من ثاني يوم للدوره لمده ثلاث ايام

وتقديرن تسوين هالخلطه لمده شهرين او ثلاث


اهم شي على الريق



هذي وصفه اخذتها من وحده للى دورتهم ماتنزل عدل


وما شاءالله من ردود البنات ان نزال وياهم شغلات على كبر الكف اليد

وبعضهم حملوا ماشاءالله


ان سويتها بس مانزال معي شي يعني مافيني سدد


انتي جربيها اذا انفعتك ماتضرك


والله يرزقج بذريه الصالحه