ساعدوني الله يعافيكم بنتي فيها ماي براسها بكميه كبيره ونزيف

[حصة اللولو]

السلام عليكم ورحمة الله وبركاته


لما وصلت للشهر الثامن واسبوعين كان كل شي طبيعي وفي اخر موعد اكتشفو ان براس الجنين
نسبه كبيره من الماي ونزيف فضطرو انهم يسوون لي قيصري لان النبض بدا يضعف



ولما ولدتها قيصري
طلع فيه كميه كبيره من الماي وواضح من حجم الراس وفيه نزيف
ولحد الحين هي عندهم بالمستشفى يتابعون حالتها
وماسوو لها عمليه لانهم يبون اول شي يوقف الزيف تماما

والحين يسوون لها الاشعه الصوتيه والاجراءات وحالتها على كلام الدكاتره مستقره والنزيف بدا يقل نسبته بس السؤال

شنو التأثيرات اللي ممكن تصير على بنتي

اذا احد يقدر يفيدني او ينصحني بشي
انا بالسعوديه وصاحبة النك الله يعافيها ساعدتني وكتبت لي الموضوع
لاني حيل محتاره ومادري شنو اسوي

 

[تم مشاري]

السلام عليكم
عسى الله يشافي لج بنتج شوفي حبيبتي الاجراء الي راح يسوونه اذا بنتج خف منها النزيف يركبون داخل راسها انبوب عشان يقلل من كمية الماي بالراس هذا راح يكون دائم داخل الراس عشان يوازن كمية الماي بالجسم

واان شاء الله تكون كمية الماي مو مأثره علي المخ
بالمناسبه اسم المرض الاستسقاء الدماغي وتقدرين تدورين عليه بقوقل

 

[الصابرة المحتسبة]

وعليكم السلام

عسى ربي يشافيها ويعافيها

عني ولدي فيه استسقاء بالراس وحالة عن حالة تفرق

وان شاء الله هالموضوع يفيدج

كويتيات الإستسقاء الدماغي(الصلب المشقوق -الشنت)معلومات متجددة

 

[حصة اللولو]

مشكورين ماقصرتو والله يشافي عيالنا يارب ويأجرنا فمصيبتنا

 

[koky alnassar]

حبيبتي نفس اعاقتي بس انا زياده اشياء ثانيه

رحت روسيا مثل ما قالت الاخت ركبو لي انبوب من راسي لمعدتي لفتره و شالوه
بس ان اضل تحت الملاحظه كل فتره لين 18 سنه يعني محد يطقني على راسي حيل و ما اصخن وجذيه وانا الحين 15 سنه و ممكن اصير عميه بعد فتره طويله طويله و الحمدالله انا الحين بصحه و عافيه و الحمدالله على كل حال

 

[ميس المشاعر]

الله يشافي كل المرضى يا رب ويجعلهم بصحة وعافية
وما عندي فكرة عن الموضوع
بس قلت ادش بدعوة حلوة

 

[الرهيبه]

آسآل آلله آلعظيييييييم ان يشفيها
آسآل آلله آلعظيييييييم ان يشفيها
آسآل آلله آلعظيييييييم ان يشفيها
آسآل آلله آلعظيييييييم ان يشفيها
آسآل آلله آلعظيييييييم ان يشفيها
آسآل آلله آلعظيييييييم ان يشفيها
آسآل آلله آلعظيييييييم ان يشفيها

 

[ام متلق]

الله يشفي بنيتج بارب وبفرح قلبج بسلامتها امين

 

[الذوق]

انا شفت حاله جذيه وما شاء الله عمره اللحين خمس سنين ويمشي ويقعد ومافيه الا العافيه صح تاخر بس نعمه وبصراحه انا ما شفته يتكلم عشان احكم على قدراته العقليه بس بعد اهو ما يسمع ومركبين له سماعه وللحين الانبوبه فيه .

 

[الذوق]

والله يشافيج ويعافيج اختي كوكي وتكبرين بصحه وعافيه ترى الدكاتره بس يعطون توقعات يمكن تصير ويمكن لا لا تحطين في بالج سالفه العمى ..

 

[om batool]

الله يشفيهااااااااااا يارب

 

[سمسومه الحبوبه]

الله يشفيها ويحفظها لك ولايوريك فيها مكروه

 

[q8ihome]

عفوا انا اخصائية امراض نفسيه وعصبيه
ونصيحتي لا بجوسونه وسفريه على حساب الدوله علاج بالخارج الي امريكا او لندن افضل ولو ان مستشفى ابن سينا زملاء لي لكن لا انصح بهم , والخيار لك وهذه شهاده وسوف اتحاسب بها بقبري ... وافضل له عملية بيبي شنت . لا يوجد حل له والله يشفيه ​

 

[الصابرة المحتسبة]

بشرينا

 

[@شمس الضحى@]

شصار على بنيتج بشرينااااا

 

[بنننت حزينه]

الله يكون بعونك

 

[امـونه]

الله يشفيها يارب

 

[المهندس11]

اللهم شافها و عافها

 

[سمو الغلآ]

ولد. أختي نفس الحاله عسسئ ربي يشأفيهم ويشافي جميع مرضى المسلمين.

سوت عملتيه. بالسعودي الألمااني ماشاء الله شطاار



ونصحيه إذا بتودينهاا براا لا تؤدينها لندن.