ساعدوني العرس يوم الخميس= مكياج لنفنوف أزرق غامج ( جويتي )

[دكتوره شيخه]

بنات عفيه لحقو علي حدي متوهقه وخاايفه ومتصروعه :\
الله يسلمكم عرس اختي يوم الخميس وانا نفنوفي لونه ازرق غاامج علي قولتهم (جويتي) وفي ناس يسمونه(نيلي) وانا اللي تنيلت وتوهقت خاايفه من المبك اب لاني انا كلش ما اعرف بالميك اب قلت محد راح يساعدني غيركم قولولي شنو اهبب شنو اخليهم يحطولي اي لون اي ميك اب
لا تحقرررررررررررررون وردووووو ضروري :s141:

 

[كويتيه احب الكشخه]

رد: ساعدوني العرس يوم الخميس

حطي اسود وسلفر ودخلي الازرق (الجويتي ) معاه يطلع ذرب
او حطي النيلي مع الكحلي الغاامق الي يجي مايل للاسود
مع حمره فوشي
واذا تبين شي وااايد ناعم وراقي سوي سموك نفس هيفا

 

[zeze_]

رد: ساعدوني العرس يوم الخميس

حطي ازرق معا بنفسجي لانه نيلي

 

[دمـعـ غيـوم ـة]

رد: ساعدوني العرس يوم الخميس

وردي مع سلفر خفيف شدو

والروج وردي صارخ
لا تحاولين تكثرين ميك أب وتدمجين كثير الوردي يكفيك ويطلعك نايس

 

[3so0ola_94]

رد: ساعدوني العرس يوم الخميس

الشدو :سلفر وأسود وكحلي
الحمرة :يا أحمر أو فوشي

 

[Mrs_Orchidia]

روحي ليلى هارموني و يبدعون باللوك من غير لا تقولين شي و موفقين ان شاءالله

 

[دكتوره شيخه]

انزين بسئلكم بنات اذا حطيت درجات الرمادي بالسموكي يطلع زين ولا يطلع خراابيط :\

 

[miss h]

رد : ساعدوني العرس يوم الخميس= مكياج لنفنوف أزرق غامج ( جويتي )

حبوووبة اذا تبين حطي شدووو رمادي خفيف ودمج بالغااامج وايلاينر وتطللع العين احسن

وحمرا وردي او فووشي لانة راح تروح لونة بالعرس

ورووحي ليلي هارموووني يطللعونك تهبلللللللللين وعن تجربة

 

[^نوف^]

رد : ساعدوني العرس يوم الخميس= مكياج لنفنوف أزرق غامج ( جويتي )

مثل ما قالوو البنات الشدوو سلفر واسود والحمره وردي او فووشي تطلع تهبل

 

[miss.eng]

الوردي الفاتح حلوو .. بما انه لون لبسج غامض فتحي المكياج شوفي بعرضلج جم صوره مع الملاحظات :hjy5jewf:

هذي اكثر شي عجبتني حمرتها بس الحواجب موحلوين والرسمه انا احب انعم من جذي

هذا حلو وايد بس اذا بتحطين شدو خففي درجه الوردي لان هذا غامج حطي افتح منه عشان يصير طبيعي والحمره اذا بتغمجينها يكون احسن

مادري مولاقيه لج صوره تشابه الي في بالي بس اتمنى انج فهمتي علي وبحط لج صور على اللون الازرق يمكن تستفيدين منها :hjy5jewf:

ما ادري حسيتهم اوفر يمكن اول وحده حلوة على فكره تقدرين تحطين حمره حمره وترسمين عينج بالسلفر وتدخلين اللون الاسود مثل الصوره

توني بغيت انزل الرد جان اشوفلج صوره ثانيه ههههههههههههههه

ما ادري هذه اعجبتني يمكن تعجبج ناعمه حييييييييل وتقدرين تغمجين لون الحمره عشان يتوازن المكياج مع لون لبسج :hjy5jewf: وبالنهايه سوري طولت عليج :blueSmCLR:

 

[سعودية تموت بأهل الكويت]

انا لو لون لبسي نيلي راح احط حمرة فوووشية لااامعة
وراح ارسم عيوني من داخل ابيض طبعا من تحت وارسم عليهم من تحت بكحلي او نيللي

ومن فوق اي لاينر عاادي رسمة القطوة واضبط حواجبي وبسسس

ماراح احط شدوو او شيء يكفي القلم الكحلي تحت والروج الفوشي اللماع يطلع حلوو مررة مع النييلي

هذا رائي وانتي بكيفك

وان شاء الله تصيرين حلوة ياارب

 

[Natasha]

البنات ما قصرو

وانا من رايي شدو اسود وفضي وتدمجين معاه لون نيلي وحمره وردي بس احسن يكون الميك اب ناعم مو صارخ

 

[بطوطة @]

الناس اذواق
عجتني هالصوره حاطتها الاخت MISS-ENG
بسويها بعرس ولد عمي الاسبوع الياي :friends:


شوفي الصور وايد حلوين بس عفيه لا طالعين الويه خخخخخخخخخخ بس شوفي المكياج والله عجبيني

هذي هنوده تهبل


وهذي خلي الجمال على صوب ههههههههههه بس مو المكياج حلو<<< ترى حيل حيل اوفر


وهذي عجيبه على حمره ودرديه باربي واااااااو صج صج حلوه



وان شاء تطلعين احلى وحده بالعرس

 

[Gypsy Style]

روحي الصالون وريحي نفسج
في صالونات اسعارهم معقولة وشغلهم نظيف
بس اذا مصرة بتحطين بالبيت
امممممم ... طبعا على حسب شكل العين
اذا كان جفنج فيه مدى حق الشدو انا اقول جويتي وسلفر وطبعا الاسود لااااااااااازم ومن تحت العين دمجي الاسود الجويتي
واذا سويتي جذي خلي الحمرة فاتحة
واذا جفنج مافيه مدى للرسم والشدو
حطي الشدو الابيض على صدفي على كامل الجفن لي تحت الحاجب وخط بسيط بالايلاينر على اطراف الرموش بعدين روحي حدته بفرشة او اسفنجة ضعيفه
ومن تحت العين كحلي بس منثور لا يكون خط سيدة واضح .. وبزاوية العين الداخليه حطي نفس الصدفي اللي فوق العين
وكثري من الماسكارا

 

[Gypsy Style]

نسيت اقول لج اذا سويتي اللوك الثاني خلي الحمرا غامجة .. فوشي او الوان العنابي يطلع شكلج وايد راقي

 

[شمرية مزيونة]

حبيبتي حطي شدوه اسود بسلفر وازرق مع الحمرة حمرا
او ازرق مع بنفسجي والحمرا بنفسجي فاتح
ازرق وردي الشدوا ازرق
والحوره فوشي كرزي
بعدين نفنةنج بس ازرق كحلي شنو معاه ازرق ولا ذهبي الشك ولا الشوارفسكي اي لون اذا فضي انا افضل ازرق مع سلفز بكحل اسود والحمره حمرا

 

[ريماس21]

رد : ساعدوني العرس يوم الخميس= مكياج لنفنوف أزرق غامج ( جويتي )

شووفي على حسب عينج يمكن انتي مااينااسبج الغامج من بداية عينج انتي تعرفين لعيوونج عدل

وان شااء الله تطلعين توووب

 

[دكتوره شيخه]

انا نسيت اقولكم اني بروح صالون بس هم خاييفه لا اهيا تهول فيني فاابي اعرف شنو احط عشان اقولها ومشكورين حبيباتي احبكم وعسى ربي ما يخليني منكم:fun:

 

[miss.eng]

بطوطه :******

دكتوره اخذي صور وريها عشان لاتهول فيج :jumpon:

 

[! هُوْ وِينِه !]

نفس آلآزرق إلي حطته آلآخت إلي حآطة وردة بتسريحتهآ حلو
آو سوي جويتي وآدمجيه مع آلآسود يطلع رهيب آنآ قبل سويته