ساعدوني اعدل ولدي

[رمضانه]

السلام عليكم :eh_s(7):



بنات عندي ولد عمره سنتين و8شهور عنييييييييييييييييييييييييييييييييييييد واول حفيد والكل يدلعه
ويبي الاشياء اللي عند اليهال والمشكله اذا ماعطيته يظل يبجي ويصرخ ويطق روحه ومايسكت الا لما اعطيه بتقولون حقريه حقرته وايد والمشكله اني ماقدر اخليه يبجي وايد مو زينله مسوي عملية فتاق قبل سنتين والحين في فتاق بالسره ولازم يكمل 4سنين عشان نسويها:eh_s(11):

مثلن شاف ايبود عن اليهال واهوه هم عنده يقط ماله ويبي ملوت اليهال :eh_s(2):

وترا مايتكلم الا اشياء بسيطه وبالغصب لانه لسانه ثقيل مثلي وييت بعلمه عالحمام مايعرف يقول ولا ايي يمسك ايدي ويوديني يلعب ويسويها بروحه منخش كالعاده طبع اليهال

وعصبي وانا تعبت معاه ازف اطق على ايده هم يسوي الغلط ويضحك حسباله العب معاه

شسوي مع هالولد ؟؟؟؟؟؟:bbbiu:

 

[اوتار حساسه]

مادري والله بس دخليه حضانه وخليه يلعب باشيااء فيها حركه يمكن تخفف من عصبيته واترك الباقي للامهات الخبره الله يحفظه لج

 

[انسام الكويت]

والله مادري ماعندي خبره بالامور بس اذا بجى واذاج حطي

بحلجه فلفل او دقوس خلي ينقرص من حرورته وعقب كل

ما يا يبجي او يأذيج هدديه ترا اييب الدقوس واحطه بحلجك

وتالي يخاف ويهون ييجي او اذا ماتبين تحطين فلفل بحلجه جربي اتحطين بحلجه

( مُره) طعمها مر وااايد علبونه فلفل عشان يخاف وبيخاف وترا المُره

ماتضر الياهل زينه اهي مضاد حيوي وزينه لكل شي او انج تحرمينه من

الشي اللي يحبه كعقاب واتمنى اني افدتج بشي​

 

[@ام يوسف@]

الله يهديه ويصلحه

 

[AVE.NJ]

الله يهديه ويحفظه انشالله

 

[Nokia N95]

الله يهديه ...
اتفق مع الاخت اللي قالت دخليه حضانة ....
اتوقع شخصيته راح تتغير

 

[رمضانه]

مشكورين عالرد حبايبي


دخلته حضانه بالحضانه هاااااااااااااااااااااااادي ويقعد عاااااجل لي درجة جم مره ادش القا واحد من اليهال يدزه او يصرخ عليه واهوه ساكت وهادي ويوخر عنه ويقعد عالكرسي ويطالع اليهال ولا يسولف مع اللي يمه يخربط عليهم


وبالنسبه اني احرمه ماكو فايده والله يبجي انا امل واهوه مايمل ولايسكت

بجرب المره يمكن شوي يهدا

 

[Melazlaza]

الحل عندي بس يبيله تكرار بدون ملل والنتيجة مضمونة
لما يعصب او يصرخ او اي تصرف غلط ماتبينه نزلي لي عنده خطي مستوى عينج بمستوى عينه وبققي اعيونج عليه وقولي هذا غلط بس كلمة وحدة غلط مو تتكلمين او تزفين بس قولي غلط واشري بصبعج بويهه وظلي خزيه دقيقة لو حاول يروح او يزيد لا تملين كل مرة دقيقة نفس هالطريقة واتمنى اتمنى ما تملين عطيها وقت هالطريقة علميةوانا مجربتها
الله يهديه لج وبشرينا عنه

 

[Melazlaza]

لا تطقينه ولا تجربين تعاقبينه بهالعمر يعاااااند العقاب النفسي اهم شي وفيه نتيجة باذن الله بس لحد يقولج لا او حرام عليج جدام لان يفهم وبيستعطف الي حوالينه ويشكيج لهم الطفل ذكي جدا

 

[رمضانه]

مشكورة حبيبتي بجرب طريقتج

 

[مخمليـهَ]

^

حبيبتي هذا اللي فيه نشآط زآيد فـ إنتي لاززم تستغلين هالنشآط اللي فيه ، وديه الالعآب تهد حيله خليه يرسسم وترى الفلفل والمرآ مو طريقة للعلآج احنا وين وصلنآ..!
وبعدين مهما دلعوه انتي امه يعني مؤوآآه ، طنشيه وهو بعد تو صغيرر حرآم

 

[A boss]

il 9b7 7athna o il 3a9er nade khaly 7ytak bil yahal akthar ib hal3omr 3ashan i9er ijtma3i o i7b ishrekhom bil ashya mo ina anani o dlo3