ساعدوني ابي معلومات عن أبرة الظهر

[a5tal7zn]

السلام عليكم كويتيات
انا حامل اول حمل لي وخايفه حيل من الولاده
ابي الي جربت ابرة الظهر تقولي وسمعت يقولون لها وقت معين اذا تأخرتي عنه مايكون لها مفعول صج
ابي الي استخدمتها تقولي عن تجربتها


وتقبلوا فائق شكري واحترامي اخواتي الحبيبات

 

[روعة خيال]

هذي معجزه طبيه اقسم بالله كانت الدكتوره تقولي شدي و انا اقول بقلبي استغفر الله ماكو طلوق وين اشد!!

هذي اذا الرحم فتح معاج وايد ما يقدرون يعطونج اياها لانها ماراح تفيدج

اللي سمعته من ٤-٦ سانتي قبل او بعد ما تفيدج

عجيييييبه

 

[حروف من ذهب*]

الحمد الله أنا توني والده وأخذتها اول مره وكنت خايفه منها لأكن مثل ماقالت أختي روح خيال معجزته طيبه وما تحسين بأي شئ كلش والله يكتب لج الولاده السهلة

 

[مشتطـه]

انا استخدمت كمام وما حسيت بشي

اذا خايفه منها استخدمي كمام


كمامي بمستشفى السلام

 

[Your Dream]

والله ابرة الظهر لها اثر عقب سنين

اكثر من وحده اعرفها خذنها وعقب سنه والا سنتين والا ثلاث يعورها ظهرها خاصه وقت الحمل

والله الكمام عجيبيييييب ومريح

احسن لج ولصحتج والله يهون عليج

 

[الـــغـــلآ]

^^

^^

بس انا حامل اول مره يعني ما جربتها قبل و لآ جربت الولاده و ظهري يذبحني يعني مو شرط منها و مو بس انا شكثر اعرف بجريات ظهرهم يعورهم وهم ما جربوها ولا شي

 

[حبيبة اهلهاا]

وعليكم السلام

هم انا ظهري عورني منها

و كنت ماخذتها ع ١ سانتي و راح مفعولها بوقت الولاده الصجيه

حدي تحسفت عليها

 

[a5tal7zn]

شلون راح مفعوله اختي حبيبة اهلها ابي توضحي لي الله يعافيج

 

[ffanr]

ناويه اخذها بإذن الله تعالى
بس خايفه من رهبه الولاده ولما اشوف كل شي وانا واعيه والدم وهالسوالف

بجريه

 

[حبيبة اهلهاا]

يعني اكبر غلط تاخذينها و انتي توج مفتوحه واحد سانتي اخذيها لما تفتحين ٥ عالاقل سانتي او ٤

بعدها لا يعني ع ٦ سانتي ووورا لانج راح ترجفين من العوار و ما يقدرون يضبطون مكان الابره

عالاقل ب٤ سانتي او ٥ سانتي تقدرين تتحكمين بنفسج لو شوي

المهم انا اخذتها من ١ سانتي مع ان ما كان فيني عوار بس اخذتها من الخوف

و لما وصلت وقت الولاده الصجيه الي اهوه ٦ سانتي خلص مفعولها و لا يقدرون يزيدون الجرعه خوفا لا انشل

و هذا اكبر غلط لاني حسيت بكل شي بالولاده بس ما حسيت باول شي لان اول شي خفيف الي تقدرين تتحملينه بس مو نفس ال٦ سانتي الي يهد حيلج


ادعلو ان الله يجعل ما في رحمي ذكر

 

[M!SS.LOBY]

الله يعينج

 

[a5tal7zn]

يعني اهي تعتمد على طبيب شاطر وفاهم بأي بوقت ممكن يعطيج الأبره منو تعرف طبيب اوطبيبه فاهمه

 

[حبيبة اهلهاا]

صااجه بس انا الي اصريت و لا اهو مو راضي بالمرا

 

[روعة خيال]

دكاترة التخدير برويال كلللللهم متمكنين

 

[a5tal7zn]

اب أب أب

 

[اموووون_]

نفس غلطة حبيبه اهلها بالضبط بقولج اخطائي عشان ما تطيحين فيها /// خذيتها مبجر حيل من ١ سانتي واستنفذت كل جرعاتي وانا ما وصلت ٦ سانتي بعدها قعدت اترجى الطبيب عطاني جرعه وقال اخر جرعه عشان تعرفين تدفعين وقت الولاده طبعا للي صار معاي ما حسيت بالم الفحص بس فتحت ١٠ سانتي ومو قادره ادفع لان رجولي متخدره مع العلم كنت احس بألم فظيع واحس البيبي بيطلع كان الدكتور يقول بوش وانا مو عارفه اسوي شي طبعا قالوا هذا كله من زياده الجرعات خذيتها بوقت غلط وبكميات غلط للامانه الدكتور شكثر نصحني ما يزيد الجرعه عشان اقدر ادفع واولد بسرعه بس حزتها كنت بحال الله العالم فيه يعني اهم شي تاخذينها بالوقت المناسب وبالجرعات المناسبه بعد الولاده ما صارت اي مضاعفات بس جاني صداع فظيع بعد الولاده باسبوع للامانه ما اعتقد من ابره الظهر لان رحت حق مره قالتلي داخل راسج هوا وسوتلي صبخه وطبت بعدها اتمنى اكون فدتج

 

[mrs_ntfa]

ابب