ساعدوني ابي ريلي ينسى الرقاصات

[noor_al3eyon]

السلالام
حبيباتي اول مره ادش و اشارك بهالقسم
بس شسوي ما ادري و الله ما ادري
بسألكم سؤال و امانه الي تعرف تجاوب تساعدني
ريلي سافر قبل فترة مصر مع اخوانه بس
انا ادري ان ريلي هناك راح ديسكوات و مراقص يس تدرون شنو المصيبه ؟؟
ان ريلي بعد مارجع بشهر حن للرده هناك
مع اني والله مو مقصرة معاه ارقص والبس و اصبغ و ادلع حتى اللبس المصري مال الرقاصات شريت و الي البنات يكتبونه
حق الاغراء و غيرة اسويه اول بأول
بس ريلي مو راضي ينسى مصر و يحن يبي يروح الديسكوات
ما ادري شلون انسيه و الله تعبت
و بقولكم شي:yaaaaaarb:
ترى مره طحت عليه و هو يكلم وحده من مصر و لمن عصبت عليه جان يقولي والله بس جذيه عبط
تكفوووووووووووووووووووووووون ساعدوني​

 

[um khaled]

يصراحه الله يعينج
خرعيه وهدديه ان سافر وان رجع سوى سوالفه ترى اهد لك البيت
وكلميه قوليله شنو ينقصني ؟
وقوليه ان هذا ما يجوز والله راح يبليه بعياله وبناته

 

[غلاتي ديرتي]

اللله يصبرج

 

[@نووسه@]

استغفر الله استغفر الله

 

[الماسه.80]

حاولى انك تشغليه في اشغااااااال مايقدر يساااااافر ويخليهااااا
حاولى تذكريه بالله كثير
حاولى انك تذكرين له قصص من الذين سافرون وجابوا لاهلهم المرض ( عليك بالمداومة على تذكيره بالله والعقاب والثواب ولا تياسي من تذكيرة ابدا وان وجدتي منه الجفاء والامتعاض في بعض الاحيان وقولي له بان يترك هذا الامر لله
وثانيا عليكِ بصلاة جوف الليل فهي عظيمه عند الله و الدعاء له

 

[كوكتيلة قلبه]

استغفر الله
الله يعينج الصراحه

 

[ام ساره 4]

أستغفر الله العظيم الله يهديه ويسخره لج إن شاء الله

 

[كـيـف أسيبك]

الله يعينج الصرااحه

والله يهديه

 

[DooLy88]

وقح !! يقول عبط !! يرضى تكلمين لج مصري وتقولين عبط !! طبعا لا
لان كل شي حلال عالزوج وحرام عالزوجة << جذي وجهة نظره



ويعني اذا راح مصر والا اي مكان للسياحة -السفرة ماتحلا الا بهالمراقص والديسكوات ؟؟ بنات ورقص وشرب والخافي اعظم!! وتولع بالسفرة وحن لها وانتي عادي عندج يروح للأمكان القذرة ؟؟ الله يصبرج ويآجرج

الله يهديه - ويبعد ازواجنا عن هالبلاوي

 

[jooore_q8]

والله مادري شقوول بس الله يعينج عليه و قوليله تراني حالمه فيك حلم << جذبه بيضه

واتحلمت انك طايح في حفره ومديت لك ايدي < لما شفت تفسير الاحلام تبين لي ان هذي حفرة من حفر النيران وانا انقذتك منها
(( وكل امرأ على نفسه بصيرا ولو القى معاذيره ))

خليه يخاف ويعرف ان الله يعلم باللي يسويه لو انه غايب عن عين اهله واذا ما استحى من الله ليش يستحي من الناس

ان لم تستحي فأفعل ما شئت

 

[شمس 20]

ماكو فايده هالشباب لو تقطعين نفسج عشانهم مايبين بعينهم يحبون يغيرون لو شنو تسوين لهم

 

[عواشه *_^]

والله مادري شقوول بس الله يعينج عليه و قوليله تراني حالمه فيك حلم << جذبه بيضه

واتحلمت انك طايح في حفره ومديت لك ايدي < لما شفت تفسير الاحلام تبين لي ان هذي حفرة من حفر النيران وانا انقذتك منها
(( وكل امرأ على نفسه بصيرا ولو القى معاذيره ))

خليه يخاف ويعرف ان الله يعلم باللي يسويه لو انه غايب عن عين اهله واذا ما استحى من الله ليش يستحي من الناس

ان لم تستحي فأفعل ما شئت

بنات الله يرضى عليكم
انتبهو ترى ما يجوز الكذب في الاحلام
ما يجوز تقولين حلمت بكذا و كذا و انتي ما حلمتي اصلا

تحريم الكذب في الرؤيا والحلم،وهو ما يدّعيه بعضهم أنه رأى في منامه كذا وهم غير صادق، ثم يصبح يقص على الناس ما لم ير.
عن ابن عباس عن النبي صلى الله عليه وسلم قال: \"من تحلّم بحلم لم يره كلّف أن يعقد بين شعيرتين ولن يفعل، ومن استمع إلى حديث قوم وهم له كارهون - أو يفرون منه - صب في أذنه الآنك يوم القيامة، ومن صوّر صورة عذب وكلف أن ينفخ فيها وليس بنافخ\" [11].
قال المناوي: \"أن يعقد بين شعيرتين\" بكسر العين، تثنية شعيرة، ولن يقدر أن يعقد بينهما ؛ لأن اتصال أحدهما بالأخرى غير ممكن عادة، فهو يعذب حتى يفعل ذلك، ولا يمكنه فعله فكأنه يقول يكلف ما لا يستطيعه فيعذب عليه، فهو كناية عن تعذيبه على الدوام،… ووجه اختصاص الشعير بذلك دون غيره لما في المنام من الشعور وبما دل عليه فحصلت المناسبة بينهما من جهة الاشتقاق.
وإنما شدد الوعيد على ذلك - مع أن الكذب في اليقظة قد يكون أشد مفسدة منه إذ يكون شهادة في قتل أو حدٍّ؛ - لأن الكذب في النوم كذب على الله تعالى؛ لأن الرؤيا جزء من النبوة، وما كان من أجزائها فهو منه تعالى والكذب على الخالق أقبح منه على المخلوق[12].

و اختي صاحبة الموضوع
كثري من الاستغفار و الدعاء و ربي يهديه

 

[اشتياق]

مو يقولون اللي يشرب من النيل لازم يردله

عيل شربيه مقري الا زمزم خخخخخخخخخخخخخ

والله مادري شقول ادعيله يارب يهديه وترى هبه ويطخ ..

 

[حلوه ولمآحه]

الله يهديه لج ويسخره ويبعده عن طريق الحرام

 

[اينااس]

مااادرى شفيهم هاالريايل مستخفين كل حين ماايطلعون بطالعهه
لانه الحمد لله وشكر ولا طاالعه موضه كل مايبوو يساافروون الى وحدهم

 

[Tender Heart]

مادري والله حبيبتي بس في رياييل مايملي عينهم شي ان شاء الله يكون ريلج مو منهم وانتي سوي اللي عليج واجعي له ... الله يسخره لج ومايشوف غيرج بالدنيا مره

 

[حروف من ذهب*]

الله يهديه
حطي عليه مسؤليات

 

[!الجادل الصعب!]

الله يعينك صرآحه حتى لو بتحنين عليه لا يسافر بيتم يتمسك فيها لان طبعهم العناد ..!


الله يهديه ان شالله

 

[شمس الشموسة]

أكيد بيحن حق مصر

دامج طول الوقت تذكرينه بها

لبس رقاصات وحركات تذكره بمصر!!

سوي له شي غريب يتذكرج انتي فيه مو يتذكر الرقاصات

 

[شقرديـه عالطل]

الله يعينج ويصبرج
ويهديه يارب