ساعدوني ابي انقل دراسة عيالي من السعوديه للكويت شنو الطريقه ؟

[بقايا امل]

السلام عليكم ورحمة الله
صباح الخير حبيباتي
بدخل بالموضوع على طوول , انا سلمكم الله كويتيه وعايشه بالسعوديه والحين ابي ارجع اعيش بالكويت وابي انقل دراسة عيالي هم بابتدائي ومتوسط ابيكم تساعدوني وتدلووني على الطريقه يعني وين اروح شنو مطلوب من اوراق وشهادات شسوي بالضبط .
لاهنتو ابيكم تعلموني بسرعه ضروري والي ماتعرف ترفع لموضوع بدربها

 

[بقايا امل]

ياساتر ولا وحده ردت علينا
بناااات وينكممممم ماكتبت موضوعي الا انا محتاجه من يساعدنييي

 

[بقايا امل]

الي تعرف الله لايهينها ترد علي والي ماتعرف تدز الموضوع فوق

* تعديل بواسطة الإشراف *

 

[اي اسم]

للرفع

 

[حلم الطفولة]

يعني اختي ماعندي خبره بهالشغله ,, بس والله أعلم :

أول شي اتصلي بوزارة التعليم السعودي وسئلي عن الإجراءات بصفه عامه , وبعدها اتصلي على وزارة التربيه الكويتيه وسئليهم عن الشروط والإجراءات بدقه ..

ثم : ..............

الخطوه الثانيه :
أولا تروحين وزارة التعليم السعوديه تطلبين تسحبين أوراق عيالج وتقولين لهم السبب عشان يعلمونج شتسوين ,,
ثم تاخذين ورقة موافقه وإخلاء طرف وهالسوالف .. وتروحين مدارس عيالج تسحبين ملفاتهم ,,
ثانيا : تراجعين وزارة التربيه الكويتيه وتسوين المطلوب من إجراءات يقولونها لج ,,

والله أعلم ..

 

[بقايا امل]

الله يرفع قدركم حبيباتي لاهنتو وجزاكم الله خير حلم الطفوله واي سم
بغيت الي مجربه تقولي وش الاجراءات لوسمحتو بالتفصيل

 

[بقايا امل]

ياريت المشرفات ينقلون موضوعي لقسم الحياة العملية لان زوار هالقسم قليل

 

[ضحكة بريئة]

والله يا اختي ما عندي فكرة بس اهم شي تاخذين ملفات عيالج من المدراس اللي اهم فيها واكيد هناك بعلمونج شلون الاجراءات
ولما توصلون الكويت على خير روحي للمدرسة اللي راح يدرسون فيها راح يفيدونج

 

[بقايا امل]

جزاج لله خير يابعد قلبي ضحكة بريئه
يعني على فتح المدارس اروح اسحب الملفات ولا من الحين
والله اني ضايعه
وين البنات الي جربوا انتظركم

 

[ضحكة بريئة]

شوفي حبيبتي
انا ما عندي فكرة بالنقل بس لو تروحين الحين تسألين افضل لج بدال الشحططه بداية السنه ما اتوقع النقل راح يصير بيوم
وعلى فكرة ترى هالاسبوع اخر اسبوع لدوام العاملين في المدارس (الابتدائي والمتوسط) بس تقدرين تروحين المنطقة التعليمية التابعة لمدارس عيالج تكملين اجراءاتج وعشان تعرفين اللي لج واللي عليج

 

[الكيكه دندن]

من الحين روحي للمدارس اللي يدرسون عيالج فيهم واسحبي ملفاتهم وعقب روحي لوزارة التربيه على ما اعتقد
وهم يدلونج ولا تنطرين لين تفتح المدارس لان بتطوفهم الدراسه استفسري من الحين يالغلااااااا وربنا يوفقج