ساعدوني ابي الريحه تطلع من جنطتي

[brettey]

اشلونكم يابنات عندي جنطه جلد بس ريحتها مزعجه وشاريتها ب40 دينار اشلون تروح الريحه منها ؟ حطيتها بالشمس بس مافاد لاتقولون مع الاستعمال تروح لاني ماني قادره اتحمل ريحتها وانا طالتها طلبيه ما اقدر اردها ساعدوني بليز ولكم دعوه من القلب

 

[ام العبايه]

حطى اعواد بخور عطر خليه مفتوح داخلها خليها داخل درج المكياج يمكن تنعدى من الريحه ادهنيها من الداخل دهن عود مبخر من اجمل

 

[amal-el7elwa]

و الله حبيبتي صج مشكله
امصخ شي ريحة الجلد الجديد
خاصه الجلد الاصلي
تقول اختي الريحه ما راح تروح و الله يعينج
و حسافه على الفلوس ما تهنين فيها
انا اقول رشي داخلها عطر بس خفيف اذا كانت مبطنه بقماش

 

[brettey]

حبيباتي مشكورات على النصيحه يجزيكم ربي كل خير رشيت لها عطورات جنيدودهن عود بس مافاد

 

[ضوى العيون]

انا اقولج بخريها او خليها تطقها الشمس عدل انا مجربه لمن تحطينها تحت الشمس على الاقل اسبوع مو تخافين عليها

 

[حبنا الله عليه]

حبيبتي الجلد هذي ريحته ماتروح

وهم انا مثلج عندي جنطه جذي وجوتي " تكرمون "

تذكري انهم ماركه :eh_s(15): وانسي الريحه

 

[شكليطه]

انزين جربتي تحطين كلنكس فيه جم حبه قهوة.....ويفضل انها محموسه عالخفيف

او حطي مناديل معطره.......فتحي 2 او 3 وانسيهم بالجنطه


والله يعينج

 

[سبائك]

انا بعد نفس سالفتج

جنطتي بيبلوس ماخذتها من 4 سنين تقريبا وللحين الريحه قويييييييه

واخاف البسها الناس يحسبون هذي ريحتي فشله

 

[اعذريني يالهدايا]

والله حلوووه فكره القهوه
جربي مثل ما قالتلج شكليطه

وانشالله تنحل

 

[أم طه الحولة]

اكو هذول الكور الخشب المعطرين ينباعون بسنتربوينت قطيهم بالجنطة راح يعطرونها ..

 

[ورده بنفسجيه]

يا حلوين هذا مو جلد اصلي تدرون شنو جلد سخول اي والله لو شنو سويتو ما يروح

جلد الفيل واهو الفيل تحسين جلده نااااااعم وحلو

اذا بجربون الجلد الصجي حطي ولاعه اذا احترق بو طقه واذا ما احترق

اوكيييي

مره هندي بيلعب على راسي ماما هذي جنطه اسليه ما رديت عليه

قلتله عندك ولاعه انصرع قال ايه جان اخذ الجنطه بشب فيها

انقت عينه قلتله ايييييييييييي موعلينا

جربي البودر اللي ينباع بالجمعيه مال السجاد اللي يمتص ريحة

الزقاير وغيره ان شاء الله ينفع.

وقوليلنا اشصار مو تكشتين ناطرتج.

 

[amal-el7elwa]

و الله الموضوع مفيد و انا كل ساع ارد له و اشوف النتيجه
ناطرتج انا بعد لا تكشتين

 

[DBDOB3 DES]

والله انا نفس مشكلتج ومو عارفه شسوي