ساعدوني ابي ابر بوالدتي !! بس ماني قادره !!!

[Zaina-al-zaina]

​

السلام عليكم

اشلونكم ياحبوبااات

انا احب امي ولو اقدر اضوي اصابعي شموع ماقصرت !!!

اطيعهااااا واركض ورااا رضاهااا !!!

بس صارلهااا فتره تعصب علي وتهاوشني حتى اللي حوالي متعجبين من تصرفاتهااا

لدرجه كنت انصح اختي بشغله ! بس اختي تحسست من الموضوع وزعلت ! واقسم بالله العظيم اني
بس نصحتها ولاسبيتهااا !!! والله ثم والله اقول لاختي انها تفرد ويهااا وتضحك بلاااا زعل !!

بس اختي طينت الموضوع ويت امي تهاوشني اشفيج ع اختي وشرحت لهاا الموضووع بس امي كل ماحولت اشرح
تتكلم اختي وتزيد امي لدرجة اني طقيتهاااا بجيه جداااامهااا وقلت وبح صوتي من كثر ماابي افهمهاار اني ماااقصد
اسيء لاختي وان هذي اختي مهمااا كاااااان !!!
بس امي مو راضيه وصارت تهاوش وتدعي اهني انا انهرت !!!

حبيباتي انا متزوجه وماصار لي خاطر اروح بيت اهلي !!!
بس هذا يعتبر قطاعه !

وانا مابي اقطع بامي واحبهااا بس تعبت من كثر ماتزف وتهاوش لان هذي مو اوا مرااا !!!
ابي برهااا ابي رضاهاااا احس صعبه اطوله

ابي رضااا الرحمن !!!

بنات ساعدوني ، انا احبهاا بس ماني قادره ادخل البيت لان مافي احترام لي من امي وخواتي ...!!!*

 

[Zaina-al-zaina]

بنات انا حامل واحتريت من اللي
يصير انه اشلون يضيع بر امي من يديني
وانا اركض ورا رضاهااا ركض !!

دموعي حاره ع ويهي الله يزاكم خير شسوي ...

 

[Queen N]

دزي لامج مسج بتلفونها قولي لها اللي بخاطرج
قولي لها انج تحبيها وايد و اهي لج بالدنيا كلها و ما ودج تقطعينها
بس انج خذيتي بخاطرج شوي من الي صار
و قولي لها انا حامل و اتحسس من اي كلمة تنقال عشان جذي ما اتحمل هالاسلوب
و اصلا الزعل مو زين حقي .. من هالحجي

و ان شاء الله راح تتفهم

 

[وقتي تحداني]

الله يعينجج والله حاسه فييج
انا جذي امي وانا صغيره وبسرعه اتنرفزز من كل شي واهي تنرفزني وفوق هذا تدعي علي
مااقول الا الله يفرجهاااا علي وعلييج وعلى كل البنات ياارب
الله يكسبنا برهاا ويهديهم ويسخرهم لنا

 

[أنا الأنوثه]

روحي لها واخذي هديه ولو بسيطه اي شئ وكتبي لها مسج ورساله
الامهات سهل تتضحكين عليهم ولا تزعلين من اختك الله يوفقك

 

[rachida]

ماشاءالله عليك اختى انتي بارة بوالدتك لا تخافي ولا تحزني من زعلها منكي ... وهذا ابتلاء لك وامتحان من رب العالمين سبحانه ...اسئل الله تعالى ما يخب ظنك لانك بارة ... شوفي شو يعجبها وقديميه لها لو شال او اي شي او سافرو جميعا وغيرو جو الله تعالى يفرج همك مع الغالية وتحضنك وتبتسم لك وترضا عنك وترتاح نفسيتك ...

 

[شموووخ اماراتيه]

الله يهديها يارب يمكن وقت سن اليأس اذا انقطـــع الطمث عنها تكون نفس الأعراض واستحمليها تأجرين وحاولي انج تخففون عنها وهذي ضغوطات تخليها متنرفزه

 

[لمعة السيف]

ماشاء الله عليج
روحي لهلج بس لاتكثرين زيارات
حاولي كل اسبوعين مره وبين الاسبوعين تلفون
او اذا زرتيهم ساعتين كافي عن المشاكل
وترضين الجميع وأولهم رب العالمين
والله يوفقج دنيا وأخره
والله العالم الحين كلهم نفسيتهم تعبانه
ماتلقين اللي مرتاح تقبلي مروري

 

[اشلون يعني &]

ديري بالج تقاطعين رحي وتحملي

 

[حبيبة أهلها]

هلا حبيبتي ماشاء الله عليك هذا دليل خوفك من الله وحبك للوالدة صدقيني مافي اطيب من قلب الأم وكل شئ يتعوض بهالدنيا الا الأم اشتري لها هدية بسيطة واكثر شئ تحبه حسسيها انك ماتستغنين عنها مهما يصير صدقيني راح تكون لكِ مكانه مميزة وادعي بالسجود يارب اصلح الحال بيني وبين امي بكرا وقت الولادة راح تحسين بكل طلقه بفضل الأم اكسبيها بااي طريقة واخذيها بالكلمة الطيبه ...~​

http://www.youtube.com/watch?v=9NKZ_aeT3e8​

http://www.youtube.com/watch?v=E7zX1hIr8N4&feature=related​

http://www.youtube.com/watch?v=QnJk6jqSoec​

حلقات روعهـ ... ​

احبك بالله والله يسعدك وتتيسر كل أمورك ​

 

[Zaina-al-zaina]

االله المستعان

انا مو مقصره بالهدايا !؟؟

كل فترا وفترا جايبه لها شي !!!

اللي صدمني اني ماهقيت ان جزاة بري جذي ،،،،!!!

راح اضغط ع نفسي وازورهم لوجه الله بس ...
وماراح اطول عندهم عشان نفسيتي لاتدهور اكثر ...

 

[الصـوت الجريـح]

^

يا أختي أغلب الأمهات جذي وهن مو كاملات بشر بالأخر يغلطن !
تحببي لها وتوددي لها معقولة ما عندج عياره مثل البنات ؟
الله وهو الله يقولج إذا لم تبكي عنده بالدعاء تباكي !!!!
شوي حركات بنات على امج وهدايا لآن الهدايا تلييين القلب وبوية على الرأس
وخلج بقعدتج مو كله أنتقاد أنتقاد لأ !!! شايفة شيءغلط ؟؟؟ أوكي
أجمعيه بقلبك وانوي بيوم تقولين لأختج عن أشياءها الغلط اللي تسويها
وأبدي بمدحها انج حلوة وجميلة وعليج أسلوب والله أنا اتمنى اكون نفسج بس ياربي فيج هالصفة لو تعدلينها
تكونين كاملة والكامل الله :eh_s(7):
بالعربي ألحسي مخها عشان تخلينها بصفج خخخ خلج ذكية شوية وأمورج تتعدل :eh_s(17):
وشنوماني رايحة لهم وبقلل ؟؟؟؟ وتقعدين مبوزة هاه وبيسألونج ليش ما قمتي تجين كل أسبوع شتقولين هاه ؟
ما شاء الله تبارك الرحمن جذي قطعتي صلتج بأهلج وصاروا كانهم ناس عاديين ؟
لمنو بتشكين ؟ لمنو بتروحين لما تولدين ومنو بيقوم بج لما تولدين ومنو بتحطين عيالج عنده بكره لا رحتي سوق ومنو بتسألين لا مرض ولدج هاه ؟
هذولي السوالف كلها يسوونها الأهل ؟ والله يا أختي أني لج من الناصحيين ونصيحتي سوي مثل ما قلت لج وردي علاقتج باهلج مثل أول وأحسن ^^





وآسفة على الهذرة والتحميق والله عادتج أخت والله يصلح حالج يااارب :eh_s(17):


​

 

[Zaina-al-zaina]

الله يزاكم خير كلكم

ماقصرتوااا نفسيتي شوي تعبانه الحين

والله كريم اساله يفتحها في وجهي لان من كثر التعب بطني قام يجيه عوار

اكيد هذي امي بس اللي اقصده ان الانسان نفس وتضيق وتتعب واحس ان اللي صار فوق احتمالي !

القطاعه اكيد شينه ولااا ابيها بس انهرت مابي اسمع الكلمه الشينه !

الحمد الله ع النعمه والله يبارك فيكم كلكم ...

 

[HaAaDoOol]

كتبي لهاا مسج وقوليلهاا الي فيج او طرشي اي احد يكلمهااا وانشاءالله ربج يفرجهاا
ماشاءالله عليج باين عليج تخافين من الله واتحبين امج وايد
الله لا يغير عليكم
والله لا يفرقكم ويخليكم لبعض

 

[HaAaDoOol]

يـ ع ــــطيج الع ــــافيةة