ساعدوني ابوي مايكلمني بعد محبه ..

[هيااام]

السلام عليكم ورحمة الله وبركاتة
:33_1185028183:

شخباركم بنات ..

بقولكم قصتي وباختصار .. وابي حل .. ميته من الضيقه ابي تحلون هالمشكله والله قلبي يعورني عليه ..

ابوي ..

مايكلمني .. قليل جدا جدا مرات يدري اني انا اللي طابخه الطبخه ويسال اختي شنو هالطبخه ..
مره الريموت جنبي وابوي ينادي اختي من الغرفه الثانيه عشان تجيب الريموت .. والله قهر ..
وقليل جدا يكلمني ..
تدرون ليه ..
لان خواتي لهم ماضي (كانو يكلمون شباب) بس الله ستر عليهن الحين وكلهن متزوجات .. والحين بالبيت باقي انا وخواتي ثنين اصغر مني .. درسني ابوي بمعهد خاص دفع علي شي وشويات ووثق فيني وقول بنتي هذي غير بترفع راسي واخيرا بتطلع احسن من خواتها وتفلح بدراستها .. وفعلا درست وفلحت بالدراسه وجبت لابوي الشهاده بس بعد شنو .. الدراسه ثلاث سنين بعد سنتين منها صادني اخوي اكلم بالتلفون طبعا وللاسف اكلم واحد من الشباب .. طقني كسرني وقال ماكو دوام خلاص قتله باقي سنه قال والله لو باقي يوم مافي دراسه وانتي تبين تفضحينا دخل ابوي اخوي قاله تعال شوف بنتك حبيبتك لقيتها تكلم واحد ..
ابوي انصدم طبعا كلمه بالدوانيه .. بعيد عني بس اخوي الصغير قالي اللي صار .. المهم ابوي طقاه قال عيب عليك هذي اختك وغصبن عنك بطلعلها سياره بس تخلص دراستها .. وكان اخوي بيده دليل مادي على اني اكلم واحد عطاه ابوي بنفس الوقت .. ابوي انصدم وماتكلم ..

قاله اخوي ها والحين تبي تطلع لها سياره .. وتبيها تكمل دراستها .. قاله ابوي كيفك .. خلاص انا تعبت من خواتك ومافيني حيل .. كيفك اللي تشوفه انت سوه ..

اخذ تلفوناتي اخوي وحرم علي الطلعه من البيت وما امسك تلفون البيت بس الحمدلله خلاني اكمل السنة اللي باقيه لي .. ومن وقتها وابوي مايكلمني وانا ماقدرت اكلمه واخوي هذا بعد مايكلمني ..

اخوي الحين مسافر مرات اختي تدق عليه تكلمه اخذ منها التلفون واكلمه ويرد علي ويكلمني عادي .. بس ابوي للحين ..
ما ادري شنو اسوي .. ابي ارضيه خلاص ابيه ينسى .. طبعا انا من هذاك اليوم ماكلمت الصبي اللي كنت اكلمه الا مره قتله اللي صار وقتله خلاص لاتدق ولا انا راح ادق وانتهت العلاقه وهو قال اوكي وخلصنا بسلام ..

بس ابوي للحين ..
الحين انا خلصت السنه الدراسيه .. وباقي كم دينار واطلع شهادتي(مو قتلكم دراسه على حساب ابوي 3الاف دينار ونص)

والحين ميته من الضيق متضايقه من ابوي مايكلمني ما ادري ليش

خلاص .. كل اهلي نسو السالفه بس الشك موجود والمراقبه من بعيد لبعيد موجوده ..

عطوني حل يابنات ..
والله متضايقه احب ابوي حيل وهو كان يحبني اكثر وحده وثق فيني وانا خذلته .. ابي ارضيه الحين خلاص ابي اسوي اي شي عشان يرضى .. دلوني يابنات .. تكفون باسرع وقت ..

.. .. .. .. :33_1185028183: .. .. .. ..

 

[ريماس21]

وااااااي مووقف صعب وخصوووصااا الابوو ماينسىى

انا اقوولج رووحي بووسي راااسه وابجي عندههه وقولي لي يبه انا خلااص تبت والشيطان لعب بعقلي وانا غلطانه وادري ابجي دم عندههه

واكيد بحن قلبههه عليجج

 

[هيااام]

رد : ساعدوني ابوي مايكلمني بعد محبه ..

:eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16):

انا من اول الوقت تقريبا بعد السالفة حبست حلي بالغرفه اسبوع وبعدها من طلعت رحت لامي وبستها على راسها وقتلها اني غلطانه واني تبت وماراح تنعاد وهي ساكته طبعا .. ورحت لابوي وهو بفراشه وقتله يبا صد عني قمت ابجي وماقدرت اتكلم وقتله خلاص يبا الواحد مايغلط غلطه وتبت منها ماراح تنعاد وعد وبجي بجي بجي وهو صاد ولا التفت ..

وبعدها ماكلمته مره ثانيه لاني وحده حساسه حيل ..

دمعتي على طرف عيني بسرعه ابجي .. وبسرعه اتأثر ..

فعلا موقف خايس حييييييييييييييييييييييييييييييييييييييييل ويعور القلب :eh_s(16):

 

[DaShTeYa_Q8]

الله يعيينج حاسة فيج والله
السالفة شكثر مر عليها ؟ سنة ؟

قعدي معاه لمن يكون هادي وقوليله إنج تبتي ومتحسفه على إلي سويتيه
و حبيه على راسه وتسامحي منه مهما كان قلبه راح يلين ويحن عليج
والسالفه مر عليها وقت قوليله انج ندمانه

وانشالله بيرضى عليج ويسامحج

 

[ريماس21]

رد: رد : ساعدوني ابوي مايكلمني بعد محبه ..

حااولي يااقلبي مره مرتين ثلااث وهوو اكيد بيعررف انج تبتي وماراح تعيدينهااا بس هم لااتلووومينههه ولاتفقدين الامل

 

[بنت عطا 24]

صرااحه الله يعينج

ويحنن قلب ابوج عليج

 

[BNT KWT]

الله يعينج ويحنن قلب ابوج

 

[اللوحة الناقصة]

موقفج وااايد صعب يقتتل

الله يعينج الصراحه.. ترى تبين الصج ما ينلام ترى يجرح الابو هالشي وااايد خاصة اذا كان واثق في بنته

والكل خطاء حبيبتي واهم شي انج تبتي الله يثبتج

ومع الوقت صدقيني كثر الدق يفج اللحام انتي يوميا بوسي راسه بالدشة والطلعه

وطبخيله طبخه خاصة حقه وحطيها جدامه وقوليله يبا هذه سويتها مخصوص لك

واذا رحتي السوق اشتري له شغله يحبها وجذي شوي شوي انشاء الله يلين قلبه

وادعي بالسجود خاصة ان الله يلين قبله ويرضة عليج ويسامحج​

 

[((المزيونه))]

انتي كم مره حاولتي معاه

اذا ما تقدرين اتكلمين ومن اتكلمين تخنقج العبره

اذا كان ابوج مو كبير حيل اكتبي ورقه وحطيها عند راسه وجيبي له هديه عشان العيد وحبي رجوله حتى لو يصد واخدميه وخليج دايم عنده وجيبي الشيء الي يبيه من غير ما يتكلم مثلا علاجه العصير الي يحبه اي شيء واحفيله انج ماعاد سويتي شيء

وهاذي فرصه حنى بالعشر الاواخر ادعي ان الله يحنن قلبه ويودده

وقولي وانتي ساجده يا ودود ودد قلب ابوي علي

وموفقه

 

[&& قيثاره &&]

منو اللى يستاهل انج تخونين اهلج عشانه؟ صدقينى ماكو؟ المهم حبيبتى اللى فات مات - اللى يهدى ابوج روحيله كلميه تسامحى منه اهم شى رضا الوالدين الجنه تحت اقدامهم دخلى امج بالموضوع خليها تصلح بينكم والله يحنن قلبه عليج

 

[هيااام]

رد : ساعدوني ابوي مايكلمني بعد محبه ..

السالفه صارلها سنه ..

.. يسلمو بنات على الردود .. ابي افكار اكثر بنات ابي نصايح ثانيه ووعد بحاول اطبق كثر ما اقدر ..

 

[((المزيونه))]

رد: رد : ساعدوني ابوي مايكلمني بعد محبه ..

طيب جيبي له هديه حق العيد عطر ساعه شماغ اي شيء

وغلفيها وحطي فوقها رساله اعتذار

 

[shshoo]

رد : ساعدوني ابوي مايكلمني بعد محبه ..

ياقلبي ماعليه شتسوين بعد:eh_s(11):
روحي تسامحي منه مره ومليون وقوليله انا بنتك حبيبتك عفيه سامحني
وكل شي سويله الغدا والعشا وهو عارف انج تبتي بس يبي اعاقبج
عشان اتعرفين اشكثر ثقة الاهل كبيره وماتعوض بس ان شاء الله ارد يثق فيج:wqedqw:

 

[•°أنـــفْــِـاسِ اَلِــــوُرَدِ°•]

رد : رد: ساعدوني ابوي مايكلمني بعد محبه ..

حبيبتي حاولي ترضين أبوك بكل الطرق هذا أبوك عزك وسندك وكل شئ وصدقيني أبوك ماينلام لأن اللي صار شئ صعب عليه مرهـ ,’
روحي لمه قوليله يبه أنا آسفه أناغلطت وندمانه قد شعر رأسي قولي يبه أنا من لي بعد الله سبحانه تعالى بهالدنياغيرك أنت وأمي أرضى علي لأني تعبت وأنا أشوفك ماتكلمني بوسي راسه قول سامحني بس أهم شئ ترضين ابوك لأنك أنتي اللي غلطتي وهالشئ أثرعليه خصوصآ أنه كان واثق فيك وأنتي الله يهديك وعشان كذا لازم تسوين المستحيل عشان يرضى هذا أبوك عزك في حياتك
كثري من الإستغفار بنية أن أبوك يرضى ووأستغفري من اللي سويتيه وأدعي الله أن يصلح الأمور بينكم ويرضى أبوك عليك اللهم آمين وقومي الليل وصلي وأدعي بسجودك ويارب يرضى عليك أبوك اللهم آمين يارب العالمين ,’

 

[الرشوف]

رد: رد : ساعدوني ابوي مايكلمني بعد محبه ..

:eh_s(16)::eh_s(16)::eh_s(16)::eh_s(16)::eh_s(16)::eh_s(16)::eh_s(16):

انا من اول الوقت تقريبا بعد السالفة حبست حلي بالغرفه اسبوع وبعدها من طلعت رحت لامي وبستها على راسها وقتلها اني غلطانه واني تبت وماراح تنعاد وهي ساكته طبعا .. ورحت لابوي وهو بفراشه وقتله يبا صد عني قمت ابجي وماقدرت اتكلم وقتله خلاص يبا الواحد مايغلط غلطه وتبت منها ماراح تنعاد وعد وبجي بجي بجي وهو صاد ولا التفت ..

وبعدها ماكلمته مره ثانيه لاني وحده حساسه حيل ..

دمعتي على طرف عيني بسرعه ابجي .. وبسرعه اتأثر ..

فعلا موقف خايس حييييييييييييييييييييييييييييييييييييييييل ويعور القلب :eh_s(16):

حلفي بس حساسة حلفي

يمة ابوووووووووووووج ابوووج ماتفهمين يعني شنو ابووج
وبعدين ابوج انصدم لانج اغلا من عندة
روحي مرة واثنين وعشرة الاب والام يحنون على ضناهم


حساسة على الناس يمة ابوج بقلبه شايل زعل بس مو كره عليج
:eh_s(14):

ابوج انصدم منج

روحيلة وطيحي على رجولة
وبوووسي رجلة انتي شدراج ابوج اليوم موجود بعد عمر طويل
تبينة يروح واهو زعلان منج والله لا تمموووتين قهر

عسى ربي يخليه يارب
ويطول بعمرة
صدقيني مسألة وقت
روحي مرة واثنين وثلاث وعشر

لين يرضى عليج

وكل ما شفتية طيحي على راسة وبوسية لو صدج
انتي الغلطانة اميي

لازم ترضينة قصبن عنج
وحبج بقلبة ما راح يروح


وعسى ربي يرضي قلبه عليج يارب

حساسيتج وعزت نفسج مو على ابوج ها​

 

[FXXXS]

رد : ساعدوني ابوي مايكلمني بعد محبه ..

شوفي حياتي انتي حاولي تخلين حياتج عاديه لا تتأسفين لأنج راح تذكرينه بسالفه وخصوصا انتي تأسفتي ومانفع لانج ذكرتي وحرقتي قلبه:eh_s(14):
خليج طبيعيه ولا جنى صار شي اقعدي وياه مثل قبل وانسي السالفه واذا انتي نسيتيها اهو بعد راح يشوفج واثقة من نفسج وراح ينسى السالفه
وغلطتج هذيج انسيها ما ورى الذايب غير المشاكل ابتعدي عنهم:eh_s(13):
واحمدي ربج ماصار اكبر من جذي

 

[shmoo5 2ntha]

رد : ساعدوني ابوي مايكلمني بعد محبه ..

حتى لو حساسه

روحي بوسي راسه وإبجي قولي له ماقدر أعيش من غير رضاك علي

آنا غلطت وتبت وإن شاء الله ربي يغفر لي وإنت بعد يايبه سامحني

مابي شي من هالدنيا غير رضاك

تبي تذبحني إذبحني بس إرضى عني

ليني قلبه اللي صار مو إشويه ,,

وغحنا بالعشر الأواخر إدعي ربج بكل صلاه يحنن قلبه عليج

 

[حجيه هيونه]

رد: رد : ساعدوني ابوي مايكلمني بعد محبه ..

حاولي دشي عليه واهو بروحه طيحي على راسه وبوسيه واعتذري منه وكم كلمه وكم دمعه وان شاء الله يطيح الحطب ويطخ

تلقينه متضايق اكثر منج

 

[زهراء الركابي]

رد : رد: رد : ساعدوني ابوي مايكلمني بعد محبه ..

الله يهديج ويحنن قلب ابوج عليييييييج

 

[teacher-85]

رد : ساعدوني ابوي مايكلمني بعد محبه ..

أنا اقول عطيه هديه بالعيد وحطيها على فراشه قبل لا يطلع من الحمام
وكتبي رساله صغيره
يعني اربع جمل او ثلاث كافي
وكتبي اذا راضي عني البسه اليوم وانا ماييب لك طاري السالفه مره ثانيه
وراح ارفع راسك