ساعدوني أشلون أدرس أخوي موااضيع محرجة ساعدوني

[أنــثــى]

السلام عليكم


جزاكم الله خير بغيت أسأل اشلون أدرس اخوي موااضيع محرجه

انا كلما اييلي بموضوع جذي اذا كانت فكرة او شي اسوي روحي ما قريته والله انحرج ماعرف شقوله

اهو عمره 10 سنين يدرس بالمعهد الديني صف سادس

بس اليوم درسته امتحان فقه اغلب المواضيع بهالسوالف

مثلا بموضوع مبطلات الصيام من بينهم مكتوب الحيض ووطء الزوجة وكاتبين شغلات عن الكفارات يعني اذا جامع الرجل امرأته بنهار رمضان لازم يكفر ويصوم وجذي شقوووله اطنش ولا شلوون افهمه؟

بالله شقووله بالهحجي وهمن بموضع ثاني قايلين بصيام التطوع ان المرة لازم تصوم برضى ريلها وحرام تصوم بدون رضاه

اشوه ما سألني ليش؟ لإني رقعتها قلت لازم اتطيع ريلها وتستأذن اهو قالي اي صح

بس الباجي شقووووول؟ شلوون افهمه

حسيت حرااام لازم يفهم وما يصير اطووف بس مادري شقوله

يااااريت تسااااااااااعدوني ووآسفه اذا موضوعي محرج ويخدش الحياء بس والله مهم عشان جذي أبي رايكم والله ما ني عارفه شسوي؟


مشكوووووووووووووين

 

[أنــثــى]

سااعدووني شنو محد فيكم مر عليه مثل هالمواااضيع ولا مثلي اتطنشون السالفه؟

 

[* قلبــ أنا ــك *]

انا والله كنت مرة ادرس ولد اختي ولا فيه عن امور الحيض وبعض الاحكام المتعلقة بالمرأة
حددت له الصفحات وقلت له الصفحات هذي ادرسهم بروحك ...انا مشغووووووله <<< ترقيعه
جد والله احراااااااج

 

[امجاد الاولين]

حبيبتي انا اتذكر لمن كنت بثالثه متوسط كان كتابنا في شي جذي مثل هالشغلات
فكلا اسال امي واسال الابله يقولون اذا كبرتي بتعرفين هههههه قعدت اضحك قلت دامني صغيره على هالسوالف ليش يحطونها هههه

الله يعينج طنشي لادققين بكل شي اقري قرايه سريعه ولا سالج قولي مدري عنهم ماعرف انتي احفظ وبس هههه مو كل شي بدين لازم نعرفه احنا نطبق وبس هههه
ان شاءالله يقتنع

 

[أنــثــى]

مشكوووووووووورين حبيباتي عالمرور وانكم عبرتوني وحاولتوا تساعدوني

انا كنت اسوي جذي قبل اذا كانت معلومه بسيطه اطوفها اسوي روحي ما قريتها

بس ترا أنا قلت اخوي بالمعهد الديني يعني دروسهم كلها دينية بحته مو مثل باجي المدراس

وعلى فكرة الكمية اللي درستهياه امس اهي كلها عن مبطلات الصوم وكانوا متخصصين درس كامل عن كفارة وطء الزوجة بنهار رمضان قلت حرام يسقط بالماده والباجي عن المبطلات ومن بينهم الحيض وهمن القضاء والكفاره اللي فيهم وطء الزوجة مكررينها واايد ومفصلين منو عليه الكفاره المره ولا الريال وكاتبين اذا برضا الريال ومادري شنو امس سألني من الأمور المباحة للفطر مع القضاء الحائض والنفساء قلتله عالسريع عشان ما يسأل بس سألني شنو يعني الحائض والنفساء؟ اتوهقت قلتله النفساء لمن تولد المره ما تصوم والحائض نفس المعنى ههههههههههه

استغفرالله مادري شسوي وباجي المواضيع قريتها قرايه ومر بسلام وما سألني اهم شي وطء الزوجة بس كان ساكت ويتبسم انا قلت ليكون فهم! لإن همن فكرت الإستاذ شلون شرحلهم؟ كنت بسأله عشان اعرف شن وفكرته بس قلت ماله داعي احرج نفسي..

بس امبين استاذهم ماقالهم عن الحائض والنفساء يمكن سوا نفسي وقال سريع عشان جذي سألني مع إن كاتبين اخر الصفحه معنى النفساء خروج دم من المرأة ومادري شنو انا فكرت بالله ما قراها وتساءل الأسئلة اللي تعرفونها؟


بصراحه العتب عالوزارة اطفال بعمر 10 سنين ما بلغوا المفروض يتجنبون هالمواضيع ويتكلمون بمواضيع ثانيه ليمن يوصلون للصف الثامن مثلا

 

[دندرمه]

شوفي اختي لحياء بالدين

خل يتعلم منج بالطريقة الصحيحة ولا من وربع المدرسة يفرون راسة

شوفي شرحيلة بطريقة مبسطة حيييل حييل وسطحية بس علشان لا تدور الاسالة في بالة


وانا الحين راح اشوفلج موضوع شلون تشرحين حق الاطفال عن الأمور الجنسية بس نطري علي شوي على ما أدور

 

[أنــثــى]

مشكوووووووووووووورة دندرمه ما تقصرين واذا حطيتي الموقع اكون شاكره

 

[الغاليه نونو]

علميه يمه انتي اخته وقوليله هاللي تقراه بالكتب هذا موجود من يوم ماطلع ابونا آدم وامنا حواء علي ويه الارض ومافيها عيب ولا تقعدين تتحرجين جدامه كلميه بجديه وقمتي الضحكه لانج بتشوفين تعابير ويهه وبتييج الضحكه غصب طيب "
انا درست عيالي كلهم اسم الله عليهم يوم كانوا بهالمراحل كنت اشرح لهم علي السبوره ايييييي والله كنت حاطه سبوره مغناطيسيه واقلام وحركاات واقعدهم بالصاله واصير لهم ابله ههههههههههههههه المهم توصل لهم المعلومه مني صح احسن من انه يلقطوونها من ربعهم بالغلط والحمدلله ازمه وعدت"

وسعي الصدر واشرحيله مثل ماهو مكتووب والله يعينج يمه

 

[قلبي ابيض]

الغالية نونو يزاها الله خير كفت ووفت

واذا حييييييل مستحية خلي احد غيرج يفهمه

والله يوفقه ويوفقج

 

[أنــثــى]

مشكورة الغالية نونو وقلبي ابيض مشكورين حبيباتي

بس انا اشوفه صعب اني افهمه عالأمور يعني انتي قلتي كلام بس الفعل غير هل انتي فهمتي عيالج شنو يعني وطء الزوجة والحيض والنفاس؟ فهمتيهم بالضبط؟ اهو الكتاب بكبره ما كانوا حاطين تعاريف الا للنفاس هذا يدل ان اهم ما يبون يقرونها الطلبة
بس اشلووون اقوله تعريف وطء الزوجه وليشي علريال الكفاره مو عالمره وليش هالشي حرام؟ يعني سهل تشرحيله شنو يسوي الريال وليش حرام وليش اهو برمضان ما يمسك نفسه ويصير هالشي ولازم يكفر فيه؟ والله صعبه؟

انا اخواني الصغار مالهم غيري عشان جذي معتمدين علي انا ومحد يدرسهم غيري امي ما تفهم الا شغلات بسيطه مالها بالعربي واايد
وابوي ريال كبير ما يقدر يفهمهم ويجابلهم واخواني محد فاضيلهم وانا اختهم الكبير بس فلا تقولون احد غيري يدرسهم وعشان جذي احتجت مساعدتكم لإنه بنظري صعب

انا معاكم لو اقوله الصح انا عشان ما يعرف من طرق غلط بس شلووووووووووووووووووون؟ والله اشوفها صعبه؟

عموما مشكووووووووووورين خواتي ما قصرتوا

 

[قلبي ابيض]

الله يعينج خلاص اذا مو قادرة مدرسة ( أبلة ) تيي للبيت والساعة ب 5 دنانير ( انتي اخذيها ساعتين ) بس تشرح وتروح مادري اذا فدتج او طريقتي غلط بس مالج الا جذي